Réttur - 01.04.1976, Blaðsíða 70

GRÆNHÖFÐA-EYJAR
Tawfig Zayyad
samtök millistéttarfólks (háskólaborgara,
smákaupmanna og handiðnaðarmanna t.d.)
og samtök háskólastúdenta til samstarfs um
barátm til að bæta úr þessu ófremdarástandi.
— Arabar eru nú um 13% borgara í Isra-
elsríki. Þeim fjölgar örar en Gyðingum og
yrðu að öllu óbreyttu orðnir fjórðungur
þjóðarinnar um næstu aldamót. Það er því
mjög brýnf að breytt verði um stefnu í Isra-
elsríki til þess að koma á fullu jafnrétti
beggja aðila og tryggja með því tilveru Isra-
elsríkis, frið í Austurlöndum nær og ryðja
braut vinsamlegri sambúð Israelsríkis og
arabaríkja. Þess skal geta að Arabar í Israel
búa yfirleitt við betri lífskjör en alþýða
ýmissa Arabalanda.
Pílagrímar þeir, er komu til Nazareth um
síðustu jól, munu ýmsir hafa orðið mjög
undrandi, er kommúnistískur borgarstjóri af
kynflokki Araba bauð þá velkomna til þess-
arar „ættborgar frelsarans" og flutti [>eim
um leið boðskapinn um frið á jörð.
Grænhöfðaeyjar (Kap-Verde-eyjar) til-
heyrðu áður Guinea-Bissau-svæðinu og voru
eins og það nýlenda Portúgals. En í Guinea-
Bissau leiddi PAIGC, hinn róttæki þjóðfrels-
isflokkur, sem Amilcar Cabral stjórnaði uns
hann var myrtur, sjálfstæðisbaráttuna til sig-
urs og lýðveldið var stofnað þar 22. sept.
1973, en Grænhöfðaeyjar urðu ekki sjálf-
stætt ríki fyrr en 5. júlí 1975 með samningi
við Portúgal eftir byltinguna þar. PAIGC
tók þá forustuna á Grænhöfðaeyjum. Forseti
lýðveldisins þar er Aristides Pereira, aðalrit-
ari PAIGC, en forsætisráðherrann er Pedro
Pires, fertugur baráttumaður þjóðfrelsisins.
Eyjarnar eru rúmlega fjögur þúsund fer-
kílómetrar, íbúar 280 þúsund, þar af 75%
múlattar, 23% afríkumenn, en 2% evrópu-
menn. Eyjarnar eru margar, b.öfuðborgin er
Praía, eru þar 12000 íbúar. 75% íbúanna
eru ólæsir. 90% íbúanna lifa af landbúnaði.
Flokksins bíða mikil verkefni við uppbygg-
ingu. A þingi eyjanna eru 56 full-
trúar og hefur PAIGC eftir kosningarnar 30.
júní 1975 þá flestalla, fékk 90% atkvæð-
anna í kosningunum.
EFNAHAGSLEGA SAMKEPPNIN
1913 var iðnaðarframleiðsla rússneska
keisaradæmisins það, sem samsvaraði átmnda
hluta iðnaðarframleiðslu Bandaríkjanna.
1950 var iðnaðarframleiðsla Sovétríkjanna
30% miðað við iðnaðarframleiðslu Banda-
ríkjanna. Arið 1974 náði þetta hlutfall því
að vera tæp 80%. Ef Sovétríkjunum tekst
að framkvæma 10. fimmáraáætlun sína til
fulls og framleiðsla Bandaríkjanna verður
eins og opinberir aðilar giska á, ætti iðnaðar-
framleiðsla beggja ríkja að verða svipuð á
árinu 1980.
134