Morgunblaðið - 16.11.2006, Blaðsíða 26
ferðalög
26 FIMMTUDAGUR 16. NÓVEMBER 2006 MORGUNBLAÐIÐ
Eftir Þuríði Magnúsínu Björnsdóttur
thuridur@mbl.is
Þ
ær eru BAS-stelpurnar,
Bríet Birgisdóttir, Anna
Arnarsdóttir og Soffía
Eiríksdóttir, vinkonur
og hjúkrunarfræðingar
og vinna m.a. við hjúkrun krabba-
meinssjúklinga. Í upphafi árs byrj-
uðu þær í heilsuátaki, bæði vegna
líkamlegs ástands og mikils álags í
vinnunni, og góður árangur hvatti
þær til að taka þátt í Avon-göngu
gegn brjóstakrabbameini í New
York nú í október. Þjálfun og söfnun
fyrir gönguna á árinu fékk þær til að
gera ýmislegt sem er algjörlega nýtt
fyrir þeim: Að hlaupa yfirhöfuð,
hlaupa 10 km í Reykjavíkurmara-
þoninu, fara í áheitagöngu frá
Reykjavík í Borgarfjörð og smala-
mennsku í haust.
Þótt kveikjan að þessari viku
borgarferð hafi verið gangan var
líka ætlunin að njóta stórfengleika
borgarinnar. Með í för var systir
Önnu, Sigurbjörg. Fjórar íslenskar
konur sem allar höfðu fyrr stigið
fæti á Manhattan-eyju gáfu sér auð-
vitað tíma til að versla í hátískuborg
– nauðsyn rak þær líka til þess.
„Við höfðum grennst um nokkrar
fatastærðir síðan í janúar. Ég átti
orðið engin föt sem pössuðu,“ segir
Anna og uppsker mikinn hlátur.
Þær segja átakið einmitt hafa komið
þeim aftur til að hlæja. „Ég var farin
að koma svo oft örþreytt heim að ég
var farin að spá í hvort ég gæti snúið
stofunni öðruvísi svo styttra yrði í
sófann,“ segir Anna og Soffía heldur
áfram: „Núna erum við sterkari í
vinnunni og höfum meira frum-
kvæði. Veikindin inni á spítalanum
hafa sitt að segja og maður verður
að setja mörk gagnvart vinnunni –
en við fundum húmorinn.“
„Ég hafði tilhneigingu til að loka
þetta allt inni í mér en það er nauð-
synlegt að taka þetta ekki of alvar-
lega og þá er gott að eiga svona
sterkar vinkonur til að tala við,“ seg-
ir Bríet.
Gangan var ævintýri líkast. Þegar
þær skráðu sig vissu þær reyndar
ekki að 43 mílur eru heilir 63 km en
þær gengu eitt og hálft maraþon á
tveimur dögum! „Þú ferð þetta ekki
nema í góðu formi. Við gengum
þvers og kruss á Manhattan, í
Harlem, Kínahverfið, yfir Brooklyn-
brúna og Manhattan-brúna og jafn-
vel á fimmta breiðstræti, einni fræg-
ustu verslunargötu heims, en flest-
um götunum var lokað. Það var
æðislegt að kynnast borgina svona,“
segir Soffía. Sólríkt var og hlýtt í
veðri og á vegi þeirra urðu fallegir
garðar, róleg hverfi og útivistar-
svæði, Central Park vakti hrifningu
og þær sáu ýmislegt sem þær vissu
ekki að væri til í New York. „Maður
hefur eiginlega bara skoðað búðir að
innan hingað til …“ segir Bríet og
kímir. Þær mæla sérstaklega með
Brooklyn-brúnni en göngubrú er yf-
ir bílaumferðinni. „Við vissum ekki
af henni en þarna uppi var æðislegt,
fullt af götulistamönnum og þú sérð
vel yfir, frelsisstyttuna, skýjakljúf-
ana …“
Harðskeytt stórborg
Eftir fyrri maraþondaginn gistu
þær ásamt öðru göngufólki í tjaldi á
Randall-eyju en gleymdu dýnunum.
„Við urðum svo ótrúlega þreyttar að
við steinsváfum á hörðu grasinu,“
segir Bríet. Þær voru ekki viðbúnar
því hve erfitt var að ganga á stein-
steypunni, svo voru þær líka með
þeim fyrstu í mark fyrri daginn!
Stórborgin stóð undir nafni. „Það
kom mér á óvart hvað þarna er rosa-
legur hraði, það er eins og allt sé að
flosna upp á Manhattan,“ segir
Soffía. Bríet er sama sinnis: Mér
finnst mjög gaman í New York en ég
fann eftir þessa viku að ég vil ekki
vera of lengi. Borgin er mjög harð-
skeytt, allir mjög vinalegir á yf-
irborðinu en ef þú þarft á hjálp að
halda er ekki víst að hún sé fyrir
hendi.“ Á það reyndi þegar Soffía
varð viðskila við stelpurnar en
skipuleggjendur göngunnar leyfðu
henni ekki að hringja í þær.
Heimspeki hópsins var iðkuð; að
lifa lífinu og vera stolt af því að vera
kona, nota líkama sinn og hafa húm-
or fyrir sjálfri sér. „Við höfum bara
þetta líf og nýttu það – við hittum
daglega einstaklinga sem geta það
ekki,“ segir Soffía með áherslum.
Dekur var sumsé næst á dagskrá!
Og líka verslunarferð (sem er dekur
í margra augum) en þó ekki hefð-
bundin. Mánudaginn eftir gönguna
ákváðu þær að fara í verslunina
Macy’s og ekkert ku geta stöðvað
það. En þar var uppi fótur og fit er
upp kom eldur. „Ég var komin með
þessar fínu Tommy Hilfiger-úlpur
en sá allt í einu að fólk var farið að
hlaupa í kringum mig. Þegar ég kem
niður rúllustigann var reykur yfir
öllu og fólk farið að gráta. Á end-
anum varð ég að fleygja úlpunum frá
mér,“ lýsir Soffía. Macy’s er stórt
bandarískt tákn og þær segja að
fólkið hafi eins og búist við að þetta
væri hryðjuverk, enda mætti herinn
með vélbyssurnar. „Þetta er alltaf
fyrsta viðbragð fólksins og þjóðin
hefði þurft allsherjaráfallahjálp eftir
11. september.“ Þær sáu fljótlega
hvers eðlis var og gáfu sér jafnvel
tíma til að kíkja á Louis
Vuitton-töskur áður en húsið var
rýmt. „Það fyrsta sem við hugsuðum
var að kannski yrði brunaútsala!“
skýrir Bríet. Þær stöllur skelltu sér í
Victoria’s Secret í „smáversl-
unarmeðferð“.
Næsta dag var áfram haldið í búð-
ir og þá var líka allt fullt af sjúkrabíl-
um og þyrlum, þó ekki vegna búð-
arferða Íslendinga. Þann dag varð
flugslys sem komst í heimsfrétt-
irnar, flogið var á íbúðarbyggingu og
frægur hafnaboltamaður lést og
hryðjuverkabjöllur klingdu í huga
fólks.
Síðasta daginn kom einnig til
meints hryðjuverks. Soffía var ein á
leiðinni á hótel til að fara í flugið
heim. „Neðanjarðarlestin var stöðv-
uð því ungur maður þurfti á lækn-
ishjálp að halda en aldrei kom
sjúkrabíll og maðurinn að deyja. Ég
„Þetta er ekki hryðjuverk“
Ungar íslenskar konur fóru í allsérstæða ferð til
New York á dögunum. Á dagskránni var 63 km
styrktarganga, þrjú meint hryðjuverk, lystisemdir
borgarinnar og búðarráp – auðvitað.
Ótti … eldur kom upp í miðri verslunarferðinni í Macy’s á Broadway.
Hryðjuverkaóttinn sem enn smýgur inn í þjóðarsálina stóð verslunarþörf
Íslendinga ekki fyrir þrifum, þrátt fyrir að herinn mætti með vélbyssur.
Morgunblaðið/Ásdís
Einstök upplifun BAS-stelpurnar gengu 63 km þvers og kruss
um Manhattan, m.a. yfir Brooklyn-brúna á göngubrú og þótti
mögnuð upplifun. Búðirnar á fimmta breiðstrætinu þutu líka hjá.
Kraftur „Við höfum bara þetta líf og nýttu það – við hittum daglega ein-
staklinga sem geta það ekki.“ Soffía Eiríksdóttir, Anna Arnarsdóttir og Bríet
Birgisdóttir fóru til New York til að skemmta sér og í enn æðri tilgangi.
Kokteilar Áður en verslunarferð í Macy’s
hófst sötruðu vinkonurnar kokteila í kjall-
aranum. En babb kom í bátinn …