Réttur - 01.04.1987, Side 31

hann) seldu barmmerki með áletruninni
„Ajatolla Palme“ og aulafyndna límborða
á bíla með ráðleggingum um að nota
smokk til að koma í veg fyrir að menn
eins og Palme slæddust inn í heiminn. Pó
að EAP sé örfámenn og fyrirlitin klíka at-
vinnuæsingamanna mátti víða sjá þessi
merki.
Palmehatrið var útbreitt í lögreglunni.
Nýlega var dreginn fram í dagsljósið hóp-
ur hægriöfgamanna í Stokkhólmslögregl-
unni með þungamiðju í Norrmalms-um-
dæminu. Palme hafði frétt af tilvist þessa
hóps þegar árið 1984 og mun hafa haft
verulegar áhyggjur af honum. í Norr-
malms-umdæminu er líka starfandi sk.
„baseball-klíka“ en í henni eru alræmdir
ofstopamenn eins og Thomas Piltz sem
kemur við sögu hér á eftir en hann hefur
verið kærður allt að tuttugu sinnum fyrir
misþyrmingar. Eitt af hjartansmálum
þessara pilta eru skotæfingar. Áke
Lindsten, sem nefndur var hér að fram-
an í sambandi við símhringinguna til
hjónanna í Bromma, var áður lögreglu-
maður í þessu umdæmi. Daginn eftir
morðið sagði lögreglumaður úr Norr-
malms-umdæminu í símtali við kollega
sem var á morgunvakt: „Pað kom að því
að helvítis kvikindið hann Palme
dræpist.“ Sami lögreglumaður hafði
kennt hundinum sínum að gelta þegar
hann heyrði einhvern segja „Palme“. Á
árshátíð lögreglunnar sem haldin var dag-
inn eftir morðið munu nokkrir veislugesta
hafa skálað fyrir því að Palme væri allur.
Um sænsku leyniþjónustuna, SÁPO,
er svipaða sögu að segja. Par var Palme
álitinn hættulegur öryggi ríkisins. Frá ár-
inu 1978 hefur starfað innan SÁPO fasista-
regla kölluð „sák-ringen“. Til að eiga að-
ild að þessari reglu þurfa menn að hafa
látið sér sérlega annt um öryggi ríkisins. I
Hrcssir iinginódcratar (sænsk íhaldsæska) í trcyju
incö níönivnd af Palme. Treyja þcssi var hluti af
áróöurshcrfcrö árið 1985 incð yfirskriftinni „Palmc-
buster“. Þctta útlcggst „Palmebrjótur“ og cr aö
sjálfsögöu haft á máli Bandaríkjamanna.
reglunni er fjöldi hatursmanna Palme.
Fyrrverandi SÁPO-maður, Melker
Berntler, varaði Palme við ástandinu í
SÁPO fyrir mörgum árum. Hann hefur
lýst því hve rótgróið hatrið á Palme var
orðið innan SÁPO þegar á 8. áratugnum.
T.d. segist hann.hafa heyrt öryggislög-
reglumann segja með heiftúðugum al-
vöruþunga „bara að einhver skyti þennan
fjandans Palme“. Berntler segir einnig að
þegar hann tók upp við yfirmenn í SÁPO
að hann teldi hin ýmsu samtök hægriöfga-
manna hættuleg og hvort ekki væri rétt að
fylgjast betur með þeim þá var honum
svarað að það væri hreinn óþarfi, SÁPO
hefði góð samskipti við þessi samtök.
79