Morgunblaðið - 09.06.2006, Síða 10

10 FÖSTUDAGUR 9. JÚNÍ 2006 MORGUNBLAÐIÐ
FRÉTTIR
HALLDÓR Ásgrímsson forsætis-
ráðherra stýrði leiðtogafundi
Eystrasaltsráðsins, sem fram fór í
Reykjavík, fyrir hádegi í gær, en
formennskutímabili Íslands í
ráðinu lýkur 1. júlí nk. Svíar taka
þá við formennsku í ráðinu.
Göran Persson, forsætisráð-
herra Svíþjóðar, notaði tækifærið
á blaðamannafundi, sem haldinn
var á Hótel Nordica um hádegisbil,
til þess að þakka Halldóri Ás-
grímssyni fyrir störf hans í þágu
Eystrasaltsráðsins, og samstarfið
á liðnum árum, á alþjóðavettvangi.
Eins og kunnugt er lætur Halldór
bráðlega af ráðherradómi.
Ellefu ríki eiga aðild að Eystra-
saltsráðinu, sem var stofnað árið
1992. Forsætisráðherrar níu ríkja
og utanríkisráðherrar tveggja voru
á fundinum í gær, auk embættis-
manna, m.a. frá Evrópusamband-
inu og skrifstofu Eystrasaltsráðs-
ins. Alls hundrað manns tóku þátt
í fundinum. Þar fyrir utan kom
hingað á fimmta tug erlendra
blaðamanna, frá Rússlandi, Pól-
landi og Svíþjóð. Mikil öryggis-
gæsla var á fundarstaðnum.
Sammála um mikil-
vægi samstarfsins
Halldór sagði á blaðamanna-
fundinum að framtíðarhlutverk
Eystrasaltsráðsins hefði verið rætt
á leiðtogafundinum fyrr um morg-
uninn. Fundarmenn hefðu verið
sammála um mikilvægi samstarfs-
ins.
Hann sagði að Eystrasaltsráðið
væri sterk stofnun og að ráðherr-
arnir væru sammála um að svæðið,
sem samanstæði af ríkjunum ell-
efu, væri einn kraftmesti hluti
heimsins.
Í formennskutíð Íslands hefur
verið lögð sérstök áhersla á sam-
vinnu innan ráðsins á sviði orku-
og umhverfismála. Halldórs sagði
að þessi mál hefðu verið rædd á
fundinum í gær, sem og efnahags-
mál og mál er varða verndun hafs-
ins.
Göran Persson sagði að Svíar
myndu í formennskutíð sinni
áfram leggja áherslu á samvinnu í
orku- og umhverfismálum. Í öðru
lagi myndu þeir leggja áherslu á
borgaraleg réttindi; markmiðið
væri að efla lýðræðið, mannrétt-
indi og félagsleg réttindi á svæð-
inu. Í þriðja lagi myndu þeir
leggja áherslu á viðskipti og fjár-
festingar innan svæðisins. Hann
sagði að ríkin ellefu hefðu marga
möguleika og hefðu enga ástæðu
til annars en að vera bjartsýn.
„Við höfum ekki ástæðu til annars
en að halda samstarfinu áfram og
við höfum enga ástæðu til annars
en að þakka Íslendingum fyrir for-
mennskutíð þeirra.“
Fundað með forsætis-
ráðherra Rússlands
Eftir blaðamannafundinn fund-
aði Halldór Ásgrímsson með
Mikhail E. Fradkov, forsætisráð-
herra Rússlands, í ráðherrabú-
staðnum. Í tilkynningu frá forsæt-
isráðuneytinu segir að
ráðherrarnir hafi m.a. rætt tvíhliða
samskipti þjóðanna á sviði við-
skipta, orku- og umhverfismála,
ferðamála, fiskveiði- og menning-
armála. Þá hafi Halldór rætt fram-
boð Íslands til setu í Öryggisráði
Sameinuðu þjóðanna á árunum
2009 til 2010.
Eftir fundinn í ráðherrabústaðn-
um hitti Fradkov forseta Íslands,
Ólaf Ragnar Grímsson, á Bessa-
stöðum. Í kjölfarið var haldinn
blaðamannafundur, þar sem var,
auk íslenskra fjölmiðlamanna, hóp-
ur blaða- og fréttamanna frá Rúss-
landi. Fradkov sagði að þeir hefðu
rætt ýmis málefni er vörðuðu
hagsmuni landanna beggja, og
Ólafur Ragnar þakkaði honum fyr-
ir vilja hans til þess að styrkja
samband Íslands og Rússlands enn
frekar á komandi árum.
Ólafur Ragnar sagði að þeir
hefðu m.a. fjallað um samstarf á
sviði jarðvarma, en einnig hefði
hann rætt um mikilvægi þess að
koma á loftferðasamningi milli Ís-
lands og Rússlands, svo Icelandair
gæti flogið til borga á borð við
Moskvu og Pétursborg. Eftir fund-
inn á Bessastöðum hélt Fradkov
og fylgdarlið hans af landi brott.
Leiðtogafundur Eystrasaltsráðsins haldinn í Reykjavík
Sammála um mikil-
vægi þess að halda
samstarfinu áfram
Göran Persson þakkar Halldóri Ásgrímssyni samstarfið
MIKIL öryggisgæsla var í kring-
um leiðtogafund Eystrasaltsráðs-
ins sem fram fór í Reykjavík í
gær. Um hundrað manns tóku
þátt í fundinum sjálfum, þar á
meðal níu forsætisráðherrar og
tveir utanríkisráðherrar. Þá
fylgdist með fundinum á fimmta
tug blaða- og fréttamanna, flestir
frá Rússlandi, en einnig frá Pól-
landi og Svíþjóð, samkvæmt upp-
lýsingum frá utanríkisráðuneyt-
inu.
Guðmundur Ómar Þráinsson,
aðstoðaryfirlögregluþjónn emb-
ættis Ríkislögreglustjóra, segir
að fjöldi íslenskra lögreglumanna
hafi tekið þátt í öryggisgæslunni
í gær, en vill ekki gefa upp fjölda
þeirra. Auk þess fylgdu lífverðir
einstökum forsætisráðherrum.
Guðmundur Ómar segir að ströng
öryggisgæsla fylgi jafnan fund-
arhöldum sem þessum, þ.e. þegar
svo margir forsætisráðherrar séu
samankomnir á einum stað.
Lögreglumenn fylgdust m.a.
með svæðinu í kringum fund-
arstaðinn, Hótel Nordica, og
gestir þurftu að gangast undir
vopnaleit, áður en gengið var inn
í fundarsalinn. Myndavélar ljós-
myndara og tökumanna voru til
að mynda skoðaðar sérstaklega.
Mikil ör-
yggisgæsla
Morgunblaðið/ Jim Smart
Mikhail Fradkov, forsætisráðherra Rússlands, og Ólafur Ragnar Grímsson, forseti Íslands, funduðu á Bessastöð-
um í gær og fylgdust nánustu samstarfsmenn þeirra með. M.a. var fjallað um samstarf á sviði jarðvarma.
Morgunblaðið/ Jim Smart
Halldór Ásgrímsson forsætisráðherra á milli þeirra Göran Perssons, for-
sætisráðherra Svíþjóðar, og Mikhail E. Fradkovs, forsætisráðherra Rúss-
lands, á blaðamannafundi eftir leiðtogafundinn í gær.
Morgunblaðið/Eggert
Forsætisráðherra Rússlands, Mikhail E. Fradkov, og Halldór Ásgrímsson
forsætisráðherra svöruðu spurningum blaðamanna við ráðherrabústaðinn.
HJÖRLEIFUR Guttormsson, fv.
þingmaður og ráðherra, hefur sent til
Skipulagsstofnunar athugasemdir í
15 liðum vegna frummatsskýrslu Al-
coa Fjarðaáls vegna mats á umhverf-
isáhrifum álverksmiðju í Reyðarfirði,
en frestur til að skila inn athugasemd-
um rann út í gær. Næsta skref í mats-
ferlinu er að Skipulagsstofnun sendir
framkomnar athugasemdir til Alcoa
sem framkvæmdaraðila sem í fram-
haldinu þarf að útbúa sína mats-
skýrslu. Skipulagsstofnun fær síðan
matsskýrsluna í hendur og gefur út
sitt álit á henni.
Í athugasemdum sínum krefst
Hjörleifur þess að framkvæmdir Al-
coa Fjarðaáls verði stöðvaðar á með-
an unnið er að mati á umhverfisáhrif-
um álversins. Átelur hann fyrirtækið
fyrir að tefja matsferlið
um nær hálft ár, „og
standa þannig ekki við
staðfestar tímasetningar
í matsáætlun en halda
jafnframt á fullu áfram
framkvæmdum við verk-
smiðju á Reyðarfirði,“
segir Hjörleifur í at-
hugasemdum sínum.
Hjörleifur telur að
krefjast verði samþættra
mengunarvarna með
vothreinsun til viðbótar
við þurrhreinsun á
grundvelli innlendra
reglna og skuldbindinga
um bestu fáanlega
tækni, eigi að koma til greina að leyfa
starfrækslu álvers Alcoa Fjarðaáls á
Reyðarfirði. Setur
hann fram kröfu um að
í matsskýrslu geri Al-
coa nákvæmlega grein
fyrir hvernig vot-
hreinsibúnaður geti
fallið að núverandi
hönnun verksmiðjunn-
ar og jafnframt að út-
skýrt verði hvers
vegna halda ætti í hinn
háa skorstein ef vot-
hreinsun yrði að veru-
leika.
Hjörleifur krefst
þess jafnframt í at-
hugasemdum sínum að
í matsskýrslu verði
fjallað um umhverfisáhættu og
ábyrgð Alcoa vegna siglinga stórra
leiguskipa í þágu verksmiðjunnar til
og frá Reyðarfirði og meðfram Aust-
fjörðum. Einnig hvetur hann til þess
að í matsskýrslu geri Alcoa grein fyr-
ir aðgerðum sínum til að bregðast við
hugsanlegu straumrofi og til að mæta
jarðfræðilegri áhættu sem steðjað
geti að Kárahnjúkavirkjun svo og
annarri náttúruvá er truflað gæti
orkuafhendingu til álversins.
Í niðurlagi athugasemda sinna seg-
ir Hjörleifur: „Nú reynir á að menn
virði lögin og niðurstöðu dómstóla.
Ekki er lögmætt að láta það viðgang-
ast að Alcoa Fjarðaál noti ekki bestu
fáanlega tækni og samræmdar meng-
unarvarnir í álverksmiðjunni.“
Athugasemdir Hjörleifs má nálg-
ast í heild sinni á heimasíðu hans á
slóðinni www.eldhorn.is/hjorleifur.
Fjallað verði um umhverfisáhættu
vegna siglinga stórra leiguskipa
Hjörleifur Guttormsson
ATLANTSOLÍA hækkaði
verð á eldsneyti sínu í gær
um 2,40 krónur á bensínlítr-
ann og 1,50 krónur dísilolíu-
lítrann. Í fyrradag hækkuðu
ESSO, Olís og Skeljungur
verðið hjá sér. Ekki er vitað
hvort eldsneytisverð hækkaði
hjá Orkunni þar sem ekki
náðist í forsvarsmenn félags-
ins.
Albert Þór Magnússon,
framkvæmdastjóri Atlantsol-
íu, sagði að fyrirtækið fylgd-
ist grannt með heimsmark-
aðsverði á olíu sem lækkaði í
gær. Ekki er útilokað að elds-
neytisverð á Íslandi muni
fljótlega lækka af þeim sök-
um.
Atlantsolía
hækkar elds-
neytisverð