Morgunblaðið - 16.11.2006, Blaðsíða 23
MORGUNBLAÐIÐ FIMMTUDAGUR 16. NÓVEMBER 2006 23
LANDIÐ
Eftir Jón Hafstein Sigurmundsson
Þorlákshöfn | Golf ehf. og Sveitarfé-
lagið Ölfus undirrituðu nýlega samn-
ing um kaup Golf ehf. á 336 hekt-
urum lands á söndunum austan við
Þorlákshöfn. Kaupverðið er 70 millj-
ónir króna. Á svæðinu er fyrirhugað
að byggja glæsilegan 18 holu golfvöll
sem hlotið hefur vinnuheitið „Black
Sand“.
Það er stórkylfingurinn Nick
Faldo sem hannað hefur völlinn
ásamt arkitektum sínum, Steve
Smyers og Patrick Andrews. Fyrir
hönd seljenda ritaði Ólafur Áki
Ragnarsson bæjarstjóri undir samn-
inginn en Haraldur L. Haraldsson,
framkvæmdastjóri hjá Nýsi, og
Margeir Vilhjálmsson, fram-
kvæmdastjóri Golfs ehf., undirrituðu
samninginn fyrir hönd kaupenda.
Fasteignasalan Hóll sá um kaupin.
Gamall draumur
Margeir Vilhjálmsson sagði að
hann hefði fyrst fengið áhuga á
þessu svæði undir glæsilegan golf-
völl árið 1995. Á þeim tíma hefði ekki
verið grundvöllur fyrir því að reisa
slíkan völl en það hefði breyst með
auknum áhuga á golfíþróttinni á Ís-
landi og í heiminum öllum.
Völlurinn verður 6658 metra lang-
ur af meistarateigum þannig að
hægt verður að bjóða þeim allra
bestu til keppni. Búið er að hanna
völlinn og fyrirhugað er að hefja
framkvæmdir strax í vor. Það verður
vonandi hægt að taka völlinn í notk-
un haustið 2009 eða vorið 2010. Völl-
urinn mun í upphafi veita um 10
starfsmönnum vinnu en allt að 20
þegar frá líður.
Golf ehf. kaupir svartan
sand fyrir golfvöll
Morgunblaðið/Jón H. Sigurmundsson
Samið Haraldur L. Haraldsson, Margeir Vilhjálmsson, Franz Jezorski,
Ólafur Áki Ragnarsson og Jón Hólm Stefánsson gengu frá samningum.
Eftir Sigursvein Þórðarson
Vestmannaeyjar | Efnt var til
veislu í Stórhöfða í tilefni af 100 ára
afmæli Stórhöfðavita. Sturla Böðv-
arsson samgönguráðherra kíkti
upp í vitann og var síðan boðið til
veislu þar sem Óskar J. Sigurðsson,
vitavörður í Stórhöfða frá 1965, var
heiðraður.
Samgönguráðherra ávarpaði
samkomuna og hóf ávarpið á þess-
um orðum: „Stórhöfði, austnorð-
austan sex, alskýjað, allmikill sjór,
hiti fimm stig. Þetta var veðurlýs-
ingin klukkan sex í morgun.“ Sagði
hann tilbrigði við þessa lýsingu
hafa heyrst á öldum ljósvakans í
áratugi og fólk sem alist hefur upp
eða búið í sjávarbyggðum veit
hversu miklu skiptir að fá traustar
upplýsingar.
Vitinn hefur í 100 ár lýst út á haf-
ið og leiðbeint sjófarendum. Sturla
kom inn á annað starf sem stundað
er í Stórhöfða. Til dæmis fugla-
merkingar Óskars og sagðist hann
hafa fylgst með því mikla starfi sem
Óskar hafi stundað í áratugi og
heyrt af því að fuglar merktir á
Stórhöfða hafi fundist víða um
heim. Það sé mikilvægt starf í þágu
þess að vita meira um ferðir far-
fugla.
Vitaverðinum þakkað
Veðurathuganir á Stórhöfða
skipta miklu máli og þaðan hafa
fengist mikilsverðar upplýsingar.
Ráðherra taldi upp staðreyndir um
höfðann, þar væri meðalvind-
styrkur 11 metrar á sekúndu og að
meðaltali væru fjórir logndagar á
ári. Taldist honum til að það væri
svipað og í Stykkishólmi.
Færði Sturla Óskari og hans fjöl-
skyldu sérstakar þakkir fyrir góð
störf í gegnum öll þessi ár á Stór-
höfða. Elliði Vignisson bæjarstjóri
færði að lokum Óskari að gjöf staf-
ræna myndavél frá Vestmanna-
eyjabæ en Óskar hefur í gegnum
tíðina tekið fjöldann allan af ljós-
myndum.
Morgunblaðið/Sigurgeir
Afmæli Elliði bæjarstjóri sker tertusneiðar fyrir Sturlu og Óskar.
Vitavörður heiðraður
Höfn | Hálslón verður griðastaður
heiðagæsa í sárum og lónið fengsælt
veiðivatn þegar fram í sækir. Þetta
segir Sverrir Scheving Thorsteins-
son, jarðfræðingur og jöklafræðingur
á Höfn í Hornafirði, sem stundað hef-
ur veiðar á hálendinu norðan Vatna-
jökuls í áratugi og ferðast mörgum
sinnum um svæðið þvert og endi-
langt.
„Ég hef oft verið að hugsa um þessi
mál sem jarðfræðingur og jöklafræð-
ingur og í fyrstunni hallaðist ég að því
að þarna væri verið að fara illa með
land,“ sagði Sverrir í samtali við
Morgunblaðið. „Þegar grannt er
skoðað eru þó jákvæðir fletir á mál-
inu. Mín skoðun á þessu byggist á því
að ég er veiðimaður, búinn að vera
með byssu í hendinni í meira en hálfa
öld og drepa gæsir, rjúpur og hrein-
dýr þarna. Ég hef veitt í vötnum og
lækjum alveg upp undir jökli marg-
oft, ýmist dorgað eða hent út neti og
alltaf fengið vænan silung. Einnig
þekki ég vötn sem myndast hafa í lón-
stæðum erlendis og veit að betri veiði-
staðir eru varla til. Hálslón mun fyll-
ast af fiski þegar fram líða stundir og
þar mun verða stór bleikja, án þess að
nokkur ræktun eð grisjun komi til.
Það renna svo margir lækir og ár sem
full eru af smáfiski í Hálslón að það er
enginn vafi í mínum huga að þarna
verður fiskur. Aurgruggið úr Jöklu
mun ekki koma í veg fyrir það.“
Engin vörn betri fyrir tófunni
„Annað sem er jákvætt í mínum
huga við lónið er að það mun verða
gríðargott verndarsvæði fyrir heiða-
gæs sem verpir þarna, bítur meira
gras en við látum okkur detta í hug og
er í tugþúsunda tali á þessu svæði.
Gæsirnar þurfa vörn þegar þær fara í
felli, þ.e. eru í sárum og ófleygar.
Engin vörn er betri fyrir allar þessar
þúsundir fugla heldur en stórt og gott
stöðuvatn. Hvorki tófan né maðurinn
ná í þær þar, nema einhver bófi á
hraðbát elti þær, en það þekkist nú á
Lagarfljótinu líka. Ég á satt að segja
von á að áhrifasvæði Kárahnjúka-
virkjunar verði gjöfular veiðilendur
og gott verndarsvæði.“
Sverrir segist ekki hafa velt afdrif-
um hreindýranna á svæðinu fyrir sér
sérstaklega en að hans mati aðlagi
þau sig eins og fuglar alveg ótrúlega.
Þau virðist sætta sig við umferð, lykt-
arskynið sé í fyrirrúmi en sjón tak-
mörkuð og hann sé því ekki hræddur
um að dýrin svelti eða flýi langt í
burtu.
„Þetta er þversniðið af því sem mér
finnst vera jákvætt. Öll umræða um
Hálslón og Kárahnjúkavirkjun hefur
verið mjög neikvæð og það má að
ósekju skjóta því inn á ská til fólks að
þarna séu nokkrir jákvæðir punktar
sem vert sé að skoða með opnum
huga án þess að láta fordóma vera í
vegi fyrir sér. Mannanna verk og
náttúran aðlagast gjarnan og svo
verður einnig í þessu tilfelli.“
Í framhjáhlaupi segist Sverrir aldr-
ei þessu vant ekkert hafa veitt í haust
því hann búi sig undir uppskurð á
byssuöxlinni. Hann eigi hins vegar
nóg af byssum til að fægja og snur-
fusa enda ötull byssusafnari til
margra ára sem taki öllum gömlum
byssum fagnandi. Synir hans muni
væntanlega færa honum villibráð í
jólamatinn þetta árið í sárabætur
enda byssumenn eins og faðir þeirra.
Hálslón fullt af bleikju
og griðastaður gæsa
Morgunblaðið/RAX
Fisksæld? Ef til vill verður Hálslón gjöfult veiðivatn með spriklandi bleikju
og verndarsvæði tugþúsunda heiðargæsa í fjaðrafelli þegar frá líður.
Eftir Steinunni Ásmundsdóttur
steinunn@mbl.is
AUSTURLAND
ÚRSKURÐARNEFND um upplýs-
ingamál skyldar Seyðisfjarðar-
kaupstað til að veita Hjörleifi Gutt-
ormssyni aðgang að samningum við
Íslenska orkuvirkjun vegna virkj-
unar Fjarðarár, en því hafði sveit-
arfélagið áður hafnað. Segir m.a. í
úrskurðinum að vegna ríkra hags-
muna almennings til að eiga kost á
að fá upplýsingar um ráðstöfun op-
inberra eigna sé ekki eðlilegt að
þessar upplýsingar fari leynt.
Fjarðarársamningur opinber
Þorlákshöfn | Glæpasýning hefur
verið sett upp í Galleríi undir stig-
anum í ráðhúsinu í Þorlákshöfn.
Bæjarbókasafn Ölfuss stendur fyrir
sýningunni í tilefni af norrænni
bókasafnsviku.
Á sýningunni virðist hafa verið
framið ódæði. Búið er að fjarlægja
líkið en óljóst hvort hauslausi mað-
urinn sem blasir við gestum sem inn
í safnið koma, er sekur glæpamaður
eða saklaus rannsóknarlögreglu-
maður, segir í fréttatilkynningu frá
menningarfulltrúanum.
Fjölbreytt dagskrá er á bókasafn-
inu í vikunni af þessu tilefni. Í kvöld,
kl. 18, verður krimmakvöld. Katrín
Jakobsdóttir íslenskufræðingur flyt-
ur erindi um norrænar glæpasögur
og lesið verður úr einhverri af hinum
vinsælu sakamálasögum eftir Arnald
Indriðason.
Glæpasýning er í
Galleríi undir stiganum
Föstudaginn 17. nóvember Lögberg, stofa 101
kl. 12:15
Hafdís Ólafsdóttir
Forstöðumaður forsetaskrifstofu Alþingis
Aðjúnkt við lagadeild HÍ
Fundarstjóri
Sigrún Brynja Einarsdóttir
Lögfræðingur á nefndarsviði Alþingis
Allir velkomnir Nánari upplýsingar á
www.lagadeild.hi.is
Skilyrði skráningar
vörumerkja.
Áhrif Evrópuréttar á íslenskan
vörumerkjarétt.
Lagastofnun
Málstofa