Fréttablaðið - 28.08.2008, Blaðsíða 16

16 28. ágúst 2008 FIMMTUDAGUR
nær og fjær
„ORÐRÉTT“
krónum lagið
Frá
Fyll'ann takk!
Á Tónlist.is getur þú nálgast yfir 50.000 lög og fyllt
spilarann þinn af topptónlist. Allt efni á Tónlist.is er
ólæst (DRM laust) og kostar frá 79 krónum lagið.
Þannig getur þú fært tónlistina hindrunarlaust á milli
tölvunnar, spilarans og farsímans.
Vertu tilbúinn í sumarfríið!
Akureyrarvaka fer fram um helgina og
verður hún sett í Lystigarðinum á Akureyri
annað kvöld. Á laugardag verður svo fjöl-
breytt dagskrá um allan bæinn frá morgni
og fram eftir kvöldinu. Meðal annars
verða útitónleikar í Gilinu með Bubba
Morthens og tvennir tónleikar verða
haldnir á miðnætti.
Reykhóladagurinn verður haldinn
á laugardaginn. Dagurinn er fyrir alla
fjölskylduna og hefst með gönguferð að
Kílonsvatni. Yfir daginn verður ýmislegt
í gangi en dagskránni lýkur með mat,
skemmtun og balli undir veislustjórn
Arnar Árnasonar.
Í Sandgerði fara nú fram Sandgerðis-
dagar, en þeir hófust á þriðjudag. Annað
kvöld verður heiðursborgari bæjarins
krýndur og úrslit úr keppninni um
Sandgerðisdagalagið verða kynnt. Þá
verða útitónleikar og síðan ball fram eftir
kvöldi. Á laugardag verður meðal annars
fjölskylduskemmtun og hverfaganga,
varðeldur og bryggjusöngur.
Í túninu heima er bæjarhátíð Mosfell-
inga sem fer fram um helgina og hefst
í dag. Annað kvöld verður hátíðin sett
formlega og á sama tíma verður bæj-
arlistamaður kynntur. Á laugardag og
sunnudag verður fjölbreytt fjölskyldudag-
skrá, og á laugardagskvöld verða tónleikar
fyrir alla fjölskylduna.
HVAÐ ER AÐ GERAST UM HELGINA?
Vakað fram eftir á Akureyri
AKUREYRI Akureyrarvaka fer fram um helgina og
verður margt um að vera.
Pétur Hafþór Jónsson, tón-
menntakennari við Austur-
bæjarskóla, hlaut íslensku
menntaverðlaunin fyrir
kennslubók sína um sögu
dægurlagatónlistar. Hann
telur nútímamenningu eiga
erindi inn í kennslustofur
landsins.
„Kennslan hefur gengið alveg
ljómandi vel. Krakkarnir eru
flestir afar áhugasamir og
skemmta sér hið besta. Einn tím-
inn fór til dæmis í umfjöllun um
Bítlana. Eftir tímann fékk einn
nemandi lánaðar hjá mér allar
Bítlaplöturnar og hlóð þeim inn á
iPodinn sinn. Það er óhætt að
segja að foreldrarnir hafi verið
hæstánægðir með þá þróun mála,“
segir Pétur Hafþór Jónsson, tón-
menntakennari í Austurbæjar-
skóla. Pétur hlaut í vor íslensku
menntaverðlaunin í flokki náms-
efnishöfunda fyrir kennslubók
sína Hljóðspor, þar sem farið er
yfir sögu dægurtónlistarinnar, frá
afrískri tónlist til hippamenning-
ar sjöunda áratugarins.
Pétur hefur nú kennt bókina og
tengt námsefni í nokkur ár. Sam-
hliða því hefur hann ferðast um og
kynnt efnistök námsefnisins fyrir
kennurum og skólayfirvöldum
víðs vegar um landið. Hann segir
viðbrögðin hafa verið góð, hjá
nemendum og eins hjá öðrum
kennurum. „Það má í raun segja
að ég noti svipaðar áherslur í
kennslunni og notaðar eru við tón-
listarsköpun. Alþýðutónlist fyrri
tíma gekk til dæmis mikið út á að
allir viðstaddir tækju þátt, væru
virkir en ekki aðgerðarlausir
áhorfendur. Þetta tel ég vera mik-
ilvægan hluta af allri kennslu.
Einnig hafa börnin mjög gott af
því að læra undirstöðuatriðin í
tónlistarsköpun, til dæmis hvað
varðar mikilvægi samvinnu í und-
irbúningi, útsetningum og fram-
kvæmd. Ég er líka á þeirri skoðun
að tónlist sé svo mikilvægur hluti
samfélagsins að það sé glapræði
að gera henni ekki góð skil,“ segir
Pétur.
Hugmyndin að námsefninu
kviknaði þegar Pétur tók sér
þriggja ára frí frá kennslu til að
nema tónvísindi í Álaborg. „Þar
var farið yfir sögu dægurlagatón-
listarinnar og áhrif hennar á þjóð-
félagið á hverjum tíma. Ég hreifst
af náminu og tel tónlistarsögu eiga
erindi við íslensk börn. Ég held til
dæmis að rokkið hafi átt stóran
þátt í að brjóta niður marga veggi,
og kannski er rokkið stórmerki-
legt þjóðfélagsfyrirbæri. Í öllu
falli endurspeglar rokksagan þjóð-
félagsástandið á hverjum tíma
afar vel.“ Pétur telur nútímamenn-
ingu eiga skilið veigameiri sess í
kennslu en verið hefur. „Það hefur
til dæmis gefist mörgum vel að
nota nútímamenningu í tungumála-
kennslu. Það er mikilvægt að setja
hlutina í samhengi sem krakkarnir
geta samsvarað sig við,“ segir
þessi brautryðjandi og heldur
áfram að uppfræða æskuna um
þjóðfélagslegt mikilvægi Bítlanna
og Bob Dylan. kjartan@frettabladid.is
Börnin fá Bítlaplötur lánaðar
LJÚFIR TÓNAR Pétur hefur verið einkar duglegur við að sanka að sér hljóðfærum af öllum stærðum og gerðum, sem nemendur
hans njóta góðs af við námið. Veggina í tónmenntastofunni þekja myndir af merkum tónlistarmönnum síðustu aldar, eins og
Elvis, Dylan og Ragga Bjarna. FRÉTTABLAÐIÐ/ARNÞÓR
Tveir ungir menn, Viktor A. Bog-
danski, nýútskrifaður stúdent frá
Menntaskólanum við Sund, og Guð-
mundur S. Guðmundsson, nemi í
Borgarholtsskóla, markaðssetja og
selja á netinu flugnanet í glugga.
Viktor og Guðmundur eru með
kynningu á flugnanetinu á flugu-
laus.blog.is og á síðunni Flugulaus.
com sem verður opnuð á næst-
unni.
Viðskiptahugmyndin kom þannig
til að Viktor er með flugnafóbíu og
getur ekki haldið ró sinni ef fluga
er í sama rými og hann. „Ég er
skríthræddur við allar flugur og
skordýr. Það er nóg að það sé smá-
fluga nálægt mér og þá er ég skít-
hræddur,“ segir hann.
Þá hefur Guðmundur að undan-
förnu átt í vandræðum með köng-
ulær sem koma inn um gluggann
hjá honum og spinna vefi hér og
þar í herberginu hans.
„Eva mágkona mín byrjaði á því
að gera svona flugnanet í ramma
fyrir sjálfa sig,“ segir Viktor. „Mér
leist mjög vel á það og datt í hug að
selja þessa flugnanetsramma. Við
þurfum bara að fá ummálið á
glugganum og smíðum svo ramm-
ann,“ segir hann.
Viktor telur ekkert of seint að fá
sér flugnanetsramma í gluggann
nú í haust þar sem flugur og skor-
dýr séu farin að leita inn í hitann.
Flugnanetið hafi líka þann stóra
kost að ekkert mál sé að setja það í
gluggann og taka það úr honum.
Það sé hægt að geyma yfir vetur-
inn og setja upp ár eftir ár, - ghs
Tveir ungir menn með nýstárlega viðskiptahugmynd:
Selja flugnanet í glugga
SKÍTHRÆDDUR Vinirnir Viktor A. Bogdanski og Guðmundur S. Guðmundsson selja
flugnanet í glugga. „Ég er skíthræddur,“ segir Viktor. FRÉTTABLAÐIÐ/VALGARÐUR
Úr takti við
almenning
„Frammistaða
landsliðsins er
auðvitað glæsileg
og gríðarlega góð
landkynning sem
ekki er hægt að
meta til fjár. En
það er út í hött
að menntamála-
ráðherra þurfi að
fljúga tvívegis til
Kína með maka
sínum. Ekki sáum
við forsetafrú
Frakka þarna, var
það?“ segir Ásgerður Jóna.
„Ég held að ráðamenn haldi að
við séum til fyrir þá en ekki öfugt.
Það vantar fjármagn til að upp-
fylla félagslega þjónustu gagnvart
borgurum. Við, þessar 320 þúsund
hræður, erum með um 600 opinberar
stofnanir og fyrirtæki og hver þeirra er
með sinn forstjóra á góðum launum.
Aldrei sæjum við 320 þúsund manna
fyrirtæki í Bandaríkjunum með 600
forstjóra.“
Ásgerður telur að gera eigi tölfræði-
lega úttekt á því hve umfangsmikið
og fjárfrekt stjórnkerfið sé orðið. „Það
þarf að fá óháðan erlendan aðila til
að fara í saumana á því hvert pening-
arnir fara. Þá er ég ansi hrædd um að
margir þyrftu að segja af sér.“
SJÓNARHÓLL
FLUG RÁÐAMANNA TIL PEKING
ÁSGERÐUR JÓNA
FLOSADÓTTIR
Formaður
Fjölskylduhjálp-
arinnar
Alls ekki í Framsókn
„Ég hefði aldrei tekið það í
mál að koma þarna inn sem
pólitískur fulltrúi.“
SIGMUNDUR DAVÍÐ GUNNLAUGS-
SON FÉKK SÆTI FRAMSÓKNAR-
FLOKKSINS Í SKIPULAGSRÁÐI.
Fréttablaðið, 27. ágúst 2008
Útgjöldin óhófleg
„Ef þau hefðu sætt sig við
hófsamari ferðamáta og
aðbúnað þá hefði þetta
verið betra.“
STEINGRÍMI J. SIGFÚSSYNI ÞÓTTI
KOSTNAÐUR VIÐ KÍNAFERÐIR
MENNTAMÁLARÁÐHERRA HELDUR
MIKILL.
Fréttablaðið 27. ágúst 2008