Morgunblaðið - 16.11.2006, Blaðsíða 6
6 FIMMTUDAGUR 16. NÓVEMBER 2006 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
„ÞAÐ var allt tómt, búið að tæma
öll hólf og bara skítafýla þarna
inni,“ segir Jón Gunnar Ottósson,
forstjóri Náttúrufræðistofnunar Ís-
lands, en hann var viðstaddur þegar
fulltrúar KB banka fóru í fyrsta
sinn inn í húsakynni frystihólfaleig-
unnar í Gnoðarvogi nú í vikubyrjun.
Eins og fram kom í Morgunblaðinu
sl. laugardag eignaðist KB banki
húsnæðið með formlegum hætti sl.
fimmtudag eftir að fyrri eigendur,
Gnoðarvogur ehf. sem var leigusali
NÍ, misstu það á uppboð vegna van-
skila, en KB banki var stærsti
kröfuhafinn.
„Ég fékk lásasmið til að opna fyr-
ir okkur og síðan fóru starfsmenn
NÍ inn fyrstir manna og staðfestu
það að það væri ekkert eftir af mun-
um stofnunarinnar,“ segir Henrý
Þór Gränz, starfsmaður í lögfræði-
innheimtu KB banka. Að sögn
Henrýs stóðu fyrri eigendur hús-
næðisins ekki við gefin loforð um að
koma lyklum til bankans sl. föstu-
dag og því greip hann til þess ráðs
að fá aðstoð lásasmiðs til að komast
inn í húsið og láta skipta um lás.
Að sögn Henrýs bendir allt til
þess að fyrri eigendur, eða ein-
hverjir á þeirra vegum, hafi verið á
ferð í húsnæðinu um helgina. Bygg-
ir hann þá grunsemd sína á því að
sl. fimmtudag hafi hann lagt leið
sína að umræddu húsi og þegar
hann var þar aftur á ferð með
starfsmönnum NÍ nú á mánudag
hafi aðkoman að lásnum verið öðru-
vísi, búið að festa „rósettu“ utan um
lásinn sem áður vantaði.
Líkt og fram kom í Morgun-
blaðinu sl. laugardag hefur NÍ í
samráði við umhverfisráðuneytið
óskað eftir opinberri rannsókn á
hvarfi náttúrurannsóknargagna og
náttúrugripa sem geymdir voru í
umræddum frystiklefa. Spurður
hvort lögreglan hefði þegar skoðað
húsnæðið svaraði Henrý því neit-
andi, en tók fram að hann hefði tjáð
forstjóra NÍ að hann væri reiðubú-
inn til að opna fyrir þeim húsnæðið
hvenær sem þeim hentaði að skoða
það. Að sögn Henrýs bauð hann
jafnframt forstjóra NÍ lykil að hús-
næðinu, en forstjórinn taldi það
ekki nauðsynlegt að svo komnu
máli.
Allt galtómt þegar starfsmenn
NÍ komust í frystigeymslurnar
Morgunblaðið/RAX
Allt tómt Frystigeymslur NÍ voru galtómar þegar ljósmyndari Morgun-
blaðsins kom þar við í gær ásamt starfsmanni KB banka.
Skipt um lás Fyrri eigendur stóðu
ekki við loforð um að skila lyklum
og því var skipt um lás í vikubyrjun.
Í HNOTSKURN
»NÍ hefur um 15 ára bil haftfrystiklefa og frystihólf á
leigu hjá fyrirtækinu Frysti-
hólfaleigunni í Gnoðarvogi.
» Í maí sl. fær umhverfissviðReykjavíkurborgar fyrir-
spurnir frá nokkrum ein-
staklingum sem höfðu átt erfitt
með að ná í forsvarsmenn Frysti-
hólfaleigunnar. Við athugun
kemur í ljós að fyrirtækið starfar
án þess að hafa starfsleyfi.
»Heilbrigðisfulltrúi nær tali afÞóri R. Ólafssyni, talsmanni
eigenda, sem segir að stefnt sé
að því að hætta þessari starfsemi
sem fyrst. Haft verði samband
við alla hlutaðeigandi og sam-
vinna höfð við þá um lokunina.
Allir frystar séu í lagi.
» Í júní fær umhverfissviðkvartanir yfir því að frost sé
ekki á geymslunni og þar sé mik-
il ólykt og blóðpollar á gólfum.
Farið er í leiguna og staðfest að
þessi lýsing sé rétt.
»Starfsmenn NÍ heyra fyrst afmálinu í október sl. og er þá
tjáð að allt innihaldi frysti-
geymslunnar hafi verið fjarlægt
og urðað. Komast þeir jafnframt
að því að nýir eigendur, Gnoðar-
vogur ehf., hafi tekið við rekstri
Frystihólfaleigunnar á vormán-
uðum.
STROKUFANGINN Ívar Smári
Guðmundsson, sem strauk úr haldi
fangaflutningamanna í Héraðsdómi
Reykjavíkur síðastliðinn þriðjudag,
er enn ófundinn.
Ívar Smári er fæddur árið 1980.
Hann er um 180 sentimetra hár og
var meðal annars klæddur í græna
hettupeysu þegar hann strauk.
Hann afplánar tuttugu mánaða dóm
vegna fíkniefnabrota en var í héraðs-
dómi síðastliðinn þriðjudag vegna
annarra afbrota – og er hann talinn
varasamur, sam-
kvæmt upplýs-
ingum lögregl-
unnar í Reykja-
vík.
Þeir sem hafa
einhverjar vís-
bendingar um
dvalarstað Ívars
Smára eru beðnir
að hafa samband
við lögregluna í
Reykjavík í síma 444 1000.
Strokufanginn
enn ófundinn
Ívar Smári
Guðmundsson
LANDNÁMSSETUR Íslands hlaut
nýsköpunarverðlaun SAF – Sam-
taka ferðaþjónustunnar sem afhent
voru við athöfn á Hótel Holti í
Reykjavík í gær. Var setrið verð-
launað fyrir vel útfærðar og vand-
aðar sýningar sem efla ímynd Ís-
lands og eru til þess fallnar að efla
ferðaþjónustu utan hins hefðbundna
tímabils. Í tengslum við safnið er
unnið með sögu landsins með leik-
sýningum, sögumönnum, námskeið-
um og hlöðnum vörðum á helstu
sögustöðum Egilssögu víðar á svæð-
inu. Tækni er vel nýtt á sýningunum,
m.a. með leiðsögn með lófatölvum,
segir í frétt frá SAF. Hið nýja Land-
námssetur hafi því átt stóran þátt í
því að verða mikilsvægur þáttur í að
efla menningartengda ferðaþjónustu
á Íslandi.
Hlutverk Nýsköpunarsjóðs er að
hvetja til nýsköpunar og vöruþróun-
ar í íslenskri ferðaþjónustu. Stjórn
sjóðsins skipa: Jón Karl Ólafsson,
formaður SAF, Edward Huijbens,
forstöðumaður Ferðamálaseturs, og
Hrönn Greipsdóttir, hótelstjóri Rad-
isson SAS Hótel Sögu. Í stefnumót-
un SAF kemur m.a. fram að stefnt
skuli að því að nýsköpun og fag-
mennska innan greinarinnar tryggi
arðsemi allt árið enda byggist ferða-
þjónustan á ímynd, gæðum, þekk-
ingu og traustum innviðum. Auk
þess segir að landið allt verði kynnt
til eflingar ferðaþjónustu og að nátt-
úra, mannlíf og menning landsins
gegni lykilhlutverki.
Sjá nánar á www.landnam.is.
Landnáms-
setur verð-
launað
Hlaut nýsköpunar-
verðlaun SAF
AÐ MATI Atla Gíslasonar hrl. olli
Umhverfisstofnun ólögmætum
spjöllum á Hrafntinnuskeri með því
að veita leyfi til að taka þaðan 50
tonn af hrafntinnu. Leyfisveitingin
varði refsingu samkvæmt náttúru-
verndarlögum, verði ekki bætt úr
skemmdunum þegar í stað. Þá hafi
bæði Umhverfisstofnun og Línu-
hönnun hf. brotið alvarlega gegn lög-
um um umhverfismat.
Þetta er meðal þess sem kemur
fram í bréfi sem Atli skrifaði í gær
fyrir hönd Guðrúnar S. Gísladóttur
leikkonu, en hún hefur kært efnis-
tökuna, bæði í eigin nafni og í nafni
Hrafntinnuriddaranna.
Í bréfinu er þess krafist að Jónína
Bjartmarz umhverfisráðherra grípi
af sjálfsdáðum inn í málið og komi í
veg fyrir vinnslu á þeirri hrafntinnu
sem tekin var úr Hrafntinnuskeri
vegna viðgerða á Þjóðleikhúsinu.
Þar sem umhverfisráðherra sé æðsti
yfirmaður Umhverfisstofnunar beri
ráðherra sem slíkur ábyrgð á að
stofnunin komist ekki upp með lög-
brot og verði því að taka á málinu,
burtséð frá því hvort henni berist
kæra eða ekki.
Í bréfinu vekur Atli sérstaka at-
hygli á því að leyfið var veitt án þess
að það væri auglýst fyrirfram og án
þess að aðilum sem hefðu beinna eða
óbeinna hagsmuna að gæta, þ.m.t.
Skipulagsstofnun, væri gefinn kost-
ur á að tjá sig. Framkvæmdin væri
þar að auki matsskyld og matsskyld-
an væri enn ríkari fyrir þá sök að um
friðlýst náttúruverndarsvæði er að
ræða. Því hafi bæði Umhverfisstofn-
un og Línuhönnun brotið gegn lög-
um um mat á umhverfisáhrifum.
Í samtali við Morgunblaðið sagði
Atli að hann vísaði sérstaklega til
staðsetningar, þ.e. náttúruverndar-
gildi Hrafntinnuskers væri afar hátt
og því hefði umrædd efnistaka um-
talsverð umhverfisáhrif.
Getur veitt Guðrúnu aðild
Guðrún hefur fengið þau svör frá
umhverfisráðuneytinu að hún sé
ekki aðili að málinu í skilningi stjórn-
sýslulaga. Atli segir að þau ákvæði
sem ráðuneytið vísi til séu einungis
leiðbeinandi og mörg fordæmi fyrir
því að aðilum hafi verið veitt aðild að
máli, jafnvel þó það samrýmist ekki
ströngustu túlkunarkröfum stjórn-
sýslulaga. „Og þá getur umhverfis-
ráðherra, ef hún vill, tekið efnislega
á málinu í staðinn fyrir að skauta bak
við formlegar ástæður. Það er afar
nauðsynlegt að það sé tekið efnislega
á þessu máli því það kann að hafa
fordæmi um að ríkisstofnanir geti
valsað um friðlýst svæði og annað
slíkt án þess að almenningur sem
nýtur þeirra hafi tök á að gera nokk-
urn skapaðan hlut,“ sagði Atli Gísla-
son hrl.
Segir efnistökuna
varða refsingu
Morgunblaðið/Kristinn
Hrafntinna Viðgerðir á Þjóðleikhúsinu eru tímabærar en mjög er deilt um
eitt byggingarefnið, hrafntinnuna sem tekin var úr Hrafntinnuskeri.
BÆÐI Umhverfisstofnun og Nátt-
úrufræðistofnun Íslands telja að
huga þurfi almennt að vernd fá-
gætra tegunda úr steinaríkinu á Ís-
landi svo sem hrafntinnu og silfur-
bergs en báðar þessar tegundir
hafa verið í sviðsljósinu vegna við-
gerða á Þjóðleikhúsinu. Silfurberg
var einnig notað við viðgerð á aðal-
byggingu Háskóla Íslands.
Í bréfi sem Umhverfisstofnun
sendi umhverfisráðherra 20. októ-
ber sl. kemur m.a. fram að ekki sé
hægt að friðlýsa stakar steindir eða
steintegundir heldur einungis fund-
arstað þeirra. Þá sé ekki heimild í
lögum til að friðlýsa bergtegundir
sérstaklega en hrafntinna er berg-
tegund. Breyta þurfi lögunum svo
ákvæði um verndun verði skýrari
og ótvíræðari.
Vilja nýjar reglur
um friðun
edda.is
Sigrún Eldjárn
Ný bók eftir Sigrúnu Eldjárn
Gula sendibréfið er æsispennandi saga
úr óbyggðum fyrir ævintýraþyrsta krakka. Sigrún
Eldjárn samdi söguna og teiknaði myndirnar en
HVER SKRIFAÐI GULA SENDIBRÉFIÐ?