Morgunblaðið - 10.02.2007, Blaðsíða 56
|laugardagur|10. 2. 2007| mbl.is
staðurstund
Kristín Gunnlaugsdóttir og Lár-
us Húnfjörð Vilhjálmsson eru
gestir útvarpsþáttarins Orð
skulu standa í dag. » 58
útvarp
Jóhann Bjarni Kolbeinsson
fjallar um leikkonuna og leik-
félagann Önnu Nicole Smith
sem lést í fyrradag. » 57
af listum
Jennifer Lopez kveðst vera
tilbúin til að fjölga mannkyn-
ingu með eiginmanni sínum,
Marc Anthony. » 59
fólk
Bandaríska myndlistarkonan
Pat Steir sýnir stór og persónu-
leg málverk á sýningunni Foss á
Kjarvalsstöðum. » 59
myndlist
Miðasala á Blúshátíð í Reykja-
vík er hafin. Hátíðin er með
glæsilegra móti í ár og ljóst að
blúsáhugamenn kætast. » 57
blús
Eftir Birtu Björnsdóttur
birta@mbl.is
Síðastliðinn mánudag hófSjónvarpið sýningar á sjón-varpsþáttunum PlanetEarth (Jörðin) sem BBC
framleiðir. Óhætt er að fullyrða að
þar eru á ferðinni náttúrulífsþættir
sem eiga sér enga hliðstæðu í sjón-
varpssögunni.
Vinnan við þættina 11 tók fimm ár
en yfirumsjón var í höndum Alistairs
Forthegills. Við gerð þáttanna heim-
sóttu 40 tökumenn 62 lönd og upp-
tökustaðirnir urðu á endanum 204
talsins. Fimm ár virðast kannski
ekki langur tími fyrir jafn umfangs-
mikið verkefni en til að glöggva sig
betur á vinnunni sem að baki er má
til dæmis nefna að kvikmyndatöku-
maðurinn Wade Fairley dvaldi í
heilt ár á suðurskautinu til að fylgj-
ast með keisaramörgæsum, en af-
rakstur ársdvalarinnar mátti sjá í
þættinum sem sýndur var síðastlið-
inn mánudag.
Í næsta þætti má svo sjá ljón veiða
fíl í sameiningu, nokkuð sem aðeins
örfáir jarðarbúar höfðu orðið vitni
að áður. Til að ná myndum af því
þurfti tökuhópurinn að vakta ljónin í
sex vikur í stundum 50° heitu lofts-
laginu í skógum Afríku.
Leitin að Bin Laden
Í Jörðinni er líf kannað frá botni
dýpsta hellis jarðar, í Mexíkó, að
toppi Himalajafjallanna, og allt þar á
milli.
Það sem gerir þættina sérstæða
er að í þeim er að finna upptökur af
stöðum og dýrum sem til þessa hafa
aldrei náðst á filmu áður. Má þar til
dæmis nefna sandref í Tíbet og snjó-
hlébaraða í Himalajafjöllunum auk
nýuppgötvaðrar tegundar hellafisks
í Taílandi. Leitin að Osama bin Lad-
en fléttaðist óvænt inn í tökur þátt-
anna þegar tökulið var beðið að
hverfa af vettvangi þar sem þeir
höfðu beðið vikum saman eftir að ná
myndum af snjóhlébarðanum veiða
fjallageit í hlíðunum milli Afganist-
ans og Pakistans. Líklegt þótti að
Bin Laden ætti felustað í nágrenni
hlébarðans og svæðið því talið
hættulegt.
Einnig náðu tökumenn myndum
af ýmiskonar háttsemi dýra sem
ekki var mönnum kunn áður, eða
hafði ekki áður náðst á filmu. Í ein-
um þáttanna má til að mynda sjá
bleika höfrunga í tilhugalífinu en
þeir gefa tilvonandi maka sínum
steina í gjafir.
Ný upptökutækni
Þessar einstöku myndir má þakka
nýrri tækni við upptökur. Mikið er
tekið úr lofti, og sumt jafnvel utan úr
geimnum í fullkomnum mynd-
gæðum, að því er virðist. Einnig not-
uðust tökumenn við búnað sem gerir
kleift að ná myndum af snöggum at-
burðum eins og hvítahákarli að
hrifsa til sín sel, en sýna þá hægt svo
mannsaugað geti betur greint hvað
þarna fer fram.
Þá notuðust menn við háþróaðar
neðansjávarmyndavélar og urðu
sérhæfðir í að taka upp í myrkri.
Allar miðuðust myndatökurnar
svo við að lífverurnar sem verið var
að mynda yrðu þeirra ekki varar og
héldu áfram sínu daglega amstri.
Þættirnir fjalla um jörðina okkar,
íbúa hennar og náttúru. Þeir eru
ekki lausir við ádeilu. Í sjötta þætt-
inum, sem sýndur var síðastliðinn
mánudag, var til dæmis vakið máls á
hlýnandi loftslagi jarðar og sýnt með
áhrifamiklum hætti hvaða áhrif það
hefur á einhverja þekktustu íbúa
norðurskautsins, ísbirnina.
Um boðskap þáttanna segir fram-
leiðandinn Forthegill: „Eins og segir
í fyrsta þættinum vorum við mann-
fólkið einn milljarður fyrir hundrað
árum. Í dag erum við sex milljarðar
en samt eru enn ótrúlegar víðáttur
jarðar sem enn eru ósnortnar. Þótt
við höfum eyðilagt mikið á jörðinni
er meirihlutinn enn ósnertur og það
gerir hann að spennandi umfjöll-
unarefni.“
Hoppípolla
Þar sem landsmenn gleðjast jafn-
an við tengingar við Ísland er gaman
frá því að segja að lagið sem hljóm-
aði undir kynningarstiklu fyrir þætt-
ina í Bretlandi var „Hoppípolla“ Sig-
ur Rósar af plötu þeirra Takk. Lagið
varð svo vinsælt í kjölfar stiklanna
að það var endurútgefið á smáskífu
þar í landi.
Meirihluti jarðar enn ósnertur
Planet Earth (Jörðin) er sýndur í
Sjónvarpinu á mánudagskvöldum
og endursýndur á sunnudögum.
Jörðin Sjónvarpsþættirnir Planet Earth sýna líf á jörðinni með ótrúlegum myndskeiðum.
Lítill Örsmáir sæhestar koma með-
al annars við sögu í níunda þætti
Furðufugl Ýmsar furðuverur koma
fyrir í þáttunum eins og þessi fugl.
Sjónvarpið sýnir þættina Planet Earth, náttúrulífsþætti sem eiga engan sinn líka
Ókindin Það hefur líklega farið um kvikmyndatökumennina sem tóku
myndir af hvíthákarlinum í návígi. 40 tökumenn koma að þáttunum.