Fréttablaðið - 28.08.2008, Blaðsíða 74

54 28. ágúst 2008 FIMMTUDAGUR
PEKING 2008 Það þurfti sameinað átak
margra leikmanna til þess að fá íslensku
silfurverðlaunin á Ólympíuleikunum í
Peking. Þegar tölfræði liðsins er skoðuð
sést vel að það spiluðu margir leikmenn
vel og mörk liðsins dreifðust vel á allar
leikstöðurnar á vellinum.
Það er gaman að líta betur yfir þennan
glæsilega hóp sem færði íslensku þjóðinni
fyrstu ólympíuverðlaunin í hópíþrótt. Hver
getur gleymt ótrúlegum viðtölum íslensku
fjölmiðlamannanna við mentorinn og
læriföðurinn Ólaf Stefánsson eða stáltaug-
um Snorra Steins Guðjónssonar á úrslita-
stundu? Járnmaðurinn Guðjón Valur
Sigurðsson spilaði sig í gegnum meiðsli
sem hefðu haldið mörgum frá í margar
vikur og stálmaðurinn Alexander Peters-
son gaf ekkert eftir þótt hann væri oft að
glíma við miklu stærri og
þyngri menn. Villimenn-
irnir Sverre
Jakobsson og Ingimundur Ingimundarson
mynduðu magnað miðjupar og íslenski
björninn Sigfús Sigurðsson spilaði líka
dýrmætar mínútur. Íslendingar eignuðust
líka markvörð í heimsklassa á úrslita-
stundu í Björgvini Páli Gústavssyni sem
varði yfir 20 skot bæði í átta liða úrslitun-
um og undanúrslitunum. Hver getur
heldur gleymt tvíhöfðanum á vinstri
vængnum, annars vegar hinum rólega og
yfirvegaða Arnóri Atlasyni en hins vegar
hinum svellkalda og óhrædda Loga
Geirssyni sem er alltaf tilbúinn að taka
stóra skotið? Logi sjóðhitnaði á hárréttum
tíma í undanúrslitaleiknum og skaut
Spánverjana í kaf.
Alls voru það sex leikmenn liðsins sem
náðu að skora yfir 3 mörk að meðaltali í
leik sem hefur ekki gerst áður
hjá íslenska landsliðinu á
stórmóti og sjöundi maður-
inn, Róbert Gunnarsson, var
heldur ekki alltof langt á eftir.
Í fyrsta sinn átti íslenska landsliðið líka
fleiri en einn mann í úrvalsliði móts og gott
betur því þrír íslenskir leikmenn voru
valdir í lið mótsins. Íslenska liðið á sex
leikmenn meðal þeirra 24 markahæstu á
leikunum og Snorri Steinn setti met með
því að lenda í öðru sæti en Valdimar
Grímsson hafði hæst náð 3. sætinu á
Ólympíuleikunum í Barcelona 1992.
Annars var það liðsheildin og íslenski
baráttuandinn sem sá til þess að liðið kom
alltaf klárt í slaginn og gafst heldur aldrei
upp. Á bak við liðið starfaði síðan frábært
teymi þjálfara og aðstoðarfólks og
landsliðsþjálfarinn sýndi mikinn
þroska sem þjálfari að bæði
læra af reynslunni og nýta
sér frábært starf góðra
manna.
Hér á síðunni má sjá
framlag leikmanna liðsins í
markaskori og annarri tölfræði og þar sést
vel hvernig þetta dreifist og að það var
ógnað úr öllum stöðum hjá íslenska
landsliðinu í Peking. ooj@frettabladid.is
Ógnað úr öllum stöðum á vellinum
Sex leikmenn íslenska handboltalandsliðsins skoruðu þrjú mörk eða fleiri að meðaltali í leik á Ólympíuleikunum í Peking og Ísland
átti tvo af þremur markahæstu leikmönnum mótsins, Snorra Stein Guðjónsson og Guðjón Val Sigurðsson.
ÞRÍR GÓÐIR Ólafur, Snorri Steinn og Guðjón Valur
á pallinum. FRÉTTABLAÐIÐ/VILHELM
LOGI GEIRSSON
25 MÖRK
17 MÖRK MEÐ
LANGSKOTUM
24. MARKAHÆSTUR
Á MÓTINU
26 ÁRA OG 190 CM
Logi Geirsson kom
rosalega sterkur
inn í seinni hluta
mótsins og átti
sinn langbesta leik
í undanúr-
slitunum á
móti Spáni
þar sem
hann skoraði hvert
þrumumarkið á fætur öðru.
Logi er óútreiknanlegur og allaf tilbúinn
að skjóta á markið sem gerir það að verk-
um að hann myndar frábært mótvægi við
yfirvegaðan og skynsaman leik Arnórs.
ARNÓR ATLASON
25 MÖRK
30 STOÐSENDINGAR
24. MARKAHÆSTUR Á MÓTINU
4. STOÐSENDINGAHÆSTUR
24 ÁRA OG 191 CM
Arnór Atlason fór fyrir íslensku
sókninni í riðlakeppninni og
spilaði þá einstaklega vel. Arnór
var eins og Guðjón Valur að
spila sig í gegnum meiðsli og
hann gaf aðeins eftir þegar
leið á. Arnór var liðinu samt gríðarlega mikilvægur
og skapar skemmtilegt mótvægi við viltan leik Loga
Geirssonar.
HREIÐAR LEVY GUÐMUNDSSON
39 VARIN SKOT
7,8 SKOT VARIN Í LEIK
31,7 PRÓSENT
28 ÁRA OG 193 CM
Hreiðar kom okkur á Ólympíuleikana með
frábærri markvörslu í forkeppninni í maí en
var meira í hlutverki varamarkvarðar að þessu
sinni, þökk sé frábærri markvörslu Björgvins
Páls. Bestu leikir hans voru í jafnteflunum á
móti Dönum og Egyptum sem tryggðu liðinu
sæti í 8 liða úrslitunum.
RÓBERT GUNNARSSON
19 MÖRK
18 MÖRK AF LÍNU
70 PRÓSENTA
SKOTNÝTING
28 ÁRA OG 190 CM
Róbert var traust-
ur á línunni eins
og oft áður. Fáir
klára færin sín
betur og Róbert
skoraði mörg góð
mörk úr þröngum og erfiðum færum.
Hann er farinn að þekkja vel inn á skyttur
liðsins eftir áralanga samvinnu og það
skilar sér í mörgum góðum sóknum.
GUÐJÓN VALUR SIGURÐSSON
43 MÖRK
17 HRAÐAUPPHLAUPSMÖRK
17 MÖRK ÚR HORNUM
3. MARKAHÆSTUR Á MÓTINU
65 PRÓSENTA SKOTNÝTING
29 ÁRA OG 187 CM
Guðjón Valur Sigurðsson sýndi mikla
hörku þegar hann spilaði
sig í gegnum slæm ökkl-
ameiðsli sem höfðu
haldið mörgum
meðalmanninum
frá keppni. Guðjón
Valur var traustur eins og
áður og skoraði flest mörk liðsins
úr bæði hornum og hraðaupphlaupum.
BJÖRGVIN PÁLL GÚSTAVSSON
92 VARIN SKOT
13,1 SKOT VARIÐ Í LEIK
38,2 PRÓSENT
23 ÁRA OG 192 CM
Björgvin varði yfir
tuttugu skot í tveimur
leikjum í röð í útslátt- arkeppninni
og átti risastóran þátt í að íslenska liðið
fór í úrslit. Björgvin átti einnig góða inn-
komu strax í fyrsta leik á móti Rússum.
Björgvin sprakk út á sínu fyrsta stórmóti
og er frábær viðbót við liðið.
SNORRI STEINN GUÐJÓNSSON
48 MÖRK
21 MARK ÚR VÍTAKÖSTUM
15 MÖRK AF LÍNU
62 PRÓSENTA SKOTNÝTING
2. MARKAHÆSTUR Á MÓTINU
27 ÁRA OG 187 CM
Snorri Steinn Guðjónsson var aðalmaðurinn í sókn-
arleik íslenska liðsins og tók hvað eftir annað af
skarið á mikilvægum tímapunktum. Snorri Steinn
tryggði íslenska liðinu tvisvar sinnum jafntefli
með mörkum á lokasekúndunum og endaði
síðan á því að vera aðeins einu marki frá því að
verða markakóngur leikanna. Snorri hefur fullkomn-
að það að leysa inn á línu eitthvað sem Magnus
Wislander gerði svo vel fyrir Svía á sínum tíma.
ALEXANDER PETERSSON
31 MARK
9 STOLNIR BOLTAR
12 HRAÐAUPPHLAUPSMÖRK
16. MARKAHÆSTUR Á MÓTINU
EFSTUR Í STOLNUM BOLTUM
28 ÁRA OG 186 CM
Alexander átti enn á ný frábært mót með
landsliðinu, var öflugur í sókninni en sem
fyrr frábær í vörninni þar sem hann glímdi
hvað eftir annað við mun hávaxnari og
þyngri menn. Alexander tók einnig meira af
skarið í sókninni auk þess að breyta mörg-
um leikjum með því að stela boltanum og
búa til mörk úr engu.
ÓLAFUR STEFÁNSSON
29 MÖRK
38 STOÐSENDINGAR
18 MÖRK MEÐ LANGSKOTUM
20. MARKAHÆSTUR Á MÓTINU
STOÐSENDINGAHÆSTUR
35 ÁRA OG 196 CM
Ólafur Stefánsson var nokkuð frá sínu
besta í upphafi móts og virkaði þungur
í fyrstu leikjunum. Fyrirliðinn fór fyrst að
blómstra þegar íslenska liðið var komið
inn í átta liða úrslitin og lék frábærlega
í útsláttarkeppninni. Ólafur skor-
aði þá mörg dýrmætustu
mörk liðsins og
fann félaga sína
hvað eftir annað
með frábærum
sendingum. Þá
eru ótalin áhrif
hans á andlegu
hliðina í liðinu en
þar spilaði besti
íslenski hand-
boltamaðurinn
fyrr og síðar
aðalhlutverk-
ið, að fá leik-
menn liðsins til
að trúa því að
liðið gæti unnið
verðlaun.
INGIMUNDUR
INGIMUNDARSON
4 MÖRK
28 ÁRA OG 193 CM
SVERRE
JAKOBSSON
14 VARIN SKOT Í VÖRN
31 ÁRS OG 196 CM
STURLA
ÁSGEIRSSON
3 MÖRK
28 ÁRA OG 182 CM
ÁSGEIR ÖRN
HALLGRÍMSSON
7 MÖRK
24 ÁRA OG 191 CM
SIGFÚS
SIGURÐSSON
8 MÖRK
33 ÁRA OG 198 CM
19
31
29
25
43
25
48
3 7 8 4
39
92