Morgunblaðið - 10.02.2007, Blaðsíða 32

KJÓLLINN
heldur sínu striki
sem einhver helsta flík-
in í fataskápi kvenna ef
miðað er við nýafstaðna tísku-
viku í New York. Nú gefst tækifæri til
að skyggnast til framtíðar því hönnuðir
sýndu tísku komandi hausts og vetrar,
þegar almennir tískuborgarar hafa
ekki einu sinni ákveðið í hverju þeir
ætla að vera næsta sumar.
Kjóllinn er ekki lengur ætlaður eingöngu til
nota á hátíðisdögum heldur er hann fjöl-
breyttari en svo. Hann gengur auðveldlega í
vinnuna við þykkar sokkabuxur eða leggings,
þá helst svartar en líka má nota málmliti eða
hvítar. Margar útgáfur eru með ermum, bæði
stuttum og síðum.
Þó skorti ekki síðkjólana en þar var hvítur
algengur litur. Í kvöldkjólatískunni verða
einnig gull- og silfurkjólar áberandi næsta
vetur, skemmtileg og upplífgandi tíska.
Dökkir og djúpir litir hafa líka skotið upp
kollinum, til dæmis djúpfjólublár, plómulitur
og dökkblár. Nokkrir hönnuðir hafa líka not-
að skæra liti til að lífga upp á fremur daufa
eða dökka liti.
Erfitt að komast á blað
Tískuvikan í New York er umfangsmikil en
221 hönnuður sýndi sköpunarverk sín í síðast-
liðinni viku. Sýningar standa yfir frá níu á
morgnana til níu á kvöldin og stundum eru
sex sýningar á sama tíma. Því er erfitt að
komast á blað hjá tískuritstjórunum og bar-
áttan um athygli fjölmiðla er mikil. Fyrir ára-
tug voru sýningarnar aðeins 91. Margir ungir
og upprennandi hönnuðir eru á meðal þessara
tvö hundruð og hefur það þótt vera styrkur
New York-tískunnar. Nú er þó svo komið að
fjöldinn er orðinn dragbítur og farinn að vinna
gegn New York sem tískuborg.
Þótt margir hönnuðanna í New York séu
ungir eru það gömlu jaxlarnir sem láta oft
hvað mest til sín taka. Sýning hins þekkta
Oscars de la Renta þótti með eindæmum vel
heppnuð. Oscar virðist vera yngri í anda en
margir kollegar hans þótt hann sé allavega
helmingi eldri en flestir þeirra. Einkennis-
merki hans er sígild tíska fyrir vel stæðar kon-
ur, falleg og klæðileg föt.
Annar sjóaður hönnuður sem herjar á sama
markað er Carolina Herrera. Loðfeldi og loð-
bryddingar var að finna í báðum þessum sýn-
ingum en loðfeldir, bæði gervi og ekta, eru
nauðsynlegir samkvæmt New York-
tískuvikunni.
Þrátt fyrir að New York sé nokkuð sterk
tískuborg er viðurkennt viðhorf að fátt frétt-
næmt gerist fyrr en á tískuvikunum í Evrópu,
sem taka við næstu vikur. Verður spennandi
að sjá hvernig straumarnir vestan megin Atl-
antsála standast samanburðinn við það sem er
í vændum.
ingarun@mbl.is
Max Azria Mjúkar og fínar línur, gylltar
og glansandi í þessum kjól.
Monique Lhuillier Flott á rauða dregilinn.
Thakoon Passlega vítt hálsmál og
fallegar og klæðilegar ermar.
Carolina Herrera Hér eru tvær
tískuflugur slegnar í einu höggi.
Luca Luca Mjög töff en ekki fyrir
alla að vera í þessu.
Matthew Williamson Hettan ljáir
kjólnum afslappaðan blæ.
Behnaz Sarafpour Skyrtan breytir
yfirbragði kjólsins.
Oscar de la Renta Smekklegt, stíl-
hreint og klæðilegt.
Marc Jacobs Þessi djúpi litur fer
fyrirsætunni Shalom Harlow vel.
Doo.Ri Þessi nýliði í tískuheiminum
hefur vakið mikla athygli.
Tracy Reese Einliturinn skapar
langa línu í gegnum líkamann.
Kjólar af öllum stærðum og gerðum voru áberandi
á tískuviku í New York sem var að ljúka. Inga
Rún Sigurðardóttir fann fjársjóð úr gulli og
silfri og nokkur loðin skilaboð úr djúpinu.
Marchesa Merkið
hefur nýlega notið
hylli á rauða
dreglinum.
Skilgetin afkvæmi
stórborgarinnar
APBill Blass Ekki er hægt
að láta þessa dramatík í
hvítu framhjá sér fara.
tíska
32 LAUGARDAGUR 10. FEBRÚAR 2007 MORGUNBLAÐIÐ