Fréttablaðið - 28.08.2008, Blaðsíða 70
50 28. ágúst 2008 FIMMTUDAGUR
sport@frettabladid.is
Helga Margrét Þorsteinsdóttir úr Ármanni endaði einstakt
tímabil á skemmtilegan hátt þegar þessi fjölhæfa sjöþraut-
arkona vann átta greinar á Meistaramóti Íslands 15-22 ára
sem fram fór á Sauðárkróksvelli um helgina. Helga vann
100 metra hlaup, 200 metra hlaup, 100 metra grindahlaup,
hástökk, langstökk, þrístökk, kúluvarp og kringlukast á
mótinu.
„Það var rosalega gaman að þessu og ég er ánægð
með þetta. Ég hef áður unnið mörg gull á sama móti
en ég keppti bara í það mörgum greinum núna að
þetta tókst,“ segir Helga, sem vildi þó ekki gera of
mikið úr þessu. „Þetta var meira gaman en það var
erfitt. Þetta var síðasta mótið í sumar og ég ákvað
bara að prófa það að fara í margar greinar.
Sumar af þeim voru ekki mínar greinar eins
og til dæmis þrístökk og kringlukast,“ segir
Helga, sem þurfti að skipuleggja sig vel til
þess að ná því að keppa alls staðar. „Það var
svolítið um að maður var að hlaupa á milli greina en það
er nú bara þannig þegar maður er að keppa í mörgum greinum.
Maður þurfti að hlaupa eða stökkva á milli kasta og skipta um
skó á milli,“ rifjar hún upp.
Helga Margrét fékk líka brons í níundu greininni, sem var
spjótkast. „Spjótið klikkaði eins og alltaf en það hefði verið flott
ef ég hefði náð að vinna það líka,“ sagði Helga Margrét, sem
bætti eigið stúlknamet í kúluvarpi þegar hún varpaði kúlunni
13,21 metra og bætti gamla metið um 34 sentimetra.
Helga Margrét er ánægð með tímabilið en hún varð
Norðurlandameistari unglinga í sumar, endaði í 7.
sæti á HM 19 ára og yngri og bætti Íslandsmetið.
„Ég get ekki verið annað en ánægð með sumarið.
Ég get samt ekki sagt að þetta hafi verið langt fram
úr mínum væntingum, þetta þróaðist svona eins og mig
langaði til,“ segir Helga, sem ætlar að taka sér frí áður en
undirbúningstímabilið fyrir næsta tímabil hefst. „Ég ætla að
taka mér smá hvíld frá æfingum en hreyfi mig eitthvað í
öðru en frjálsum. Ég er lítið búin að skoða næsta ár og ætla
bara að taka mér smá frí,” sagði Helga að lokum.
HELGA MARGRÉT ÞORSTEINSDÓTTIR: ENDAÐI FRÁBÆRT TÍMABIL Á ÞVÍ AÐ VINNA ÁTTA GULL Á MÍ 15 TIL 22 ÁRA:
Þetta var meira gaman en það var erfitt
FÓTBOLTI Seinni leikur FH og Aston Villa í ann-
arri umferð forkeppni UEFA-bikarsins fer
fram á leikvanginum Villa Park í Birmingham
á Englandi í kvöld. Aston Villa vann fyrri leik
liðanna á Laugardalsvelli sem kunnugt er
fremur auðveldlega, 1-4, og er því í vænlegri
stöðu upp á framhaldið að gera en þjálfarinn
Heimir Guðjónsson hjá FH er fullur tilhlökk-
unar fyrir leikinn.
„Við erum mættir á Villa Park til þess að ná
hagstæðum úrslitum og FH hefur reyndar
gengið vel á útivöllum í Evrópukeppni síð-
ustu ár. Við náum vonandi góðum leik
og sýnum að það sé eitthvað varið í
íslenska knattspyrnu,“ segir
Heimir.
Heimir telur að FH-ingar hafi
rekið sig á ýmislegt á Laugardals-
velli sem þurfi að laga
fyrir leikinn á Villa
Park.
„Við leggjum leikinn svipað upp og við gerð-
um á Laugardalsvellinum en þó með nokkrum
áherslubreytingum. Það er ljóst að við verðum
að spila betri varnarleik en við gerðum þá og
það er mikilvægt að menn mæti í hjálparvörn
þegar fljótir leikmenn eins og Ashley Young og
Gabriel Agbonlahor koma aðvífandi,“ segir
Heimir.
Martin O‘Neill, knattspyrnustjóri Aston
Villa, er bjartsýnn á að lið sitt komist áfram
gegn FH og telur jafnframt að Villa geti farið
alla leið í UEFA-bikarnum í ár.
„Ég held að við séum líklegir til þess
að vinna UEFA-bikarinn í lok
tímabils og við ættum að setja
stefnuna á það,“ segir O‘Neill í
nýlegu viðtali á opinberri
heimasíðu Aston Villa.
Heimir hefur ekki trú á
því að Aston Villa vinni
UEFA-bikarinn.
„Ekki ef þeir spila eins og
þeir gerðu á móti Stoke um síð-
ustu helgi. Þótt þeir séu með nokk-
uð sterkan leikmannahóp og góða
blöndu af þessum enska kraftabolta og
svona meginlandsbolta þar sem þeir
vilja halda boltanum, þá held ég að þeir
fari ekki alla leið,“ segir Heimir.
FH-ingum hefur ekki gengið sem skyldi í
Landsbankadeildinni síðan þeir mættu Aston
Villa á Laugardalsvellinum og tapað einum
leik og gert eitt jafntefli, en Heimir telur að
þátttöku Hafnarfjarðarliðsins í Evrópukeppn-
inni sé þar ekki sérstaklega um að kenna.
„Úrslitin í síðustu tveimur leikjum í deild-
inni heima, þar sem við höfum fengið aðeins
eitt stig, eru náttúrulega óásættanleg og við
verðum að bæta fyrir það. Næsti leikur okkar
í deildinni er 13. september þannig að það
gefst góður tími til þess að fara yfir málin
eftir seinni leikinn við Aston Villa.
Þátttaka FH í þessum Aston Villa-
leikjum er náttúrulega frábær
fyrir klúbbinn og sér í lagi fyrir
unga leikmenn liðsins og það er
ekkert nema gott um það að
segja,“ segir Heimir. - óþ
Heimir Guðjónsson, þjálfari FH, er hvergi nærri smeykur út af leiknum gegn Aston Villa á Villa Park í kvöld:
Mættir til að ná hagstæðum úrslitum
BJARTSÝNI O‘Neill
telur að Aston Villa geti
farið alla leið og unnið
UEFA-bikarinn á þessu
keppnistímabili.
NORDIC PHOTOS/GETTY
TILHLÖKKUN Heimir
hlakkar til leiksins í
kvöld og vonar að FH
nái að sýna sitt rétta
andlit.
FRÉTTABLAÐIÐ/VILHELM
FYLKIR 0-2 KR
0-1 Guðjón Baldvinsson (22.),
0-2 Björgólfur Takefusa (39.).
Fylkisvöllur, áhorf.: 985
Magnús Þórisson (5)
TÖLFRÆÐIN
Skot (á mark) 14-7 (8-4)
Varin skot Fjalar 1 – Stefán Logi 6
Horn 6–5
Aukaspyrnur fengnar 16-11
Rangstöður 4-4
Fylkir 4–5–1 Fjalar Þorgeirss. 5 - Andrés Már
Jóhanness. 6, Kristján Valdimars. 4, Ólafur Ingi
Stígss. 3, Peter Gravesen 6, Ingimundur Óskarss.
7, Hermann Aðalgeirss. 6 (74., Björn Orri -), Valur
Fannar Gíslason 5, Halldór Hilmisson 5 (83., Allan
Dyring -), Kjartan Á. Breiðdal 5, Jóhann Þórhallss. 4
(70., Kjartan Andri 5).
KR 4–4–2 Stefán Logi 6 - Skúli Jón Friðgeirss. 5,
Pétur Marteinss. 6, Grétar S. Sigurðars. 6, Guðmund-
ur Gunnarss. 3, Gunnar Jónss. 6 (80., Ásgeir Örn -)
, Jónas Sævarss. 6, Bjarni Guðjónss. 6, *Jordao
Diogo 7, Guðjón Baldvinss. 6 (54., Guðm. Péturss.
5), Björgólfur Takefusa 6 (65., Óskar Hauks. 5).
> Landsliðshópurinn tilkynntur í dag
Landsliðsþjálfarinn Ólafur Jóhannesson mun tilkynna
landsliðshóp sinn fyrir leikina gegn Noregi og Skotlandi í
undankeppni HM 2010 í hádeginu í dag. Frétt á heima-
síðu norska félagsins Stabæk í fyrrakvöld gaf til kynna að
Veigar Páll Gunnarsson og Pálmi Rafn Pálmason væru á
meðal þeirra leikmanna sem Ólafur hefði valið í lands-
liðshóp sinn en landsliðsþjálfarinn sagði það hins
vegar ekki alls kostar rétt í viðtali við Nettavis-
en í gær. „Við sendum út fax til 40-50 félaga
um að umræddur leikmaður komi til greina í
landsliðshópinn. Ég er ekki búinn að ákveða
nákvæmlega hverjir verði í 22-manna leik-
mannahópnum. En það eru meiri líkur
en minni á að ég velji Veigar Pál,“ sagði
Ólafur við Nettavisen í gær.
Löggildir
rafverktakar
Rafmagnsvandamál
Talaðu þá við okkur
Uppl. síma
8604507 / 8494007
islagnir@islagnir.is
www.islagnir.is
FÓTBOLTI KR-ingar voru langt frá
sínu besta þegar þeir unnu Fylk-
ismenn 0-2 í Landsbankadeild
karla á Fylkisvelli í gærkvöld.
Gestirnir nýttu hins vegar færi
sín vel á meðan heimamenn náðu
lítið að skapa sér þrátt fyrir að
hafa verið mun meira með boltann
í leiknum.
„Við vorum bara ekki nógu ein-
beittir í sóknaraðgerðum okkar.
Við vorum í raun sjálfum okkur
verstir í þessum leik og það var
mjög leiðinlegt að tapa á móti
gömlu liðsfélögunum með þessum
hætti,“ sagði Ingimundur Níels
Óskarsson, sem kom til Árbæjar-
félagsins frá KR fyrr í sumar.
Jafnræði var með liðunum
framan af fyrri hálfleik. Fylkis-
menn voru meira með boltann en
náðu ekki að koma sér í nógu góð
marktækifæri. Á meðan lágu KR-
ingar aftarlega á vellinum og
beittu stórhættulegum skyndi-
sóknum sem báru þó nokkurn
árangur.
Á 22. mínútu skoraði KR-ingur-
inn Guðjón Baldvinsson fyrsta
mark leiksins þegar hann slapp
einn inn fyrir vörn Fylkis og
afgreiddi boltann af öryggi í netið
framhjá varnarlausum Fjalari
Þorgeirssyni.
Fylkismenn reyndu að svara en
það vantaði að sóknarmenn liðs-
ins kláruðu sóknirnar af meiri
krafti og þau skot sem rötuðu á
KR-markið voru máttlítil og í
raun algjörir æfingaboltar fyrir
Stefán Loga Magnússon í mark-
inu.
KR-ingar bættu svo við öðru
marki á 39. mínútu eftir glæsilega
sókn. Jordao Diogo átti góðan
sprett upp vinstri kantinn, tók létt
þríhyrningsspil með Bjarna Guð-
jónssyni og náði sendingu fyrir
markið á Björgólf Takefusa sem
skoraði af stuttu færi. Vel útfærð
sókn sem gjörsamlega splundraði
slakri Fylkisvörninni.
Snemma í síðari hálfleik fékk
KR-ingurinn Guðmundur Reynir
Gunnarsson rautt spjald fyrir að
fella Fylkismann þegar boltinn
var víðs fjarri. Fylkismenn reyndu
hvað þeir gátu til þess að nýta sér
liðsmuninn og skora en lítið gekk.
Sóknaraðgerðir Fylkismanna
voru sem fyrr í leiknum ósann-
færandi og runnu allar út í sand-
inn án þess að heimamenn næðu
að koma almennilegum skotum á
mark KR-inga. KR-ingar féllu eðli-
lega aftar á völlinn eftir að þeir
misstu mann útaf en lentu aldrei í
vandræðum og sigldu sigrinum í
höfn hægt og bítandi.
Til að bæta gráu ofan á svart hjá
Fylkismönnum þá fékk fyrirliðinn
Ólafur Ingi Stígsson rautt spjald
en lokatölur urðu 0-2.
Guðjón Baldvinsson var sáttur
með þrjú stigin í leikslok en fannst
lítið til spilamennsku liðanna
koma. „Þetta var hrikalega slapp-
ur leikur og það vilja örugglega
margir áhorfendur fá endurgreitt
fyrir að horfa upp á svona dæmi.
Við kláruðum okkar færi vel og
náðum að halda vel eftir að við
missum mann útaf. Það er því
ágætis léttir að hafa náð að klára
leikinn,“ sagði Guðjón.
omar@frettabladid.is
Fylkismenn sjálfum sér verstir
KR vann Fylki 0-2 í Landsbankadeild karla á Fylkisvelli í gærkvöld. Bæði mörk KR-inga komu í fyrri hálf-
leik en Vesturbæingar léku einum manni færri nær allan seinni hálfleik eftir að Guðmundur Reynir
Gunnarsson fékk rautt. Fylkismenn náðu ekki að nýta sér liðsmuninn og eru áfram í mikilli fallhættu.
ÖFLUGUR Portúgalinn Jordao Diogo
átti góðan leik fyrir KR á Fylkisvelli í
gærkvöld. FRÉTTABLAÐIÐ/RÓSA
FÓTBOLTI Landsliðsþjálfarinn
Ólafur Jóhannesson lét sig ekki
vanta á Fylkisvöll í gær og var
þar ásamt aðstoðarþjálfaranum
Pétri Péturssyni.
Hugsanlega hafa einhverjir
leikmenn átt þar möguleika á því
að vinna sér sæti í landsliðshópn-
um sem mætir Noregi og
Skotlandi í næsta mánuði.
Markverðirnir, Stefán Logi
Magnússon hjá KR og Fjalar
Þorgeirsson hjá Fylki, hafa báðir
verið í leikmannahópum Ólafs og
Stefán Logi lék til að mynda allan
leikinn í síðasta leik á móti
Aserum á Laugardalsvelli. - óþ
Landsliðsþjálfarinn mættur:
Ólafur var á
vellinum í gær