Réttur - 01.01.1981, Side 32
uði. Ættleiðandi foreldri, uppeldis-
eða fósturforeldri á nú rétt til fæð-
ingarorlofsgreiðslna allt að tveim
mánuðum vegna töku barns til 5 ára
aldurs. Öll þessi atriði eru nýmæli.
11. Lækkun eftirlaunaaldurs sjó-
manna og örorkustyrkþega
í tengslum við kjarasamningana voru
gefin fyrirheit um lögfestingu ellilíf-
eyrisréttar sjómanna 60 ára og eldri,
eftir 25 ára starf á sjó. Þá er gefið
fyrirheit um að örorkustyrkur þeirra
sem náð hafa 62ja ára aldri skuli við
þau tímamörk hækka til jafns við
fullan elli- og örorkulífeyri.
Þegar þetta er skrifað eru bæði
þessi frumvörp í undirbúningi og
verða væntanlega lögð fram á alþingi
fljótlega af heilbrigðis- og trygginga-
málaráðherra.
12. Atvinnuleysistryggingar
í tengslum við kjarasamninga
ákvað ríkisstjórnin að beita sér fyrir
lagasetningu um atvinnuleysistrygg-
ingar, sem felur í sér rýmkun bóta-
réttar, lengingu bótatíma, breytingu
á atvinnuleysisskráningu og hækkun
bóta. Samkvæmt frumvarpi sem nú
hefur verið lagt fram er gert ráð fyrir
því að menn öðlist rétt til atvinnu-
leysisbóta ef þeir hafa unnið a.m.k.
425 dagvinnustundir á síðustu 12
mánuðum. Kemur þetta í stað
ákvæða gildandi laga um 1032 dag-
vinnustundir í heilsdagsvinnu og 516
dagvinnustundir í hálfsdagsvinnu.
Þá er gert ráð fyrir því i frumvarp-
inu, að sá sem gengur undir starfs-
þjálfun til að öðlast hæfni til að
stunda starf sitt eða ný störf, njóti á
meðan bóta í allt að 6 vikur, enda
þótt hann hafi ekki misst atvinnu
sína. Þá er gert ráð fyrir að í stað
daglegrar skráningar skuli umsækj-
andi bóta skrá sig vikulega hjá
vinnumiðlun. Bótadögum er sam-
kvæmt frumvarpinu fjölgað úr 130 í
180 á 12 mánaða tímabili. Atvinnu-
leysisbætur eru einnig hækkaðar úr
skertum launaflokki samkvæmt
kjarasamningi Dagsbrúnar í full laun
samkvæmt efsta starfsaldursþrepi 8.
flokks Verkamannasambands ís-
lands. Að auki eru barnadagpening-
ar 4% nefndra launa fyrir hvert
barn. Þá er það nýmæli í frumvarpinu
að greidd eru iðgjöld til lífeyrissjóðs
af bótunum. Einnig er það nýmæli í
frumvarpinu að hver bótaþegi er
sjálfstæður og nýtur fullra bóta án
tillits til hjúskaparstéttar eða tekna
maka.
Samkvæmt gildandi lögum er að-
eins um að ræða heilsdags- eða hálfs-
dagsbætur, en samkvæmt frumvarp-
inu greiðast nú hámarksbætur þegar
unnar eru 1700 dagvinnustundir eða
fleiri á síðustu 12 mánuðum, en lág-
marksbætur þegar vinnustundir eru
425 hið minnsta. Verða nú greiðslu-
þrep 76, allt frá 25% til 100% við-
miðunariauna.
32