Réttur - 01.04.1976, Blaðsíða 42

Þröstur Ölafsson
KREPPURNAR TVÆR
Hver er „efnahagsvandinn” og
hvernig má leysa hann?
Hér á eftir verður gerð tilraun til að
greina þann mikla efnahagsvanda sem
þjóðin á við að etja. Uppistaða greinar-
innar er erindi sem ég flutti á fulltrúa-
ráðsfundi Alþýðubandalagsins i Reykja-
vík, sem haldinn var 21. og 22. febrúar s.l.
í því sem hér verður ritað er eitt megin-
málefni sem gengur eins og rauður þráður
gegnum málflutning minn. Það er vandamál
sem hulið er hjúp vanþekkingar, fordóma og
vísvitandi blekkinga. Þeir sem um það tala
vita sjaldnast eðli þess né afleiðingar, en þó
er þetta örlagaríkasta vandamál þjóðarinnar
— VERÐBÓLGAN.
Verðbólgan hefur eitrað þjóðlífið meira
en nokkurt annað þjóðfélagsfyrirbæri á okk-
ar tímum — og undanskil ég þar ekki setu-
liðið á Miðnesheiði. Hún hefur veitt siðferðis-
kennd og sómatilfinningu þjóðarinnar þunga
áverka, skekkt alla viðmiðun, raskað eða
eytt venjum eða viðhorfum og gert þjóðina
framandi í eigin menningarhefð. Óprúttin
spákaupmennska er orðinn snar þáttur í dag-
legu vafstri íslensks almennings. Verðbólgu-
brask kemur ekki aðeins fram við kaup og
sölu íbúða og fasteigna heldur ekki síður í
viðhorfum og siðamati.
Við skulu ekki eyða miklu rúmi í lýsingu
á núverandi ástandi, heldur einhenda okkur
í verkefnið.
I.
KREPPA EÐA HAGSVEIFLA?
Lærðum sem leikum í völundarhúsi hag-
málanna kemur ekki saman um eðli þeirra
106