Morgunblaðið - 08.06.2006, Page 35

MORGUNBLAÐIÐ FIMMTUDAGUR 8. JÚNÍ 2006 35
UMRÆÐAN
nám
fjölbreytt
við allra hæfi
I ‹ N S K Ó L I N N Í R E Y K J A V Í K
Almennar bóklegar greinar eru hluti af námi á öllum
brautum skólans. Allt almenna námið er matshæft
á milli skóla eftir því sem við á. Einnig er hægt að
stunda nám í almennum greinum í eina til fjórar
annir. Stúdentspróf af list- og starfsnámsbraut.
Á rafiðnasviði eru eftirtaldar brautir:
Grunnnám rafiðna • Rafvirkjun • Rafeinda-
virkjun • Rafvélavirkjun • Rafveituvirkjun
Símsmíði. Stúdentspróf af list- og starfsnámsbraut.
Á byggingasviði eru fimm iðnbrautir í framhaldi
af grunnnámi bygginga- og mannvirkjagreina:
Húsasmíði • Húsgagnasmíði • Múrsmíði
• Málun • Veggfóðrun og dúklagningar.
Stúdentspróf af list- og starfsnámsbraut.
Á tölvusviði er ein braut: Tölvubraut sem býður
upp á sérhæfingu í forritun og netkerfum.
Stúdentspróf af list- og starfsnámsbraut.
Á sérdeildarsviði eru tvær brautir:
Starfsdeild • Nýbúabraut. Auk þess er
endurhæfingarnám Janusar (rekið í tengslum
við skólann). Stúdentspróf af list- og
starfsnámsbraut.
Á hönnunarsviði eru fjórar brautir: Listnámsbraut
(almenn hönnun og keramik) • Hársnyrting
• Fataiðnabraut (klæðskurður og kjólasaumur)
• Gull- og silfursmíði. Stúdentspróf af list- og
starfsnámsbraut.
Á upplýsinga- og margmiðlunarsviði eru
þrjár brautir: Upplýsinga- og fjölmiðlabraut
• Tækniteiknun • Margmiðlunarskólinn.
Stúdentspróf af list- og starfsnámsbraut.
Fjarnám er áhugaverður kostur fyrir þá sem ekki geta
nýtt sér staðbundið nám, t.d. vegna vinnu eða
búsetu. Í fjarnáminu er boðið upp á fjölbreytt
námsúrval í bóklegum og fagbóklegum
greinum ásamt ýmsum greinum meistaranámsins.
Skólavörðuholti I 101 Reykjavík
Sími 522 6500 I Fax 522 6501
www.ir.is I ir@ir.is
alm
ennt svið
h
önnunars
vi
ð
rafiðnasv
ið
fjarnám
sérdeild
a
sv
ið
by
ggingasvið
tö
lvusviðu
pp
lý
si
n
ga
- o
g
m
a
rg
m
ið
lun
arsvið
Aðstoð við innritun fyrir þá sem
ljúka grunnskólaprófi í vor verður í
skólanum fim. 8. júní frá kl. 10:00–14:00.
Námsráðgjafar og sviðsstjórar leiðbeina
þá um námsval og brautir skólans.
Innritun í fjarnám og kvöldskólann
stendur yfir. Allar upplýsingar á
vef skólans www.ir.is.
Allar nánari upplýsingar á www.ir.is
og á skrifstofu skólans, síma 522 6500.
STIGIÐ var mikilvægt fram-
faraskref hinn 15. maí sl. þegar
undirrituð var viljayfirlýsing um
að 250 þúsund tonna álver rísi í
landi Bakka norðan Húsavíkur
innan fárra ára. Í viljayfirlýsing-
unni, sem var undirrituð af fulltrú-
um Húsavíkurbæjar, iðnaðarráðu-
neytisins og Alcoa Corp., var
samþykkt að vinna
skipulega að frekari
athugunum á svæðinu
með það að leiðarljósi
að samningar takist
um að Alcoa reisi þar
250.000 tonna álver.
Hagkvæmnisrann-
sóknirnar, sem senn
hefjast, skiptast í þrjá
áfanga. Þeim á að
ljúka um mitt ár 2008.
Samhliða þessari
könnun munu Alcoa,
Landsvirkjun og
Landsnet semja um
orkukaup og orku-
flutning. Ef allt gengur eftir eins
og stefnt er að verður ekkert því
til fyrirstöðu að framkvæmdir geti
hafist á síðari hluta árs 2008 eða í
byrjun árs 2009. Þessar fram-
kvæmdir munu ekki aðeins gjör-
breyta afkomu umrædds svæðis,
heldur á öllu N-Austurlandi þjóð-
inni til hagsældar.
Í fyrrgreindu samkomulagi er
sérstaklega tekið fram að um sé
að ræða álver með 250 þúsund
tonna framleiðslugetu á ári. Raf-
orkan mun koma úr vistvænum
orkuverum á háhitasvæðum Þing-
eyjarsýslu. Aðeins er um 30 km
leið frá Þeistareykjum að fyr-
irhuguðu byggingarsvæði á Bakka,
en nú liggja þar aðeins fáfarnar
vegaslóðir. Frá umhverfissjón-
armiði eru allar aðstæður ein-
staklega góðar. Röskun á náttúru
vegna fyrirhugaðrar virkjunar
gufuafls verður í lágmarki og í
raun afturkræf ef komandi kyn-
slóðir vilja færa svæðið til upp-
runalegs horfs. Um-
deild háspennumöstur
verða að óverulegu
leyti sýnileg frá
byggðu bóli.
Áhrif þessara fram-
kvæmda á byggða-
þróun í Þingeyj-
arsýslu verða afar
jákvæð. Þrátt fyrir
öflugt starf að at-
vinnuþróun und-
anfarin ár og mikla
grósku, t.d. í ferða-
þjónustu, hefur íbú-
um á Húsavík fækkað
um 250 manns á ein-
um áratug eða sem svarar um100
fjölskyldum. Það munar um
minna. Bregðast þarf við þessari
alvarlegu byggðaröskun og snúa
vörn í sókn. Byggð í Þingeyj-
arsýslu eins og víðast á lands-
byggðinni hefur frá öndverðu
grundvallast á náttúruauðlindum
svæðisins. Þar ber hæst landbúnað
og sjávarútveg. Vegna tækniþró-
unar og nýtingartakmarkana hefur
fólki stórfækkað í þessum und-
irstöðuatvinnuvegum landsmanna.
Nú heyja menn á fáum dögum
tún en bændum fyrir 30 árum
veitti ekki af góðu heyskaparsumri
til að fylla hlöður. Hraðfiskibátar
með 2–3 mönnum róa nú með jafn-
langa línu og 70 tonna bátur með
níu mönnum gerði fyrir 10–15 ár-
um. Þessi framþróun er eðlileg en
stöðnun hefði annars leitt til hruns
í þessum greinum. Það er ljóst að
það hefur vafist fyrir samfélögum
á landsbyggðinni að bregðast við
breytingunum. Mjög hefur verið
horft til ferðaþjónustu en þar hafa
skapast verðmæt störf. Ferðaþjón-
ustubændur eru víða orðnir kjöl-
festa í sveitum landsins við hlið
hefðbundinna búgreina. Vinsældir
bændagistingar aukast með ári
hverju og er það vel.
En betur má ef duga skal.
Horfa verður til fleiri þátta ef á að
takast að snúa þessari byggðaþró-
un við. Það er eðlilegt að hvert
landsvæði skoði styrkleika sína og
veikleika, meti hvar vannýttar
auðlindir eru og hvar ný tækifæri
liggja. Í Þingeyjarsýslu liggur
beinast við að horfa til jarðhitans.
Háhitasvæðin við Kröflu, á Þeista-
reykjum, í Bjarnarflagi og víðar í
héraði hafa verið nýtt allt frá því á
miðöldum.
Sögulegastur var útflutningur á
brennisteini frá Húsavík, fyrst
óunnum en síðan um langt skeið
hreinsuðum á Húsavík. Brenni-
steinsvinnsla í Mývatnssveit varð
samfélaginu í Þingeyjarsýslu mikil
lyftistöng. Bændur höfðu drjúgar
tekjur af því að safna brennisteini
á háhitasvæðunum og flytja hann
á hestum til Húsavíkur, þar sem
hann var hreinsaður og fluttur í
vopnabúr kóngsins í Kaupmanna-
höfn. Hreinsun brennisteins, sem
líta má á sem fyrsta stóriðjuverk-
efnið á Íslandi, hófst á Húsavík
um 1770. Þessum merka þætti í
iðnsögu Íslands lauk þegar verk-
smiðjan í Bjarnarflagi sprakk í loft
upp 1939.
Nú ætlum við Þingeyingar að
taka þráðinn upp á ný og nýta há-
hitann til raforkuframleiðslu.
Flytja orkuna út sem ál til hag-
kvæmra nota til vöruframleiðslu
um allan heim í stað brennisteins
sem fór fyrr á öldum til púð-
urgerðar.
Það vekur því athygli þegar
andstæðingar atvinnuuppbygg-
ingar af þessum toga hafa allt á
hornum sér vegna þessara áforma.
Þar sem ekki eru haldbær rök fyr-
ir umhverfisspjöllum vegna þess-
ara framkvæmda er gripið til gam-
alkunnra ófrægingaraðferða.
Mönnum eru gerðar upp skoðanir
og ósannindavefur spunninn úr
engu um að áform séu allt önnur
en sagt er og gagnkvæmt sam-
komulag ríkir um.
Þannig kom fram í greinaskrif-
um fyrir sveitarstjórnarkosning-
arnar, að ekkert væri að marka þá
samninga sem undirritaðir hafa
verið um að reisa 250 þúsund
tonna álver, sem byggt verði upp í
áföngum. Nútímalegt álver sem
verður eingöngu knúið vistvænni
orku frá háhitasvæðunum í Þing-
eyjarsýslu. Þessar fullyrðingar
standast ekki. Því til staðfestingar
nægir að benda á fréttatilkynn-
ingu frá samningsaðilum í Morg-
unblaðinu hinn 17. maí sl.
Álver og umhverfisvænt orkuver
á N-Austurlandi munu skera úr
um það hvort hundruð fjölskyldna
í þessum landshluta geta litið
björtum augum til framtíðar eða
verða að lúta í lægra haldi og
flytjast búferlum á suðvest-
urhornið. Málið er ekki flóknara.
Nýting vistvænnar orku á Húsavík skipt-
ir sköpum fyrir afkomu heimamanna
Tryggvi Finnsson skrifar um
atvinnuuppbyggingu á Húsavík ’Það vekur því athygliþegar andstæðingar at-
vinnuuppbyggingar af
þessum toga hafa allt á
hornum sér vegna þess-
ara áforma.‘
Tryggvi
Finnsson
Höfundur er framkvæmdastjóri At-
vinnuþróunarfélags Þingeyinga hf.
Norræn hönnunun
www.bergis.is
COPENHAGEN
Fréttir á SMS