Morgunblaðið - 21.05.2006, Síða 85

MORGUNBLAÐIÐ SUNNUDAGUR 21. MAÍ 2006 85
ÞAÐ verður ekki af glam-úrnum skafið á kvik-myndahátíðinni í Cannes.Hvert sem litið er sjást
yndisfríðar meyjar og peyjar á öll-
um aldri spóka sig um göturnar.
Það sama verður varla sagt um
nærri fimm þúsund fjölmiðlamenn
sem æða á milli umboðsskrifstofa í
von um að fá viðtöl við skærustu
stjörnunar, á milli bíósýninga og
blaðamannafunda. Fjölmargir lítt
þekktir listamenn berjast við að
ná athygli sömu blaðamanna á
kvikmyndum sínum, sumir hverjir
standandi á götuhornum til að
grípa gæsirnar á hlaupunum. Veð-
urblíðan er með eindæmum og hit-
inn sennilega nálægt 30 gráðum.
Hinir yndisfríðu geta því stoltir
spókað sig léttklæddir og sól-
brúnir. Blaðamennirnir eru að-
allega sveittir.
Tvær myndir sem kynntar voru
til sögunnar í Cannes á föstudag
hafa vakið verðskuldaða athygli
enda keppa báðar um Gull-
pálmann í ár. Annars vegar var
Volver (Snúið aftur) eftir Pedro
Almodóvar, frægasta leikstjóra
Spánar, sem meðal annars gerði
La mala education. Hins vegar var
Fast Food Nation (Skyndibita-
þjóð) eftir Bandaríkjamanninn
Richard Linklater, sem gerði t.d.
myndina School of Rock. Hann er
sennilega fyrsti leikstjórinn sem
er með tvær myndir í aðalvalinu í
Cannes. Hin er Scanner Darkly en
hún keppir ekki um Gullpálmann.
Mamma sagði
Volver, með Penelope Cruz í að-
alhlutverki, er mynd um konur
sem þurfa að takast á við mjög
óvenjulegar uppákomur í lífi sínu
og líkt og mörgum fyrri verka
Almodóvars var henni vel tekið á
sýningu með gagnrýnendum í
Cannes. Konurnar eru uppistaða
myndarinnar og leikstjórinn sagði
eftir sýningu myndarinnar að hún
væri í raun sprottin frá konunum í
lífi sínu í barnæsku. Þó sérstak-
lega móður hans. „Þetta voru
ákaflega sterkar og kraftmiklar
konur sem urðu að yfirstíga stór-
kostleg vandamál í lífi sínu.“ Hann
sagði móður sína koma við sögu í
nánast hverri senu myndarinnar.
„Það á ekki einungis við um það
sem kemur fram í máli eldri
kvennanna. Sumar setninganna
sem Penelope fer með í myndinni
eru raunverulega hafðar eftir
móður minni,“ sagði Almodóvar.
Mörgum illa brugðið
Fast Food Nation er gjörólík
Volver, byggð á metsölubók Erics
Schlossers. Schlosser upplýsti á
blaðamannafundi að hann hefði
upphaflega viljað gera heim-
ildamynd um efni bókarinnar og
slík mynd væri raunar í und-
irbúningi með öðrum leikstjóra.
Richard Linklater hefði talið sig
á að persónugera efnið og setja
upp sem skáldverk sem byggðist
einungis lauslega á bókinni.
Bandaríski leikarinn Greg
Kinnear fer þar með hlutverk
stjórnanda hjá hamborgarakeðju,
sem er með augljósri vísun í
McDonalds-keðjuna. Hann er
fenginn til að kanna hvers vegna
hátt hlutfall saurgerla er að finna
í kjötinu sem selst hvað best hjá
fyrirtækinu og kynnist þá ýmsu
miður huggulegu um kjötfram-
leiðsluiðnaðinn. Við sýningu
myndarinnar í Cannes var mörg-
um illa brugðið og vakti hún
sterk viðbrögð. Aðstandendur
myndarinnar sögðust vonast til
að hún fengi fólk til að hugsa um
hvað það borðaði, takmarkið væri
ekki að gera fólk fráhverft ham-
borgurum. En Linklater sagðist
nú þegar vera farinn að finna
fyrir, svo um munaði, lögfræð-
ingum bandarískra skyndibita-
keðja.
Skammt stórra högga á milli
Morgunblaðið/Halldór Kolbeins
Volver, með Penelope Cruz í aðalhlutverki, er mynd um konur sem þurfa
að takast á við mjög óvenjulegar uppákomur í lífi sínu.
Eftir Soffíu Haraldsdóttur í Cannes
SAMBÍÓ ÁLFABAKKA SAMBÍÓ KRINGLUNNI
MI : 3 kl. 3 - 5:30 - 8 - 10:40 B.I. 14 ára
SHAGGY DOG kl. 12 - 1:50 - 4 - 6:05 - 8:10 - 10:15
SCARY MOVIE 4 kl. 12 - 2 - 4 - 6 - 8 - 10 B.I. 10 ára
BAMBI 2 m/ísl. tali kl. 12
SÝND Í
STAFRÆNNI
ÚTGÁFU,
MYND OG HLJÓÐ
THE DA VINCI CODE kl. 3 - 6 - 9 - 12 B.I. 14 ára
THE DA VINCI CODE LÚXUS VIP kl. 3 - 6 - 9 - 12
SHAGGY DOG kl. 1:40 - 3:45 - 5:50 - 8 - 10:10
FAILURE TO LAUNCH kl. 8
MI : 3 kl. 3 - 5:30 - 6 - 8 - 9 - 10:30 - 12 B.I. 14 ára
SCARY MOVIE 4 kl. 4 - 6 B.I. 10 ára
FIREWALL kl. 10:10 B.I. 16 ára
LASSIE kl. 2 - 4
BAMBI 2 m/ísl. tali kl. 2
FRÁ J.J. ABRAMS, HÖFUNDI LOST OG ALIAS
eeee
VJV, Topp5.is
eeeH.J. mbl
“ÞAÐ ER VEL HÆGT AÐ MÆLA MEÐ
“M:I:III” SEM GÓÐRI AFÞREYINGU
OG SUMARSMELLI.”
eee
JÞP blaðið
S.U.S. XFM
MYNDIR KL. 12 UM HELGAR Í SAMBÍÓUNUM KRINGLUNNI
LEITIÐ SANNLEIKANS
Byggð á vinsælustu skáldsögu veraldar
Sýnd í Álfabakka og Keflavík
Stærsta frumsýning ársins!