Morgunblaðið - 10.02.2007, Blaðsíða 29
geta óhræddir sleppt út og leyft
henni að viðra sig og leika sér.
„Svo er mjög gaman að bjóða fólki
til samsætis á veröndina þegar veð-
ur er gott. Okkur skilst líka að þetta
hafi verið mikið partíhús fyrir okkar
tíð. Nánast hver einasta manneskja
sem hingað kemur til okkar getur
rifjað upp fyrri heimsóknir í þetta
hús og þá oftast úr fjörugum partí-
um. Við höfum heyrt ótal sögur af
atburðum í þessu húsi, bæði ástar-
sögur og aðrar sögur. Þess vegna
finnst okkur dálítið skondið að eini
hluturinn sem fylgdi húsinu frá fyrri
eigendum þegar við tókum við því
var allsérstakur kveikjari sem sýnir
fólk í ástarleik, en okkur fannst það
tóna vel við veislusögurnar.“
Enginn draugur en góð sál
Þeir félagar Kristján og Siggi
segjast strax hafa fundið að góður
andi væri í húsinu þegar þeir komu
að skoða það fyrsta sinni. „Það
skiptir okkur öllu máli að húsandinn
sé góður. Hér eru engir draugar en
sál hússins er gömul og góð.“ Þeir
eru greinilega veikir fyrir því sem er
gamalt enda bjuggu þeir áður í
ennþá eldra húsnæði í Grjótaþorp-
inu sem var frá 1885.
Stofuna þeirra prýðir sófasett
sem er frá 1954. „Pabbi og mamma
áttu þetta á undan mér en afi og
amma létu bólstra það upp á nýtt
fyrir þrjátíu árum. Þetta er íslensk
framleiðsla frá Guðmundi blinda í
Trésmiðjunni Víði og útskurðurinn í
viðnum er vandaður. Mér finnst
notalegt að hafa hluti í kringum mig
sem tengjast fjölskyldunni minni og
fortíðinni,“ segir Siggi og sest í fín-
heitin með Úmu sína í fanginu, en
hún ber nafn indverskrar gyðju sem
kennd er við ljósið.
Upprunalegar gólffjalir Eldhúsinnréttingin er sér-
smíðuð og góð lofthæð gefur tilfinningu fyrir rými.
Norskur viður Í forgrunni eru númeraðir trébitar frá
Noregi en panell í stigagangi hefur verið hvíttaður.
khk@mbl.is
MORGUNBLAÐIÐ LAUGARDAGUR 10. FEBRÚAR 2007 29
Síðumúla 3, sími 553 7355
Undirfatnaður - kvenfatnaður
Opið virka daga frá kl. 11-18, laugardaga frá kl. 11-15.
Langur laugardagur opið frá kl. 11-18
Sprengivika 7.-14. febrúar
Útsala
30-60% afsl. af völdum vörum
Einbýlishús
óskast
Óska eftir stóru einbýlishúsi til leigu
á höfuðborgarsvæðinu fyrir fjársterkan aðila.
Upplýsingar í síma 862 0700
eða atli@ijtrading.is
Fáðu fréttirnar
sendar í símann þinn