Morgunblaðið - 21.05.2006, Qupperneq 46

46 SUNNUDAGUR 21. MAÍ 2006 MORGUNBLAÐIÐ
MENNING
Málstofa
um þorskastríðin þrjú
- í tilefni af því að 30 ár eru liðin frá lokum
landhelgismálsins
Hátíðasal Háskóla Íslands
fimmtudaginn 1. júní 2006 kl. 12.15-15.00
Dagskrá:
12.15 Afhending fyrstu eintaka ritsins "Þorskastríðin þrjú og saga
landhelgismálsins, „1948-1976“. Höfundur: Guðni Th. Jóhannesson.
Útgefandi: Hafréttarstofnun Íslands.
12.20 Ávarp Halldórs Ásgrímssonar forsætisráðherra.
12.30 Ávarp Geirs H. Haarde utanríkisráðherra.
12.40 Ávarp Einars Kr. Guðfinnssonar sjávarútvegsráðherra.
12.50 Veitingar í boði Hafréttarstofnunar Íslands.
13.20 Erindi Guðna Th. Jóhannessonar sagnfræðings við Hugvísindastofnun H.Í.
14.00 Erindi Peters Hennessy prófessors í breskri nútímasögu
við Háskólann í London.
14.30 Fyrirspurnir og umræður.
15.00 Slit.
Málstofustjóri: Tómas H. Heiðar, þjóðréttarfræðingur í utanríkisráðuneytinu,
forstöðumaður Hafréttarstofnunar Íslands.
Málstofan er öllum opin á meðan húsrúm leyfir
JÓN Karl Ólafsson, forstjóri Ice-
landair, og Hafþór Yngvason, safn-
stjóri Listasafns Reykjavíkur, und-
irrituðu samstarfssamning fyrir árið
2006 í fyrradag. Undirritunin fór
fram fyrir framan Hafnarhúsið en
þar standa nú úti allsérstæð hús-
gögn eftir hönnuðinn Snæbjörn Þór
Stefánsson sem er að útskrifast úr
hönnunardeild Listaháskóla Íslands.
Listasafn Reykjavíkur og Ice-
landair gengu fyrst til formlegs
samstarfs árið 2005 og er sá samn-
ingur að hluta til endurnýjaður núna
fyrir árið 2006. Þar er kveðið á um
stuðning Icelandair við Listasafn
Reykjavíkur vegna heimsókna er-
lendra blaðamanna og niðurgreiðslu
á farseðlum vegna ferðalaga lista-
manna, sýningarstjóra og annarra
sem tengjast starfi safnsins.
Á þessu ári bætist auk þess við
sérstakur stuðningur Icelandair
vegna sýningarinnar Uncertain
States of America sem opnuð verður
í Hafnarhúsinu síðar á árinu. Á
þeirri sýningu sýna rúmlega fjörutíu
ungir, bandarískir myndlistarmenn
verk sín, en þá völdu hinir heims-
kunnu sýningarstjórar Daniel Birn-
baum og Hans Ulrich Obrist úr 1.000
manna hópi listamanna vítt og breitt
um Bandaríkin.
Sýningin markar ákveðin tíma-
mót í sýningarstarfsemi safnsins en
með henni er sleginn nýr tónn sem
felur í sér að virkja unga og metn-
aðarfulla listamenn, innlenda sem
erlenda til að sýna og stýra sýn-
ingum í Hafnarhúsinu. Þannig kem-
ur sýningin Uncertain States of Am-
erica beint í kjölfarið á sýningunni
Pakkhús postulanna sem ungir, ís-
lenskir listamenn bæði stýra og sýna
verk sín á. Með sérstökum stuðningi
Icelandair við sýninguna Uncertain
States of America gefst listamönn-
um af sömu kynslóð en af ólíkum
uppruna einstakt tækifæri til að eiga
orðræðu um myndlist samtímans.
Morgunblaðið/Jim Smart
Hafþór Yngvason og Jón Karl Ólafsson við undirritun samningsins.
Samstarfssamningur
undirritaður