Réttur - 01.01.1981, Blaðsíða 47

svo og lágmarks eftirlaun fyrir starfsfólk
í verksmiðjum, á skrifgtofum og á sam-
yrkjubúum. Er gert ráð fyrir að hækkun
framlaga til barnafólks og eftirlauna-
fólks nái til 50 miljóna sovéskra íbúa.
Til íbúðabygginga eru áætlaðar 11 mil-
jónir á áætlunartímanum og áhersla lögð
á vandaðri íbúðir en hingað til.
Reiknað er með að 85-90% aukning
þjóðartekna á þessu skeiði byggist á 17-
20% aukinni framleiðni. Sérstök áhersla
verður lögð á aukningu landbúnaðarins
og er reiknað með að árlegt meðaltal
kornframleiðslunnar verði 238-243 mil-
jónir smálesta.
Undirstöðuiðnaðurinn á eðlilega að
vaxa mikið: Rafmagnsframleiðslan um
20-24%, sömuleiðis framleiðsla á járni
og stáli, svo og efnaiðnaðurinn og véla-
iðnaðurinn.
Hvað orkuiðnaðinn snertir verður
lögð höfuðáhersla á hraða þróun gasiðn-
aðarframleiðslunnar, einkum í Vestur-
Síberíu. Mun hún aukast um 38-47%, en
hinsvegar er gert ráð fyrir að olíufram-
leiðslan verði minni en síðastliðin 5 ár.
Forsætisráðherrann lagði áherslu á
vilja Sovétstjórnarinnar til aukinna við-
skipta við auðvaldslöndin og lauk ræðu
sinni með því að undirstrika að uppbygg-
ing og friður væru óaðskiljanlegar for-
sendur og grundvöllur að framkvæmd
áætlunarinnar. Því leggði Sovétstjórnin
höfuðáherslu á að hindra kalt stríð,
varðveita friðinn og tryggja þannig fram-
kvæmd stórhuga áætlunar sovétþjóðanna.
Það fer ekki hjá því að menn taki eftir
hve ólíkur tónninn og framtíðaráætlanir
Brcshnev
eru í ræðum og tillögum leiðtoga Sovét-
þjóðanna eða hinsvegar vígbúnaðaræðið
og hótanirnar hjá Ronald Reagan & Co.
Flokksþingið stóð frá 23. febrúar til 3.
mars.Flokksmenn eru nú yfir 17 miljónir
i 400 þúsund grunneiningum (sellum, fé-
lögum o.s.frv.) Hafa 1,7 miljónir bæst
við síðan á síðasta flokksþingi.
Aðalforusta flokksins var að mestu
endurkjörin.
47