Morgunblaðið - 10.02.2007, Blaðsíða 23
MORGUNBLAÐIÐ LAUGARDAGUR 10. FEBRÚAR 2007 23
MENNING
Húseignir í Flórída
Kynning
á skrifstofu Garðatorgs í Garðabæ,
miðbæ Garðabæjar,
laugardag og sunnudag kl. 13-17.
● Húseignir í Florida eru góður fjárfestingarkostur.
● Mjög auðvelt er að leigja út hús í Flórída.
● Góðir og ódýrir fjármögnunarmöguleikar.
● Óendanlegir afþreyingarmöguleikar.
● Ótrúlegt úrval frábærra golfvalla.
● Hagstætt verðlag.
● Ýmis góð tilboð í gangi - núna.
● Skoðunarferðir í skipulagningu.
Garðatorg eignamiðlun, í samstarfi við Meredith Mahn hjá Domus Pro Realty, kynna
allt það besta sem Flórída hefur uppá að bjóða. Fasteignir í öllum verðflokkum, allt frá
íbúðum til stærstu glæsihúsa. - Á öllum verðbilum - Um er að ræða nýbyggingar frá
nokkrum byggingaraðilum sem og endursölueignir.
Nýtt einbýlishús með öllu í Orlando þarf ekki að kosta meira en sumarhús í Grímsnesi.
Nánari upplýsingar: Þórhallur hjá Garðatorgi í síma 545 0800/896 8232 / thor@gardatorg.is
Meredith Mahn, livinfl@aol.com / www.livinfl.com
Nýttu tækifærið til að hitta fagfólk og fáðu góðar upplýsingar.
NÚ ER RÉTTI TÍMINN
ÞAÐ er hugsanlegt að ný alda
raunsæis í málaralist sé í uppsiglingu
hérlendis, en undanfarin ár hefur
verið mikill uppgangur í málverkinu.
Raunsæi í málverki sem leitast við að
ganga alla leið og birta myndefnið á
sjónrænan máta svo næstum líkist
ljósmynd er frekar sjaldgæft en nú
sýna tveir ungir málarar verk unnin í
að nokkru í slíkum anda í Listasafni
Reykjanesbæjar. Hlaðgerður Íris
Björnsdóttir sýnir hér portrett-
myndir en myndefni hennar er barnið
í íslenskum veruleika. Hún leggur
mikið upp úr smáatriðum við vinnu
sína, pensildrættirnir eru þó ekki það
fíngerðir að myndirnar virðist vera
ljósmyndir eins og stundum getur
verið raunin, pensilskrift er hluti af
myndunum. Myndefnið börn á sér
langa sögu, en fyrr á öldum birtast
börn þó helst sem hluti af fjöl-
skylduportrettum þó konungborin
börn hafi líka verið máluð ein og sér.
Nálgun á borð við þá sem sjá má hjá
Hlaðgerði þar sem barnið er stundum
eitt á myndfletinum og bakgrunnur
óræður eða enginn sést þó varla fyrr
en hjá t.d. Manet þegar hann málar
hinn Flautuleikarann. Áþekka nálgun
má sjá hjá Corot sem einnig málaði
börn ein og sér með óræðan og nokk-
uð flatan bakgrunn, úr tengslum við
umhverfið þannig að fókus mynd-
arinnar er barnið sjálft, svipbrigði
þess og hugarheimur en það er ein-
mitt þetta sem einkennir myndir
Hlaðgerðar. Í samfélaginu í dag eru
börn, umhverfi þeirra og hversdagur
og ef til vill ekki síst dýrmætt sak-
leysi mjög til umræðu og því má segja
að málverkin hafi nokkurn sam-
félagslegan slagkraft. Þegar við bæt-
ist einbeittur svipur barnanna sem
einkennist að mínu mati af nokkurri
þrjósku og sjálfstæði, með áherslu á
eigin hugarheim má segja að Hlað-
gerður nái að skapa áhugaverð
myndverk sem allt í senn eru innlegg
í samfélagsumræðu sem hluti af sí-
gildri listasögu, þó að ekki sé hægt að
segja að málverkin séu sígild, til þess
er tækni listakonunnar enn í of mikilli
þróun. Stundum siglir hún hættulega
leið milli skers og báru kitch-
listarinnar og væmninnar, en þegar
best tekst eru myndirnar nokkuð
áhrifamiklar og fela í sér innri heim.
Við skoðun þeirra komu börnin í sögu
Ian McEwan, Steinsteypugarðurinn
ítrekað upp í huga mér. Þau áttu sér
hræðilegra leyndarmál en börnin
sem hér sjást, en eitthvað við svip
þeirra gefur þó í skyn sakleysi sem er
í þann mund að glatast, eitthvað dul-
ið. Það verður áhugavert að fylgjast
með þróun þessa áhugaverða mynd-
efnis með vaxandi tæknilegri kunn-
áttu listakonunnar. Myndir Aron
Reyrs eru einnig málaðar í raunsæis-
stíl en myndefni hans er arktitektúr í
umhverfi sínu og landslag. Húsa-
myndir hans minna að nokkru á Edw-
ard Hopper hvað myndefni varðar en
líkingin nær tæpast lengra. Aron
málar hugmyndir um einbýlishús og
glefsur úr náttúru, eins og séðar út
um flugvélar-, lestar- eða bílglugga,
einnig út um húsglugga þar sem
gluggatjöld byrgja áhorfandanum að
nokkru leyti sýn. Líkt og segja má
um Hlaðgerði er tæknikunnátta Ar-
ons hvað varðar myndbyggingu og
pensilskrift enn í þróun, þannig eru
sumir hlutar málverkanna full-
líflausir og sérstaklega í stærri
myndunum háir það verkunum nokk-
uð. Í minni myndum skapast meira
sannfærandi mynd sem dregur áhorf-
andann með sér í ferðalag til landa
hugarheima, þar sem náttúra og
tækni mætast í einskismannslandi
þess sem er á ferð milli staða, farinn,
ókominn og ekki hluti af umhverfinu
heldur sér það í gegnum rúðu far-
kostsins. Þetta val á sjónarhorni und-
irstrikar fjarlægð nútímamannsins
frá náttúrunni og staðsetur mynd-
verkin í samtímanum. Myndverk
listamannanna vinna ágætlega saman
og sýningin í heild er bæði aðgengileg
og býður upp á tímabærar hugleið-
ingar.
Leyndardómar og ferðalög
Veruleiki Hlaðgerður Íris Björns-
dóttir sýnir hér portrettmyndir en
myndefni hennar er barnið í ís-
lenskum veruleika.
MYNDLIST
Listasafn Reykjanesbæjar
Til 4. mars. Opið alla daga frá kl. 13–
17.30. Aðgangur ókeypis.
Tvísýna – Hlaðgerður Íris Björnsdóttir, Ar-
on Reyr Sverrisson
Ragna Sigurðardóttir
FÉLAG skólasafnskennara hefur
tilnefnt Brynhildi Þórarinsdóttur
til Norrænu barnabókaverð-
launanna 2007 af Íslands hálfu.
Brynhildur er tilnefnd fyrir bæk-
urnar Njálu, Eglu og Laxdælu.
„Þar endursegir hún þekktar og
vinsælar Íslendingasögur á afar
skemmtilegan og aðgengilegan
hátt fyrir börn og unglinga, og veit-
ir þeim þannig innsýn í heim forn-
sagnanna. Persónur stíga ljóslif-
andi fram og fróðleiksmolar um
sögusvið og sögutíma auka enn á
gildi verkanna. Bækurnar veita
kærkomið tækifæri til að kynna
sagnaarf Íslendinga innan skóla og
utan, og dómnefnd Félags skóla-
safnskennara telur þær afar verð-
ugt framlag til norrænna barna-
bókmennta,“ að því er segir í
tilkynningu.
Edda – útgáfa hf. gefur bæk-
urnar út. Njála er til í enskri þýð-
ingu, norskri og sænskri, en unnið
er að fleiri þýðingum.
Brynhildur Þórarinsdóttir er
fædd 1970. Hún er MA í íslenskum
bókmenntum og lauk kennslurétt-
indanámi árið 2005 við Háskólann á
Akureyri, þar sem hún starfar nú.
Hún hefur skrifað skáldsögur og
smásögur fyrir börn og unglinga og
hlotið viðurkenningar fyrir verk
sín, m.a. Íslensku barnabókaverð-
launin 2004 fyrir Leyndarmál ljóns-
ins, Vorvinda IBBY 2003 fyrir
Njálu og verðlaun fyrir smásögu í
samkeppni Félags móðurmálskenn-
ara. Hún er bæjarlistamaður Ak-
ureyrar júní 2006 – maí 2007.
Af hálfu Dana eru tilnefnd Nils
Hartmann og Dorte Karrebæk fyr-
ir bókina I Guder, Færeyingar til-
nefna Olav og Sonju Schneider með
bókina Heystsuita, Norðmenn til-
nefna Arne Svingen fyrir Svart el-
fenben og Svíar Christinu Herrst-
röm fyrir bókina Tusen gånger
stärkare.
Norrænu barnabókaverðlaunin
eru heiðursverðlaun sem samtök
norrænna skólasafnakennara
standa að. Þau hafa verið veitt um
árabil og þrisvar fallið Íslandi í
skaut; 1992 hlaut Guðrún Helga-
dóttir þau fyrir bókina Undan ill-
gresinu, 2003 komu þau í hlut
Kristínar Steinsdóttur fyrir bókina
Engill í Vesturbænum, og 2005
hlaut Ragnheiður Gestsdóttir þau
fyrir höfundarferil sinn með sér-
stakri áherslu á Sverðberann, að
því er segir í tilkynningu.
Verðlaunin verða afhent í Dan-
mörku í júlí næstkomandi, en dóm-
nefnd fundar í lok mars og fulltrúi
Íslands þar er Þóra Sjöfn Guð-
mundsdóttir, skólasafnskennari í
Langholtsskóla.
Brynhildur Þórarinsdóttir
tilnefnd til Norrænu
barnabókaverðlaunanna
Morgunblaðið/Skapti Hallgrímsson
Rithöfundur Brynhildur Þórarins-
dóttir hefur hlotið ýmisleg verð-
laun fyrir ritstörf sín.
Fréttir
í tölvupósti