Réttur - 01.01.1980, Blaðsíða 10

verkafólks, sem annarra félagsmanna
verkalýðssamtakanna þarf að stórefla
fræðslustarf. Með skipulögðum hætti þarf
að koma á framfæri fræðsiu og upplýs-
ingu inn á vinnustaðina og verbúðimar.
Hvetja fólk til þess að huga að sínum
eigin málum og taka til starfa hvert á sín-
um stað.
Víða á dagskrá
Ekki er nokkur vafi á því að barátta
farandverkafólks undanfarna mánuði á
eftir að feiða ti! árangurs. Slík er í raun
hreyfingin, sem um rnálið er. Víða hafa
mál farandverkafólks verið á dagskrá,
eins og sjá má hér á eftir.
A þingi Verkamannasambands Islands
í október eru málefni farandverkafólks
til umræðu og eftirfarandi ályktun gerð:
„9. þing Verkamannasambands Islands gerii
sér Ijóst að aðbúnaði og réttindum farandverka-
fólks er víða mjög bótavant og einnig að brýn
þörf er á að verkalýðsfélögin standi dyggari vörð
um réttindi þessa fólks. Full þörf er á að endur-
skoða ýmsar reglugerðir og lög verkalýðsfélag-
anna, þannig að aukin réttindi og áhrif farand-
verkafólks verði tryggð.
Þingið vísar tillögu til stjórnar sambandsins og
felur henni að leggja fram kröfur sem tryggi betur
rétt farandverkafólks og tillögur til sambandsfé-
laganna um að rýmka ákvæði laga og reglugerða
með fyrrgreind atriði að markmiði.
Jafnframt verði brýnt fyrir trúnaðarmönnum
verkalýðsfélaga að þeir sinni kvörtunum og kröfum
farandverkafólks, sem um eigin félagsmenn væri
að ræða.
Þingið leggur áherslu á að stjórn Verkamanna-
sambandsins sendi erindi sitt til aðildarfélaganna
fyrir áramót.
9. þing Verkamannasambands Islands leggur
til að stjórn sambandsins skipi nefnd til að fjalla
um málefni farandverkafólks og sjálfsagðar kröfur
þess.
í lok nóvember er haldin í Vestmanna-
eyjum ráðstefna um verkafólk í sjávarút-
vegi. Að ráðstefnunni standa verkalýðs-
félögin í Eyjum og Menningar- og
fræðslusamband alþýðu. Þar eru málefni
farandverkafólks m.a. til umræðu og svo-
hljóðandi samþykkt gerð:
„Ráðstefnan lýsir yfir fullum stuðningi við kröf-
ur farandverkafólks og telur að þær kröfur eigi
við allt verkafólk í sjávarútvegi.
Ráðstefnan telur að til að tryggja öryggi far-
andverkafólks, bæði íslensks og erlends, þurfi
allar ráðningar verkafólks að fara í gegnum hend-
ur verkalýðsfélaganna á hverjum stað. Því er það
nauðsynlegt að vinnumiðlun komist alfarið undir
stjórn verkalýðsfélaganna.
Ráðstefnan skorar á V.M.S.Í. og S.S.Í. að hefja
nú þegar samstarf, til að finna lausn á vandamál-
um farandverkafólks."
Á kjaramálaráðstefnu Alþýðusambands
íslands, 11. janúar, jjar sem lögð var síð-
asta hönd á kröfur verkalýðssamtakanna
vegna þeirra samninga, sem nú standa
yfir, voru mál farandverkafólks á dagskrá
og samþykkt að leggja eftirfarandi kröfur
fram við atvinnurekendur og ríkisvald:
„Allt húsnæði, sem ætlað er farandverkafólki
til ibúðar, verði með þeim hætti, að það standist
almennar kröfur, sem gerðar eru til íbúðarhúsnæð-
is. Sett verði sérstök reglugerð um íbúðarhúsnæði
farandverkafólks.
Samið verði um hámarksverð á fæði til farand-
verkafólks eða fæðispeninga og settar reglur um
greiðslur ferðakostnaðar.
Tryggt sé, að í hverri verstöð sé trúnaðarmaður,
sem sinni réttmætum kröfum farandverkafólks og
gæti hagsmuna þess gagnvart atvinnurekendum."
10