Morgunblaðið - 28.07.2006, Side 15

MORGUNBLAÐIÐ FÖSTUDAGUR 28. JÚLÍ 2006 15
ERLENT
STAÐFEST var á miðvikudag í
Berlín samkomulag um að veita al-
gerlega frjálsan aðgang að hinum
geysimiklu skjalasöfnum nasista-
stjórnar Hitlers í Þýskalandi, að
sögn vefsíðu breska ríkisútvarpsins,
BBC. Þar eru m.a. gögn um fórnar-
lömb Helfararinnar.
Nefnd með fulltrúum 11 þjóða í
Evrópu og Norður-Ameríku tók
ákvörðunina en hingað til hafa ein-
göngu þeir sem sluppu lifandi úr
höndum nasista og ættingjar þeirra
fengið að skoða gögnin. Báru þýsk
stjórnvöld því lengi við að ella gæti
komið til þess að lög um persónu-
vernd yrðu brotin. Ákvörðunin fær
gildi þegar öll aðildarríki nefndar-
innar hafa samþykkt hana sem varla
verður fyrr en á næsta ári.
Um er að ræða 47 milljónir skjala
sem varðveitt eru í borginni Bad
Arolsen. Nasistar gerðu nákvæmar
skýrslur um nauðungarverkamenn,
fanga í einangrunarbúðunum al-
ræmdu og pólitíska fanga. Tíndar
voru m.a. til upplýsingar um fjölda
lúsa á höfði fanga og nákvæm tíma-
setning aftöku hvers fanga tilgreind.
Einnig eru nafngreindir sam-
verkamenn nasista, samkynhneigt
fólk og vændiskonur. Talið er að
sumar upplýsingarnar séu uppspuni;
nasistar svívirtu oft fórnarlömb sín
með ósannindum.
Ætla að
opna skjala-
söfn nasista
París. AFP. | Dagblöð í Evrópu og
Líbanon lýstu í gær yfir miklum von-
brigðum með niðurstöðu Rómarvið-
ræðnanna á miðvikudag, þar sem
fulltrúum 15 ríkja, auk Sameinuðu
þjóðanna og Alþjóðabankans, mis-
tókst á friðarráðstefnu að ná sam-
komulagi um að krefjast þess að
komið yrði á tafarlausu vopnahléi í
Líbanon.
Líbanska dagblaðið As-Safr, sem
þykir til vinstri, gekk einna lengst og
sakaði bandarísk stjórnvöld um að
hafa „drepið“ viðræðurnar á mið-
vikudag. Í Evrópu var víða einnig að
finna harða en þó öllu hófsamari
gagnrýni á þátttakendur ráðstefn-
unnar.
„Allar ástæðurnar sem Arabar
höfðu til að treysta Bandaríkja-
mönnum hafa gufað upp,“ sagði í
breska dagblaðinu Daily Star. Hið
íhaldssama blað Daily Telegraph
gagnrýndi einnig Bandaríkjastjórn
sem það sakaði um að hafa „gert
vonir um tafarlaust vopnahlé í Líb-
anon að engu“.
Mörg ítölsk dagblöð beindu gagn-
rýni sinni að Condoleezza Rice, utan-
ríkisráðherra Bandaríkjanna.
Í brennidepli á Spáni
„Rice beitti neitunarvaldi, vopna-
hléið sett til hliðar,“ sagði í dag-
blaðinu La Repubblica. „Rice, sem
hafði lykilinn að hugsanlegum tíma-
mótum í hendi sér, lagði sig fram um
að nota hann ekki,“ sagði í Corriere
della Sera, sem þykir einnig til
vinstri. Viðræðurnar voru einnig í
brennidepli á Spáni. „Eftir mistökin
í Róm ber fyrst að leggja áherslu á
hina algeru vangetu Sameinuðu
þjóðanna og alþjóðasamfélagsins til
að koma böndum á vaxandi ofbeld-
ið,“ sagði í hinu hægrisinnaða El
Mundo.
Dagblaðið El Pais var einnig
gagnrýnið og sagði engin merki um
að „Bandaríkin, eini aðilinn sem hef-
ur getuna til þess, séu tilbúin til að fá
Ísraela til að falla frá hinum sorgleg-
um mistökum að leggja að jöfnu
aukna eyðileggingu og aukið ör-
yggi“.
Í Svíþjóð sagði í hinu íhaldssama
Svenska Dagbladet að stríðið yrði
langt: „Bandaríkjamenn gera ekkert
til að draga úr tilraunum Ísraela til
að brjóta Hizbollah á bak aftur.“
Segja vonir um
vopnahlé brostnar
EPA
Tugþúsundir manna mótmæltu harðlega aðgerðum Ísraelshers í Líbanon í Sanaa, höfuðborg Jemens, í gær.
Hörð gagnrýni
í evrópskum
dagblöðum
LÖGREGLAN í Los Angeles í
Bandaríkjunum er nú að rannsaka
hvort maður, sem hafði áður hlotið
dauðadóm fyrir morð á tveimur kon-
um, hafi í reynd myrt á þriðja tug
kvenna fyrir um tveim áratugum.
Lögreglan birti í vikunni á vefsíðu
sinni 54 myndir af 50 ungum konum
sem gætu hafa orðið fórnarlömb
morðingja á árunum 1977–1984. Lög-
regla hefur þegar fengið ábendingar
um að 24 kvennanna séu á lífi.
Myndirnar fundust fyrir um 20 ár-
um á heimili hins dæmda morðingja,
William Richard Bradford, eða Bill
Bradford eins og hann er betur
þekktur. Hann hafði skömmu áður
boðið þeim Shari Miller, sem hann
hitti á bar, og hinni 15 ára gömlu
Tracey Campbell, nágranna sínum,
inn til sín. Að sögn saksóknara lofaði
hann að hjálpa þeim að fá störf sem
fyrirsætur. Hann myndaði þær og
myrti síðan á hrottafenginn hátt.
Bradford er nú sextugur að aldri
og hlaut dóm sinn árið 1988 en hefur
verið á dauðadeild San Quentin-
fangelsisins síðan. Almenningur í
Kaliforníuríki er undrandi yfir því að
myndirnar skuli nú birtast opin-
berlega að svo löngum tíma liðnum,
en farið var að kanna þær að frum-
kvæði tveggja lögreglumanna sem
voru að rannsaka óleyst sakamál.
Þegar dómur var kveðinn upp yfir
Bradford sagði hann við dómarann
„Hugsaðu um hversu margar þú
veist ekki einu sinni um“ og er því
óttast að fórnarlömbin séu fleiri.
Í æsandi stellingum
Bradford gekk skipulega til verka
en á vefsíðu lögreglunnar segir að
hann hafi yfirleitt „hitt konur á kapp-
akstursmótum eða á krám. Hann tók
myndir af konunum í kynferðislega
æsandi stellingum, kyrkti þær síðan
og kom líkunum fyrir í eyðimörkum
norðan við Los Angeles“.
Myndirnar voru teknar á árunum
1975 til 1984 og eru konurnar taldar
hafa vonast til að þær myndu hjálpa
þeim að fá samning sem fyrirsætur
eða jafnvel hlutverk í kvikmynd.
Þegar litið er á listann yfir þær
konur sem enn er saknað sést að
margar þeirra hafa lagt töluvert á sig
til að myndatökurnar tækjust sem
best. Hárgreiðslan er samkvæmt
nýjustu tísku, brosið gjarnan ein-
lægt, augnaráðið leiftrandi og nokkr-
ar þeirra hafa ekki hikað við að klæð-
ast efnislitlu bikini á myndunum.
Bradford starfrækti eigin ljós-
myndastofu í Los Angeles, en flest
helstu kvikmyndafyrirtæki heims
eru einmitt staðsett í Kaliforníuríki.
Þannig er Bradford sagður hafa upp-
götvað að með því að koma fram sem
ljósmyndari gæti hann lokkað konur
í leit að frægð og frama heim til sín,
eða í stúdíóið sem hann starfrækti.
Hann er sagður yrkja ljóð á dauða-
deildinni og hefur meira að segja
fengið nokkur þeirra birt á síðum
stórblaðsins Los Angeles Times.
Grunaður um morð
á tugum kvenna
Þessi kona hefur staðfest að hafa
verið fyrirsæta hjá Bradford.
AP
Fjöldamorðinginn og ljóðskáldið
William Richard Bradford.
Eftir Baldur Arnarson
baldura@mbl.is