Morgunblaðið - 10.02.2007, Blaðsíða 17
MORGUNBLAÐIÐ LAUGARDAGUR 10. FEBRÚAR 2007 17
Eftir Rósu Erlingsdóttur
rosa@rosaerlings.com
ÍSLENSKT hagkerfi er lítið og opið
og íslenska krónan því lítill og óstöð-
ugur gjaldmiðill sem mun líklegast
með tímanum hverfa.
Þetta sagði Sigurður Einarsson,
stjórnarformaður Kaupþings, við
danska fjölmiðla í tengslum við mál-
þing í Kaupmannahöfn í gær sem
Dansk Industri og Dansk-íslenska
viðskiptaráðið efndu til um íslensk
fyrirtæki og frumkvöðla. Mælti Sig-
urður með því að Íslendingar tækju
þátt í myntsamstarfi Evrópu og
tækju upp evru sem gjaldmiðil.
Aðrir ræðumenn voru Ólafur
Ragnar Grímsson, forseti Íslands,
Hannes Smárason, forstjóri FL Gro-
up, og Hörður Arnarson, forstjóri
Marel. Þinginu var stýrt af Uffe Ell-
eman-Jensen, fv. utanríkisráðherra
Danmerkur. Uffe Ellemann sagði
við opnun málþingsins að Danir
væru yfirleitt ánægðir ef aðrar þjóð-
ir væru taldir minni en þeir og sú
væri rótgróin ímynd Íslands í hugum
margra Dana. Staðreynd væri hins
vegar að Íslendingar væru flestir í
tveimur störfum, hvergi væru jafn-
margar konur á vinnumarkaði, at-
vinnuleysi vart mælanlegt og vinnu-
dagur væri langur. Væri horft til alls
þessa væru Danir ekki lengur mörg-
um sinnum fleiri en Íslendingar.
Laus við skrifræðisbákn
Forseti Íslands rakti í ræðu sinni
ýmis sérkenni íslensks viðskiptalífs
sem gert hefðu íslenskum athafna-
mönnum kleift að vinna marga sigra
í samkeppni við stærri fyrirtæki á
heimsmarkaði. Þar kæmi einkum til
vinnusemi þjóðarinnar, áhersla á
skjót viðbrögð, stuttar boðleiðir,
trúnaður í samskiptum einstaklinga
og sú staðreynd að þjóðin hefði verið
blessunarlega laus við þau svifaseinu
skrifræðisbákn sem hömluðu fram-
för í öðrum löndum.
Ólafur Ragnar sagði að önnur
smærri ríki Evrópu hefðu náð góð-
um árangri og nefndi þar lönd eins
og Slóveníu, Slóvakíu og Eistland.
Hann fjallaði í ræðu sinni um stjórn-
málatengsl Íslands við fjölmenn ríki
Asíu, Kína og Indland og sagði frá
ferð sinni til Kína með íslenskum at-
hafnamönnum. Þess utan hefði al-
þjóðavæðingin og byltingin í upplýs-
ingatækni gefið athafnamönnum og
frumkvöðlum tækifæri til að ná ár-
angri á heimsmarkaði. Lítill heima-
markaður væri ekki lengur sú hindr-
un sem áður var. Hann sagði að góða
menntun þeirrar kynslóðar sem nú
hefði mest áhrif á Íslandi skipta
miklu. Í raun væri hægt að halda
sambærileg málþing á öllum Norð-
urlöndunum, Þýskalandi, Frakk-
landi og í Bandaríkjunum.
Sterkar tilfinningar
Sigurður Einarsson rakti upp-
byggingu Kaupþings og ytri skilyrði,
sérstöðu íslenska hagkerfisins og
breytingar á íslensku viðskiptalífi
síðastliðin ár sem rekja mætti til að-
ildar Íslands að EES, upptöku
kvótakerfisins í sjávarútvegi, einka-
væðingu ríkisfyrirtækja og erlendra
fjárfestinga í áliðnaði. Íslenska hag-
kerfið hefði ásamt hinu írska á síð-
astliðnum árum þanist meira út en
nokkurt annað í heiminum.
Hannes Smárason sagðist vilja
gera sitt til að bæta ímynd íslenskra
fyrirtækja í Danmörku. Hann hefði
sterkar tilfinningar til Kaupmanna-
hafnar sem hann sagði vera alþjóð-
legustu borg Norður-Evrópu og
þannig hefði hún verið góður út-
gangspunktur fyrir íslensk fyrirtæki
sem vildu fjárfesta erlendis.
Hörður Arnarson fjallaði um
stofnun og vöxt Marels og sérstak-
lega um kaup fyrirtækisins á danska
fyrirtækinu Scanvægt og samein-
ingu rekstursins á síðasta ári.
Hans Skov Christensen, forstjóri
Dansk Industrie, átti lokaorð mál-
þingsins þar sem hann sagði einn
helsta kost íslenska vinnumarkaðar-
ins vera sveigjanleika. Hann tók
dæmi af Þorsteini Pálssyni en hann
kynntist Þorsteini þegar hann var
formaður Vinnuveitendasambands-
ins. Síðan þá hefði Þorsteinn verið
þingmaður, ráðherra, sendiherra og
nú ritstjóri hjá þeim sem standa að
baki útgáfu fríblaða. Slíkur starfs-
ferill væri nærri óhugsandi á dönsk-
um vinnumarkaði.
Krónan of lítil
og mun hverfa
Morgunblaðið/Rósa Erlingsdóttir
Málþing Ólafur Ragnar Grímsson var frummælandi á málþingi Dansk Ind-
ustri og Dansk-íslenska viðskiptaráðsins í Kaupmannahöfn í gærmorgun.
● RÍKISKAUP hafa opnað tilboð í
eldsneyti fyrir flugvélar og skip á veg-
um Landhelgisgæslunnar, Hafrann-
sóknastofnunar og Flugmálastjórnar.
Útboðinu var skipt upp í þrjá vöru-
flokka; skipaolíu, flugvélaeldsneyti
og smurolíur. Samkvæmt útboðinu
er miðað við afhendingu til kaup-
enda á þremur svæðum; höfnum við
Faxaflóa, austurströnd Íslands og
Færeyjar. Alls bárust sjö tilboð til Rík-
iskaupa frá jafnmörgum félögum.
Ákveðið var að taka tilboði Atlants-
olíu í skipaolíu á Faxaflóasvæðinu
en á Austurlandi og í Færeyjum frá Ís-
lenskri olíumiðlun.
Skeljungur átti besta boð í flug-
vélaeldsneytið og Kemi í smurolíur
og smurefni.
Olíuútboð fyrir flug-
vélar og skip ríkisins
AFL OG HAGKVÆMNI
SAMEINAST
TÆKNIUNDRIÐ TDI® DÍSILVÉLIN EYÐIR AÐEINS 4,9 LÍTRUM
SIMPLY CLEVER
GullnaStýrið
Skoda Octavia hefur meðal annars
hlotið Gullna stýrið, einhver
eftirsóttustu bílaverðlaun heims.
SkodaOctavia
Skoda Octavia með 1,9 lítra TDI® dísilvél sannar að afl
og hagkvæmni getur farið saman. Vélin skilar 105
hestöflum en eyðslan er einungis 4,9 lítrar í blönduðum
akstri á hverja 100 km.
Svo er Octavia TDI® einnig fáanleg fjórhjóladrifin og
meira en tilbúin í átök vetrarins. Hvort sem hindrunin er
háir snjóskaflar eða hátt eldsneytisverð þá ertu í
toppmálum á Skoda Octavia TDI®.
Í ágúst 2006 tókst Stefáni Ásgrímssyni, ritstjóra FÍB
blaðsins, að ná eyðslu bílsins í 3,63 lítra þegar hann ók
rúmlega hringveginn, alls 1.515 km, í áheitaakstri HEKLU
fyrir Styrktarfélag krabbameinssjúkra barna.