Fréttablaðið - 28.08.2008, Blaðsíða 60
40 28. ágúst 2008 FIMMTUDAGUR
bio@frettabladid.is
Make it happen, dansmynd sumarsins, var frumsýnd í gær.
Hún fjallar um Lauryn, leikin af Mary Elizabeth Winstead
(Die Hard 4, Death Proof). Lauryn missir foreldra sína og
vinnur sem bókhaldari í bílaverkstæði fjölskyldunnar. Hana
dreymir hins vegar um að verða dansstjarna og æfir sig á
hverjum morgni fyrir inntökuprófin í dans- og tónlistarskóla
Chicago.
Eftir að inntökuprófið fer í vaskinn þorir Lauryn ekki heim,
heldur leitar skjóls hjá Dönu, sem einnig er dansari. Dana
reddar henni starfi við bókhald á Burlesque-klúbbi bæjarins.
Tælandi hreyfingar dansaranna á klúbbnum heilla og eftir
lokun leyfir Lauryn sér að líða um dansgólfið, ein með sjálfri
sér og draumum sínum. Þegar styttist í næstu inntökupróf í
skólann gefst henni tækifæri á að dansa á klúbbnum. En á hún
að grípa tækifærið á þessum skuggalega stað? Hvað gerist ef
bróðir hennar kemst að því að hún komst ekki inn heldur
vinnur við það að skemmta karlmönnum?
Hér er sem sagt um hefðbundna dansmynd að ræða og ætti
ekki að valda So you think you can dance-aðdáendum
vonbrigðum. - kbs
Berst fyrir dansdraumi sínum
DANSINN DUNAR Lauryn dregst inn á Burlesque-klúbb eftir að dans-
draumar hennar fara í vaskinn.
Mynda Coen-bræðra er
ávallt beðið með eftirvænt-
ingu. Eftir tryllinn No
Country for Old Men setja
þeir í léttari gír og bjóða
upp á fléttu, fulla af við-
bjóðslegu fólki, tilbúið til að
stinga hvert annað í bakið.
En þetta er ekki Fargo 2.
Burn After Reading fjallar um
CIA-manninn Osbourne Cox, leik-
inn af John Malkovich. Einn dag-
inn er Cox kallaður til háleynilegs
fundar sem reynist vera uppsögn
hans. Hann tekur þeim fregnum
ekkert sérstaklega vel og heldur
heim á leið, til að skrifa minning-
ar sínar og drekka, ekki endilega í
þeirri röð. Kona hans, Katie, leik-
in af Tildu Swinton, fær þar með
frekari hvatningu til að stinga af
með framhjáhaldinu, Harry, leik-
inn af George Clooney.
Hinum megin í bænum eru
einkaþjálfarinn Chad, leikinn af
Brad Pitt, og Linda, leikin af
Frances McDormand, upptekin af
útlitsdýrkun í líkamsræktarstöð-
inni Hardbodies. Þegar diskur
með hráum minningum Cox og
upplýsingum af ýmsum toga
kemst í hendur þeirra eru þau
ákveðin að nýta sér fundinn til
fulls.
Tilda Swinton lýsir myndinni
sem einhvers konar skrímsla-
mynd. „Við erum öll skrímsli. En
hún er fáránleg. Miklu léttari en
No Country for Old Men.“ Swinton
leikur hér í annað skiptið á móti
Clooney, en persónur þeirra höt-
uðust í Michael Clayton. Á Cloon-
ey að hafa sagt við Óskarsverð-
launaleikkonuna: „Kannski fáum
við einhvern tíma að gera mynd
þar sem við segjum eitthvað fal-
legt við hvort annað.“ Burn After
Reading er ekki sú mynd.
Þá á Pitt að hafa sagt þegar
honum var sýnt handritið: „Ég
veit ekki hvernig ég get leikið
þennan karakter. Ég meina, hann
er svo rosalega mikill fáviti.“
Bræður hafa þá hinkrað augna-
blik og svarað: „Þú verður fínn.“
Það er því ljóst að hér er um
fléttu af bestu gerð að ræða og má
búast við að sjá nýjar hliðar leik-
aranna. Þá halda Coen-bræður
fast í þema sitt, græðgi í einhverri
mynd. Burn After Reading verður
frumsýnd hérlendis í lok sept-
ember. kolbruns@frettabladid.is
Skrímsli a la Coenbræður
ALGJÖR FÁVITI Slæmt hár er ekki eini
löstur Chads, persónu Pitts.
ILLSKEYTTUR John Malkovich hræddi
víst nágranna sína með öskrum á heim-
ili sínu við undirbúning myndarinnar.
SKRÍMSLI Clooney og Swinton fá ekki að vera góð við hvort annað, frekar en fyrri daginn, í nýrri mynd Coen-bræðra.
Nýjustu myndirnar í bíó þessa
helgina eru allar í léttari kantin-
um. Sveitabrúðkaup verður
frumsýnd í kvöld en þegar hafa
The Rocker og Tropic Thunder
farið í sýningu. Þá er nýjasta
dansmyndin, Make it happen,
komin á hvíta tjaldið. Það má því
búast við að bros breiðist yfir
varir kvikmyndagesta um helg-
ina.
The Rocker
The Rocker segir frá unglings-
pilti sem leitar til frænda síns
þegar hann vantar trommara í
hljómsveit sína. Frændinn, leik-
inn af Rainn Wilson, sem þekkt-
astur er fyrir leik sinn í banda-
rísku Office-þáttunum, er
forfallinn rokkari og skellir sér í
hlutverkið, með misgóðum
afleiðingum.
5,5 af tíu (1.007 atkvæði) IMDB
37% rotin (90 atkvæði) Rotten
tomatoes
Tropic Thunder
Þú finnur vart öruggara saman-
safn gamanmyndaleikara en Ben
Stiller, Robert Downey Jr., Steve
Coogan og Jack Black. Hér sjást
þeir í grínhasar um leikara í
stríðsmynd sem lenda í alvöru
stríði.
Hér er því leikið á raunveru-
leikann, grínast með sjálfselsku
Hollywood-leikara, sprautað
blóði og ýmsar siðferðisreglur
brotnar í nafni skemmtunar.
Þess má geta að framleiðendur
hafa verið kærðir fyrir notkun
orðsins þroskaheftur.
7,9 af 10 (18.941 atkvæði)IMDB
83% fersk (161 atkvæði) Rotten
tomatoes
Rokk og grínhasar
MISHEPPNAÐUR Rainn Wilson er hinn
fullkomni misheppnaði frændi í The
Rocker.
ÓVÆGIÐ Tropic Thunder hlífir engum,
hvort sem það er gert með gríni eða
blóði.
Sveitabrúðkaup verður frumsýnd með pomp
og prakt í kvöld. Brúðguminn úr myndinni,
Björn Hlynur Haraldsson, missir hins vegar
af sýningunni, sem er skondið í ljósi þess að
myndin fjallar um par sem leita uppi eigið
brúðkaup úti á landi og virðast við það að
missa af því.
„Ég verð bara að fara á hana um
helgina,“ segir Björn, sem verður
við tökur á Hamrinum, nýjum
spennuþætti. „Ég kem þannig séð
tómur að þessari mynd, því það eru
alls konar sögur í henni sem ég
veit ekkert um hvað eru. Ég
hlakka bara til að láta koma mér
á óvart.“
Valdís Óskarsdóttir skaut
myndina á mörgum vélum og
gaf leikurunum lausan tauminn
að spinna við söguna. Það er því
engin furða að Björn hafi ekki
yfirsýn yfir efni myndarinnar. „Það var frekar
sérstakt að taka þátt í þessu,“ segir Björn.
„En við vöndumst fljótt aðferðinni sem hún
var að nota og maður fór smátt og smátt að
gleyma því að myndavélarnar væru þarna.“
Um persónu sína segir hann: „Ég hef ekki
gift mig en ég get ímyndað mér að það sé
oft þannig að brúðguminn reyni bara að
halda í við brúðina og sjá til þess að
hún fái ekki taugaáfall. Og allar
mæðurnar og frænkurnar líka. Hann
reynir að hafa alla góða en hann
klúðrar svolítið málunum.“
Sjálfur vinnur Björn að kvik-
myndahandriti og leikriti auk þess
sem hann mun fylgja Vesturport-
hópnum til New York í nóvember.
MISSIR AF FRUMSÝNINGU Björn Hlynur
leikur brúðgumann í Sveitabrúðkaupi.
FRÉTTABLAÐIÐ/VALLI
Brúðurin fái ekki taugaáfall
> VISSIR ÞÚ?
„Það var ekki svo slæmt að kyssa hann, en
hann þurfti að stoppa og raka sig í miðri senu,
þótt hann hafi rakað sig þann
morguninn. Þessi maður er sko
með almennilegt skegg,“ segir
Scarlett Johansson um Jonat-
han Rhys Mayers. Hætta þurfti
tökum í miðju ástaratriði þeirra
í Match Point á meðan Jonat-
han var látinn fara að raka sig.
V
in
n
in
g
a
r
ve
rð
a
a
fh
e
n
d
ir
h
já
B
T
S
m
á
ra
lin
d
. K
ó
p
av
o
g
i.
M
e
ð
þ
v
í a
ð
t
a
k
a
þ
á
tt
e
rt
u
k
o
m
in
n
í
S
M
S
k
lú
b
b
. 1
4
9
k
r/
sk
e
yt
ið
.
HVER VINNUR!
12.
KEMUR Í VERSLANIR 28. ÁGÚST