Fréttablaðið - 28.08.2008, Blaðsíða 43
FIMMTUDAGUR 28. ÁGÚST 2008 7í túninu heima ● fréttablaðið ●
Söngleikurinn Ýkt kominn yfir
þig eftir Mark Ravenhill verður
frumsýndur í Bæjarleikhúsinu í
Mosfellsbæ í kvöld klukkan 19.
Sýninguna setja upp krakkar á
aldrinum þrettán til sextán ára
sem eru að ljúka sumarnám-
skeiði hjá Leikfélagi Mosfells-
bæjar en leikfélagið stendur
fyrir sumarnámskeiðum fyrir
krakka á aldrinum sex til sex-
tán ára. Sigrún Harðardóttir,
annar leikstjóra sýningarinnar,
segir æfingar hafa gengið vel.
„Krakkarnir hafa verið alveg
frábærir. Allir hafa lagst á eitt
um að gera flottan söngleik og
allir eru spenntir fyrir frum-
sýningunni.“
Frumsýningin verður í kvöld
í sem fyrr segir en önnur sýn-
ing verður laugardaginn 30.
ágúst klukkan 16 og þriðja sýn-
ing fimmtudaginn 4. september
klukkan 20. - rat
Fyrirhugað er að opna nýjan
framhaldsskóla í Mosfellsbæ.
Haustið 2009 verður skólinn
opnaður í bráðabirgða-
húsnæði í bænum en formleg
opnun í eigin húsnæði verður
haustið 2010.
Herdís Sigurjónsdóttir, formað-
ur fræðslunefndar Mosfellsbæjar,
segir framhaldsskóla vera löngu
tímabæran í Mosfellsbæ og fagn-
ar því að hann muni loks rísa.
„Í haust verður ráðinn skóla-
stjóri sem á að móta starfið
fyrir verðandi framhaldsskóla.
Sú ráðning og vinna er í hönd-
um menntamálaráðuneytisins,“
útskýrir hún og heldur áfram:
„Framhaldsskólinn hefur mikla
þýðingu fyrir bæjarfélagið. Skól-
inn kemur til með að hafa mikil
áhrif á menningarlífið í bænum
og hann verður sjálfsagður þátt-
ur í bæjarfélaginu.“ Framhalds-
skólinn verður smár til að byrja
með en svo stækkar hann með til-
komu nýrrar byggingar sem verð-
ur í hjarta bæjarins. Í dag eru um
hundrað og fjörutíu börn sem út-
skrifast úr tíunda bekk á hverju
ári og einhverjir af þeim hópi eiga
eftir að sækja skólann ásamt nem-
endum af höfuðborgarsvæðinu.
Þegar spurt er hverjar áhersl-
urnar séu svarar Herdís: „Við
höfum auðvitað okkar hugmyndir
um hvernig skólastarfið eigi að
vera og við leggjum mikið upp úr
því að nýta náttúruna og allt sem
hún hefur upp á að bjóða. Lýð-
heilsa, útivist og íþróttir er það
sem við viljum leggja upp með,“
segir Herdís.
Hvað varðar staðsetningu skól-
ans þótti yfirvöldum í bænum
afar mikilvægt að staðsetja nýja
framhaldsskólann í hjarta bæj-
arins en ekki í útjaðri hans. „Við
erum að fara að byggja menning-
arhús í miðbænum og þess vegna
þótti okkur besti kosturinn að hafa
skólann þar líka,“ segir Herdís og
bætir við: „Við viljum bjóða upp á
einstaklingsmiðað nám líkt og við
erum að bjóða upp á í grunnskól-
unum okkar og með því ættu allir
að finna sér nám við sitt hæfi. Með
því getur skólinn þroskast í takt
við breytingarnar í samfélaginu.“
Ungmenni í bænum hafa sýnt
mikinn áhuga á framhaldsskólan-
um og því má segja að hann muni
gera mikið fyrir Mosfellsbæ og
nemendur hans. - mmr
Herdís Sigurjónsdóttir, formaður
fræðslunefndar Mosfellsbæjar, segir
framhaldsskólann hafa verið lengi á
teikniborðinu. FRÉTTABLAÐIÐ/GVA
Gerir mikið fyrir bæinn
Frá undirritun samnings um framhaldsskóla í Mosfellsbæ. FRÉTTABLAÐIÐ/PJETUR
Söngleikurinn Ýkt kominn yfir þig
verður frumsýndur í kvöld.
MYND/LEIKFÉLAG MOSFELLSBÆJAR
Krakkar á aldrinum 13 til 16 ára setja upp söngleikinn eftir sumarnámskeið
hjá Leikfélagi Mosfellsbæjar. MYND/LEIKFÉLAG MOSFELLSBÆJAR
Ýkt kominn yfir þig