Morgunblaðið - 08.06.2006, Side 16

16 FIMMTUDAGUR 8. JÚNÍ 2006 MORGUNBLAÐIÐ
ERLENT
FASTEIGNASALAN
GIMLI GRENSÁSVEGI 13 SÍMI 570 4800 - FAX 570 4810
Traust þjónusta í 20 ár
Árni Stefánsson, viðskiptafræðingur
og lögg. fasteignasali.
VALLARHÚS 51 - RAÐHÚS
OPIÐ HÚS Í DAG FRÁ KL. 17-20
Fallegt og vel viðhaldið 126 fm milliraðhús á tveimur hæðum ásamt stórri
sérsuðvestur timburverönd og garði. Gott skipulag. Á neðri hæð er: Eld-
hús, þvottahús, gesta wc og stórar og bjartar stofur með útg. á verönd og
út í garð. Á efri hæð eru: Þrjú stór herbergi og baðherbergi. Risloft með
miklum möguleikum. Verð 28,4 millj.
Anna María sýnir eignina í dag, fimmtudag, frá kl. 17 - 20.
www.gimli.is - ww.mbl.is/gimli
KOFI Annan, framkvæmdastjóri
Sameinuðu þjóðanna, segir aukna
fólksflutninga milli landa koma öllum
til góða ef rétt sé
staðið að málum
en mikilvægt sé
að koma í veg fyr-
ir að gengið sé á
réttindi þeirra
sem leita sér betri
kjara utan heima-
lands síns. Í nýrri
skýrslu SÞ, sem
Annan kynnti í
fyrradag, kemur
fram að, að hátt í 200 milljónir manna
búi nú og starfi utan heimalands síns
og jafnframt að peningar sem margir
innflytjendur senda heim séu mikil-
vægur þáttur í efnahag margra ríkja,
þ. á m. Filippseyja og Serbíu.
„Alþjóðlegir fólksflutningar geta,
ef beitt er réttum stuðningsaðgerð-
um, stuðlað að framþróun jafnt í lönd-
unum sem fólkið yfirgefur og í hinum
sem það fer til,“ sagði Annan. Hann
rifjaði upp að ekki væri langt síðan
lönd eins og Írland, ýmis lönd í Suður-
Evrópu og Suður-Kórea hefðu verið
meðal þeirra sem sendu frá sér flesta
útflytjendur í leit að atvinnu og betri
kjörum. En nú væru þessi ríki vel á
vegi stödd efnahagslega og þangað
héldu nú margir í atvinnuleit.
Sífellt fleira fólk freistar nú gæf-
unnar í öðrum löndum, tímabundið
eða til langframa og oft er um ólög-
lega innflytjendur að ræða. Flestir
fara frá fátækum löndum til ríkra.
Annan minnti á þann vanda sem það
skapar sums staðar að velmenntað
fólk yfirgefur í stöðugt ríkari mæli
heimahagana í fátækum þróunar-
löndum og fer til Vesturlanda þar
sem laun eru margfalt hærri.
Varað við atgervisflótta
Sérfræðingar vara einkum við því
að atgervisflótti í heilbrigðisstéttum
valdi því að erfitt sé að vinna gegn út-
breiðslu ýmissa skæðra sjúkdóma
eins og alnæmis í þróunarlöndum
Afríku og víðar.
Annan sagði að vissulega væri það
ekki vandkvæðalaust að fólksflutn-
ingar milli landa ykjust. Koma þyrfti í
veg fyrir að andúð á innflytjendum
vegna meintra og raunverulegra
vandamála sem fylgdu þeim næði
aukinni fótfestu. Víða eru deilur um
innflytjendamál orðnar harðar í ríkj-
um Evrópusambandsins og í Banda-
ríkjunum. Í síðarnefnda landinu eru
háværar kröfur um að settar verði
skorður við frekari innflutningi en
þinginu hefur ekki tekist að finna
málamiðlun milli þeirra sem vilja
skorður og hinna sem segja að landið
þurfi á auknu vinnuafli að halda. Nú
þegar er farið að herða eftirlit á
landamærunum að Mexíkó.
Spánverjar og fleiri þjóðir í sunn-
anverðri Evrópu vilja einnig reyna að
hindra ólöglega innflytjendur í að
komast til álfunnar frá Afríku. Oft er
um að ræða smygl á fólki og hafa
margir látið lífið þegar lélegar og yf-
irfullar bátkænur á leið til Kanaríeyja
frá vesturströnd Afríku hafa sokkið.
Fulltrúar um 30 Evrópuríkja og 60
Afríkuríkja hittust á fundi í Senegal í
vikunni og í gær var skýrt frá því að
náðst hefði samkomulag um aðgerðir
til að herða landamæragæslu og eft-
irlit á sjó. Munu Evrópuríkin kosta
kaup á tækjabúnaði sem notaður
verður til aðgerðanna.
Innanríkisráðherra Senegal,
Ousman Ngom, sagði áhersluna vera
á að tryggja íbúum fátækra Afríku-
landa betri kjör. Fólksflutningar milli
landa væru eftir sem áður „driffjöður
sögunnar“ og kostirnir við þá væru
geysilega miklir. Erfitt væri að koma
í veg fyrir að Senegalmenn færu og
bættu upp „skort á vinnuafli í öðrum
álfum, til dæmis Evrópu, þar sem
meðalaldur íbúanna fer hækkandi“.
Bent er á að vegna minnkandi við-
komu sé þörf á hundruðum þúsunda
innflytjenda í ESB ár hvert til að
tryggja öflugt efnahagslíf og velferð.
Segir fólksflutninga milli
landa geta gagnast öllum
Reuters
Lögreglumaður í tjaldi í bænum Nouadhibou á vesturströnd Máritaníu
kannar pappíra fólks sem vill flytjast til Vesturlanda.
Kofi Annan
Eftir Kristján Jónsson
kjon@mbl.is
Alls er talið að um 191 milljón
manna í heiminum hafi í fyrra búið
og starfað utan heimalands síns, ár-
ið 1990 var talan 155 milljónir.
 Árið 2005 bjuggu 34% allra sem
flutt hafa frá heimalandi sínu ein-
hvers staðar í Evrópu, 23% bjuggu í
Norður-Ameríku, 28% í Asíu, 9% í
Afríku, 3% í Rómönsku Ameríku og
Karíbahafslöndum og loks bjuggu
3% í Ástralíu og öðrum löndum
Eyjaálfu.
 Nær helmingur allra innflytj-
enda er konur, í ríku löndunum er
hlutfall kvenna hærra en karla.
 Milli 33% og 55% af öllu há-
menntuðu fólki frá þróunarríkj-
unum Angóla, Búrúndí, Gana, Ken-
ýa, Máritíus, Mósambík, Síerra
Leóne og Tansaníu bjó í fyrra í ríku
löndunum og einnig um 60% há-
menntaðs fólks frá Gvæana, Haíti,
Jamaíka og Trínidad-Tóbagó.
 Fé sem innflytjendur senda til
heimalandsins hefur vaxið mikið,
úr 102 milljörðum dollara eða um
7.350 milljörðum króna árið 1995 í
232 milljarða dollara í fyrra.
 Hlutfall fjár sem innflytjendur
senda heim til fátækra landa óx úr
57% af öllu sem sent var 1995 í 72%
í fyrra.
 Þriðjungur af öllu fé sem inn-
flytjendur í öllum heiminum sendu
heim fór til fjögurra landa: Ind-
lands, Kína, Mexíkó og Frakklands.
Margir leita
á ný mið
MIKILL sandbylur lagðist í gær yfir borgina Phoenix í
Arizona í Bandaríkjunum en myndin var tekin rétt áð-
ur en hann huldi hana alveg. Háhýsið til vinstri er Ari-
zona Center en til hægri er St. Mary’s Basilica, kirkja
hinnar helgu meyjar. Hún var reist 1881 og þangað
kom Jóhannes Páll II. páfi 1987.
AP
Sandbylur á leið yfir Phoenix
STJÓRNVÖLD í fjórtán Evrópuríkj-
um tóku þátt í eða leyfðu leynilega
flutninga bandarískra stjórnvalda á
grunuðum hryðjuverkamönnum,
samkvæmt skýrslu Evrópuráðsins
sem kynnt var í gær. Í tveimur land-
anna, Póllandi og Rúmeníu, kunna að
hafa verið leynileg fangelsi banda-
rísku leyniþjónustunnar, CIA. Ekk-
ert er minnst á Ísland í skýrslunni.
„Það er nú ljóst, þótt við séum
langt frá því að vera komin til botns í
þessu máli, að yfirvöld í nokkrum
Evrópuríkjum tóku virkan þátt í
þessu ólöglega athæfi CIA. Önnur
lönd létu það óáreitt, viljandi eða
vildu ekki vita af því,“ segir í skýrsl-
unni. Sjö ríki eru
sögð „bera ábyrgð
á að hafa brotið
réttindi tiltekinna
einstaklinga“ en
þau eru: Svíþjóð,
Bosnía-Hersegó-
vína, Bretland,
Ítalía, Makedónía,
Þýskaland og
Tyrkland.
Önnur sjö ríki „gætu verið sek um
að hafa verið í vitorði með CIA, á
virkan hátt eða með aðgerðaleysi,“
segir í skýrslunni, en þau ríki eru:
Pólland, Rúmenía, Spánn, Kýpur, Ír-
land, Portúgal og Grikkland.
Í skýrslunni er talað um „kónguló-
arvef“, net lendingarstaða, sem
bandarísk stjórnvöld hafi notað til að
flytja menn grunaða um þátttöku í
hryðjuverkum til annarra landa eða í
leynifangelsi bandarískra stjórn-
valda.
Skýrslunni fylgir kort sem 31 stað-
ur er merktur inn á og talið er, að þar
hafi ýmist verið fangabúðir, lending-
arstaðir eða staðir þar sem CIA hefur
handtekið menn. Ísland er ekki merkt
inn á það kort.
„Bandarísk stjórnvöld bjuggu
þetta net til. En við teljum að það hafi
eingöngu verið mögulegt með vitorði
evrópskra stjórnvalda sem annað-
hvort tóku viljandi þátt í þessu eða
sýndu af sér stórkostlegt kæruleysi.“
Fjórtán einstaklingar, sem talið er
að hafi verið framseldir og fluttir milli
landa á ólöglegan hátt, eru nefndir í
skýrslunni, m.a. egypskur klerkur
sem CIA-sveit á að hafa handtekið á
Ítalíu, Þjóðverji af líbönskum ættum
sem handtekinn var í Makedóníu í
misgripum fyrir annan mann og sex
Bosníumenn af alsírskum uppruna
sem framseldir voru til bandarískra
stjórnvalda og eru nú í fangabúðum
Bandaríkjamanna í Guantanamo.
Bretar eru sakaðir um að hafa veitt
upplýsingar um breska borgara sem
sagðir eru hafa verið framseldir og
síðan pyntaðir við yfirheyrslur. Hörð-
ustu ásakanirnar eru settar fram í
garð rúmenskra og pólskra yfirvalda
þar sem sagt er að margt bendi til
þess að leynifangelsi hafi verið starf-
rækt nálægt stöðum þar sem flugvél-
arnar lentu í þessum löndum. Yfir-
völd í báðum ríkjunum hafa neitað
ásökununum.
Saka 14 ríki um aðild að fangaflugi
Eftir Bryndísi Sveinsdóttur
bryndis@mbl.is
Dick Marty.
Tallinn, Riga. AFP. | Rachel Van Elk-
an, starfsmaður Alþjóðagjaldeyris-
sjóðsins í Lettlandi, varar við ofhitn-
un í hagkerfi Letta og segir að þeir
verði að hægja ferðina.
Að sögn Van Elkan eru hættu-
merkin m.a. mikill viðskiptahalli,
vaxandi erlendar skuldir, hár launa-
kostnaður og stórhækkun fasteigna-
verðs. Vöxtur í Lettlandi var 10,2
prósent í fyrra, sem er mesti vöxtur
sem mælst hefur frá því að Lettar
losnuðu frá Sovétríkjunum.
Hagvöxtur er einnig mikill í
grannríkinu Eistlandi, 11,6 prósent á
fyrsta ársfjórðungi 2006.
Mikill hag-
vöxtur í
A-Evrópu