Morgunblaðið - 09.06.2006, Qupperneq 37

MORGUNBLAÐIÐ FÖSTUDAGUR 9. JÚNÍ 2006 37
UMRÆÐAN
BRÉF TIL BLAÐSINS
Morgunblaðið Kringlunni 1 103 Reykjavík  Bréf til blaðsins | mbl.is
ÞAÐ hefur vart farið fram hjá nein-
um að Íslandsvinaganga fór fram
þann 27. maí sl. Gönguna gengu yf-
ir 3.000 Íslandsvinir sem sýnir
óvenju mikla samstöðu almennings
um verndun náttúrunnar. Segja má
að gangan sé sögulegur atburður
því svo fjölmenn mótmæli eru fátíð
hér á landi. Sannkölluð karnival-
stemning var í göngunni sem end-
aði með frábærum tónleikum á
Austurvelli þar sem margir val-
inkunnir listamenn lögðu málefninu
lið. Skipuleggjendur Íslandsvina-
göngunnar eru ánægð með gönguna
sem fór í alla staði vel fram.
Á vegum Íslandsvina hefur hafist
undirskriftasöfnun þar sem skorað
er á stjórnvöld að láta af stór-
iðjustefnu sinni og hefjast handa
við uppbyggingu vistvæns, sjálf-
bærs þekkingarsamfélags. Íslands-
vinir eru hlynntir markvissri upp-
byggingu atvinnulífs á
landsbyggðinni og vilja skora á
stjórnvöld að hafa umhverfisvernd
að leiðarljósi og haga uppbygging-
unni svo að frekari eyðilegging
lands og náttúru verði stöðvuð. Ís-
land er eitt af ríkustu löndum
heims og ætti því að geta staðið
undir ábyrgri, vistvænni stefnu sem
önnur lönd gætu tekið sér til fyr-
irmyndar. Rúmlega 3.000 undir-
skriftir hafa safnast og enn er hægt
að skrifa undir á www.islandsvin-
ir.org. Þannig getum við í samein-
ingu fengið stjórnvöld til að taka
tillit til vilja almennings um framtíð
landsins.
Þann 21. júlí nk. er ráðgert að
hefja áfengis- og vímuefnalausar
fjölskyldutjaldbúðir undir Snæfelli
við Kárahnjúkasvæðið. Búðirnar
verða opnar öllum sem vilja njóta
náttúrunnar á þessu undurfallega
svæði áður en ráðgert er að það fari
undir vatn. Boðið verður upp á
gönguferðir um svæðið, kynningar-
og menningardagskrá.
Þrátt fyrir vel heppnaða Íslands-
vinagöngu hefur fjölmiðlaumfjöllun
að mestu leyti snúist um fána sem
var uppi fyrstu mínútur göngunnar,
en á hann var letrað „Drekkjum
Valgerði, ekki Íslandi“. Nafn Val-
gerðar var þarna notað sem tákn
fyrir stóriðjustefnuna, en Valgerður
stendur í fararbroddi þessarar
mjög svo umdeildu stefnu. Fánann
báru fjögur ungmenni þar til skipu-
leggjendur göngunnar og nokkrir
þátttakendur báðu þau vinsamlega
að fjarlægja hann. Ungmennin
brugðust vel við þessari beiðni og
tóku fánann niður. Við hörmum að
Valgerður og fjölskylda hennar
skyldu finna til ótta vegna orðaleiks
í slagorðum nokkurra þátttakenda
göngunnar. Við vonum að sá ótti sé
ekki lengur til staðar þar sem ung-
mennin hafa birt og tjáð yfirlýsingu
þess efnis að raunveruleg hótun lá
ekki að baki.
Baráttuaðferðir eru ætíð umdeil-
anlegar. En aðalatriðið hér er nátt-
úra Íslands og efnahagsleg framtíð
landsins. Um þetta ber okkur að
standa vörð með því að stemma
stigu við frekari stóriðjufram-
kvæmdum og hefjast handa við
mótun ábyrgrar framtíðarsýnar. Sú
stefna sem tekin er þarf að fela í
sér uppbyggingu fjölbreytts at-
vinnulífs sem lifir í sátt og samlyndi
við náttúruna, án stórfelldra um-
hverfisspjalla eða mengunar. Það er
hlutverk stjórnvalda að sjá til þess
að þjóðin fái fræðslu um raunveru-
legar afleiðingar stóriðju og leyfa
henni síðan að velja eða hafna. Úr
niðurstöðum síðustu sveitarstjórn-
arkosninga má lesa að þjóðin hafn-
ar í auknum mæli stóriðjustefnunni
og á það ber að hlusta. Skyn-
samlegt væri að líta til þess sem
getur svo auðveldlega komið í stað-
inn, til dæmis endurvinnslu þess
gríðarlega magns af áli sem sóað er
í heiminum eða þróun trefja sem
gætu leyst umhverfisspillandi
málma af hólmi.
Við hvetjum fólk til að kynna sér
til hlítar afleiðingar frekari stóriðju
á náttúru, atvinnulíf og efnahag Ís-
lands og velta einnig málinu fyrir
sér í stærra samhengi með gróður-
húsaáhrif í huga.
HELENA STEFÁNSDÓTTIR,
ANDREA ÓLAFSDÓTTIR,
ARNAR STEINN
FRIÐBJARNARSON,
BIRGITTA JÓNSDÓTTIR,
ARNA ÖSP MAGNÚSAR-
DÓTTIR,
BJARKI BRAGASON.
Íslandsvinaganga
Frá meðlimum
samtakanna Íslandsvinir:
ÞEGAR höfundur á borð við Pét-
ur Gunnarsson lætur í sér heyra
varðandi bóksölu og hefur áhyggj-
ur af fækkun bókabúða í landinu
er full ástæða til að leggja við
hlustir og gaumgæfa hvað sá mað-
ur hefur að segja til varnar bóka-
búðum á Íslandi. Pétur er þekktur
að því, að greinar hans eru aldrei
út í bláinn heldur tekur hann á
málefnum af ofstækislausri skyn-
semi og er jarðbundnari en ætla
mætti um svo góðan rithöfund.
Í grein sinni „Til varnar bóka-
búðum“, í Lesbók 3. júní, gerir
hann skýra grein fyrir því hroll-
kennda ástandi, að í landi bóka-
þjóðarinnar eru eiginlegar bóka-
búðir að hverfa og að lítið komi í
staðinn.
Þessum staðreyndum, sem allir
ættu að sjá sem það vilja, er ótrú-
lega lítill gaumur gefinn, og mætti
ætla að hér væri eitthvert feimn-
ismál á ferð.
En Pétur gerir meira en að
benda á þetta. Hann sýnir líka leið
til að snúa ofan af þessari þróun.
Það er verðlagningin, sem er arfa-
vitlaus. Nýju bækurnar eru verð-
settar svo hátt í upphafi, að allir
vita að það verður farið að bjóða
þær niður fyrr en varir og kaup-
andinn bíður svo von úr viti eftir
„besta“ tilboðinu og kaupir svo
kannski aldrei bókina sem hann
ætlaði að gefa, en endar með kon-
fektkassa frekar en ekkert.
Mér finnst gott að Pétur þorir
að nefna viðunandi verð á með-
alskáldsögu, u.þ.b. 2.500 kr. Þá
þarf líka að vera hægt að ganga
að því verði alls staðar og að
menn séu ekki neyddir til að
blanda saman matarinnkaupum og
bókakaupum.
Að velja bækur er allt önnur at-
höfn en að kaupa í frystikistuna.
Bækur á að vera hægt að nálgast
allt árið í notalegu umhverfi, þar
sem fagfólk er til staðar ef óskað
er upplýsinga, og til að skapa þá
stemningu sem bókum á að fylgja.
Svo er rétt að árétta það, að
bækur eiga ekki að vera lúxusv-
ara, en öllum aðgengilegar sem
lífsfylling og menningarsjóður.
ÓLAFUR STEFÁNSSON
Syðri-Reykjum.
Meira um bókabúðir
Frá Ólafi Stefánssyni:
Fréttir á SMS