Morgunblaðið - 15.04.2007, Síða 22

22 SUNNUDAGUR 15. APRÍL 2007 MORGUNBLAÐIÐ
Þ
rjú ensk knattspyrnu-
félög, Chelsea, Liverpool
og Manchester United,
marseruðu inn í undan-
úrslit Meistaradeildar
Evrópu í vikunni í fyrsta skipti í
fimmtán ára sögu þessa sterkasta
sparkmóts í heimi. Líkurnar á ensk-
um sigri þann 23. maí næstkomandi
eru því verulegar – algjörar myndu
sumir segja því fjórða félagið í und-
anúrslitunum, AC Milan frá Ítalíu,
var stofnað af Englendingnum Alf-
red Edwards á því herrans ári 1899.
Það hefur tvívegis gerst áður að
þrjú félög frá sama landi hafa leikið
til undanúrslita í Meistaradeildinni.
Árið 2000 skiluðu spænsku félögin
Barcelona, Real Madrid og Valencia
sér þangað og þremur árum síðar
voru það ítölsku liðin AC Milan, Ju-
ventus og Internazionale.
Í tvígang hafa félög frá sama landi
leikið til úrslita um Evrópubikarinn,
þessi sömu ár. Árið 2000 lagði Real
Madrid Valencia 3:0 og árið 2003
vann AC Milan Juventus í víta-
spyrnukeppni eftir einn tíðinda-
minnsta kappleik mannkynssögunn-
ar. En það er allt önnur Ella.
Hvert öðru sigurstranglegra
Ensku liðin eru hvert öðru sigur-
stranglegra í vor. Manchester Unit-
ed gekk yfir Rómverja frá Ítalíu í
átta liða úrslitunum eins og fíll yfir
maur og segja sagnfróðir menn að
þeir síðarnefndu hafi ekki séð það
svartara frá því þýskar og spænskar
hersveitir Karls keisara 5. tóku borg
þeirra og rændu árið 1527. Þá eirir
öndvegismaður Rauðu djöflanna,
Portúgalinn Cristiano Ronaldo, engu
í seinni tíð. Er í peléskum ham.
Rauði herinn frá Liverpool vippaði
sér yfir hina hollensku áskorendur
sína, PSV Eindhoven, líkt og Peter
Crouch yfir fábrotna fjallasprænu.
Það var engu nær en að Hollending-
arnir væru ekki á staðnum í fyrri
leiknum í Eindhoven.
Síðari leikurinn þjónaði þeim til-
gangi einum að leyfa téðum Crouch
að teygja úr skönkum sínum.
Eins og allir vita mynda þessi tvö
félög, Liverpool og Manchester
United, innsta kjarna enskrar knatt-
spyrnu, erkifjendur frá upphafi vega
sem fá aldrei nóg af því að lemja hvor
á öðrum. Áhugamenn um eitruð ein-
vígi halda því ekki vatni yfir þeirri
hugmynd að Liverpool og United
glími til úrslita. Það yrði úrslitaleik-
ur aldarinnar enda þótt hún sé ný-
hafin.
Þetta gæti gerst því gömlu fjand-
vinunum er haldið í sundur í næstu
lotu. United býður Mílanó-mönnum
upp í dans meðan Liverpool fær aft-
ur, nýbúið að kljást við nýveldið í
ensku knattspyrnunni, Chelsea. Al-
ræmd er rimma þessara liða á sama
stigi Meistaradeildarinnar fyrir
tveimur árum, þegar Rauði herinn
hafði betur með marki sem aldrei átti
að vera mark. Vart má á milli
Chelsea og Liverpool greina því enda
þótt Rafa Benítez hafi enn ekki fund-
ið leiðina að Englandsbikarnum er
hann útsmognari en andskotinn á
Evrópumótunum. Skemmst er að
minnast sigurs Liverpool í Meistara-
deildinni fyrir tveimur árum þegar
liðið beitti Jekyll og Hyde-bragðinu á
AC Milan. Margir myndu raunar
fagna þeim endurfundum.
José Mourinho, hinn bjargfasti
leiðtogi Chelsea, er vitaskuld ekki í
þeim hópi. Hann ætlar sér sigur og
ekkert annað – eins og á öllum mót-
um sem hann tekur þátt í. Raunar á
Chelsea enn möguleika á fáheyrðri
fernu á yfirstandandi leiktíð. Liðið
hefur þegar landað enska deildabik-
arnum og mætir Blackburn Rovers í
undanúrslitum bikarkeppni enska
knattspyrnusambandsins í dag. Þá
berast Chelsea og Manchester Unit-
ed á banaspjót á toppi úrvalsdeild-
arinnar.
Flestir eru sammála um að
Chelsea hafi ekki leikið jafn vel í vet-
ur og tvö undanfarin ár en reynslan
lekur af leikmönnum liðsins, líkt og
Valencia fékk að kenna á í uppbót-
artíma í vikunni. Þeir bláklæddu gef-
ast aldrei upp. Þá hafa gulldrengirn-
ir Andriy Shevchenko og Michael
Ballack staðið fyrir sínu í Evrópu-
leikjunum enda þótt þeir hafi verið
vofum líkir á heimavígstöðvunum.
Mourinho gerir sér því vonir um
að verða annar knattspyrnustjórinn
til að vinna Meistaradeildina með
tveimur liðum en eins og kunnugt er
leiddi hann Porto til öndvegis 2004.
Ottmar Hitzfeld stýrði Borussia
Dortmund til sigurs 1997 og Bayern
München 2001.
Rauðu djöflarnir eru örugglega
fegnir því að örlög Chelsea eru í
þeirra höndum, a.m.k. á mótunum
heima fyrir (bikarleiknum gegn Wat-
ford var ekki lokið þegar blaðið fór í
prentun), því þeir freista þess nú
sjálfir að endurtaka leikinn frá 1999,
þegar þeir unnu þrennuna frægu,
Meistaradeild, deild og bikar. Héldu
þá helstu hugsuðir á vettvangi fót-
menntar að sá leikur yrði aldrei end-
urtekinn. En menn afskrifa aldrei
Sir Alex Ferguson.
Það er ekkert nýmæli að enskum
liðum vegni vel á Evrópumótum. Á
átta ára tímabili, frá 1977 til 1984,
fóru ensk lið sjö sinnum með sigur af
hólmi í Evrópukeppni meistaraliða,
eins og virðulegasta keppni álfunnar
hét á þeim tíma. Liverpool sigraði
fjórum sinnum (1977, 1978, 1981 og
1984), Aston Villa einu sinni (1982)
og Nottingham Forest tvisvar sinn-
um (1979 og 1980). Það er raunar
merkilegt að Forest hefur oftar orðið
Evrópumeistari en Englandsmeist-
ari, eini sigur félagsins heima fyrir
var 1978. Það segir sitt um yfirburði
Englendinga í Evrópu á þessum
tíma.
Það var þýska félagið Hamburger
Sport-Verein sem laumaði sér inn á
milli árið 1983.
Eftir Heysel-slysið hörmulega
1985, þegar 39 áhorfendur týndu lífi
þegar milliveggur í stúkunni hrundi
fyrir úrslitaleik Liverpool og Juven-
tus um Evrópubikarinn, var enskum
félagsliðum vísað úr keppni á Evr-
ópumótunum. Ensku meisturunum
var ekki hleypt inn á ný fyrr en að
sex árum liðnum. Lengi á eftir áttu
ensku liðin erfitt uppdráttar og það
var ekki fyrr en með sigri Manchest-
er United 1999 að ísinn var loksins
brotinn. Liverpool vann svo, eins og
fyrr var getið, 2005 og í fyrra komst
Arsenal alla leið í úrslitaleikinn, þar
sem það laut í lægra haldi fyrir
Barcelona. Þriðja árið í röð leikur því
a.m.k. eitt enskt lið til úrslita í Meist-
aradeildinni.
Það bendir því allt til þess að ris-
inn sé vaknaður af værum blundi.
Risinn er upprisinn
Þrjú ensk knattspyrnufélög, Chelsea, Liverpool og Manchester United, eru komin í undanúrslit
Meistaradeildar Evrópu og það fjórða, AC Milan frá Ítalíu, var á sínum tíma stofnað af Englendingi
Reuters
Skytturnar þrjár Hver þeirra verður Evrópumeistari þann 23. maí næstkomandi, Cristiano Ronaldo (Manchester
United), Steven Gerrard (Liverpool) eða Frank Lampard (Chelsea) eða missa þeir allir af þeim stóra?
KNATTSPYRNA» Í HNOTSKURN»Liverpool hefur fimm sinn-um orðið Evrópumeistari,
fyrst 1977 og síðast 2005.
»Man. United vann Evrópu-bikarinn 1968, fyrst
enskra liða, og aftur 1999.
»Tvö önnur ensk lið hafalyft Evrópubikarnum,
Aston Villa og Nott’m Forest.
»Chelsea hefur aldrei orðiðEvrópumeistari en tvíveg-
is áður komist í undanúrslit.
»AC Milan er sexfaldurEvrópumeistari.
»Spænsk lið hafa oftast lyftEvrópubikarnum, 11 sinn-
um, ensk lið 10 sinnum og
ítölsk lið 10 sinnum.
Eftir Orra Pál Ormarsson
orri@mbl.is
Eftir Ingu Rún Sigurðardóttur
ingarun@mbl.is
L
EIKFIMISFÖT af nýj-
ustu gerð eða dýrt kort
í líkamsræktarstöð er
ekki nauðsynlegt til að
halda sér í formi sam-
kvæmt nýjustu tísku. Hvorki er það
dansjóga eða heræfingar sem átt er
hér við heldur ganga. Já, daglegar
gönguferðir eru eitthvað það allra
besta sem fólk getur gert fyrir heils-
una. Þetta hljómar kannski of auð-
velt og kostar ekki mikið, skuldbind-
ingu og ákveðni frekar en peninga.
Bandaríska dagblaðið Los Angeles
Times lýsti því yfir í grein fyrr á
árinu að ganga ætti eftir að verða
stærsta heilsutískubylgjan á árinu
og líkir þessu við skokkæðið sem
varð á áttunda áratugnum vestra.
Breska dagblaðð The Guardian
tók í sama streng og skrifaði lærða
grein þar sem góð áhrif daglegrar
göngu eru tíunduð. Rætt er við Lucy
Knight höfund bókarinnar Walking
for Weight Loss, sem leggur áherslu
á að ganga sé frábær líkamsrækt
sem fari betur með líkamann en
hlaup en gegni á sama tíma svipuðu
hlutverki. Bók þessi er til sölu á
Amazon og kemur í ljós þegar titill-
inn er sleginn inn að búið er að gefa
út fjölmargar svipaðar bækur.
Settumst skyndilega niður
James Levine, prófessor hjá Ma-
yo Clinic-læknaháskólanum í Minne-
sota, hefur rannsakað áhrif dag-
legrar göngu á líkamlega líðan. „Við
eyddum sjö milljónum ára af sögu
okkar í að ganga og núna höfum við
skyndilega sest niður. Það hefur
stórvægileg áhrif á heilsu okkar.“
Daglegar gönguferðir minnka
hættu á hjartasjúkdómum, krabba-
meini, beinþynningu og sykursýki.
JoAnn Manson, prófessor í lækn-
isfræði við Harvard, segir að „ef það
væri til pilla sem minnkaði hættuna
á sjúkdómum jafn mikið og ganga,
væri barist hart um hana“. Ganga er
líka talin hafa góð áhrif á andlega
heilsu, hjálpa þeim sem vilja hætta
að reykja, bætir minnið og göngu-
garpar fá síður kvef. Síðast en ekki
síst er gangan hjálpleg í því að halda
aukakílóunum í skefjum.
Ekki er þó alveg sama hvernig
gangan er, réttri tækni verður að
beita. Það dugar ekki að rölta með-
fram búðargluggum heldur er betra
að fá svolítinn kraft í þetta. Mik-
ilvægt er að draga inn naflann, ein-
beita sér að miðjunni, horfa fimm til
sex metra framfyrir sig og hafa axlir
afslappaðar, beygja olnbogana í 90
gráða horn og sveifla höndunum
fram og til baka í göngunni. Þeir
sem komnir eru skrefi lengra geta
tileinkað sér viðbótartækni til að fá
meira út úr gönguferðunum. Hægt
er að stunda bæði kraftgöngu (sjá
nánar á kraftganga.is og grein á
doktor.is) og stafgöngu. Hægt er að
lesa sér til um stafgöngu á olympic-
.is, vef Íþrótta- og Ólympíusam-
bands Íslands, og þar kemur margt
forvitnilegt fram. Brennslan getur
verið 20% meiri en í venjulegri
göngu og stafgangan styrkir líkam-
ann að auki allt að 40% meira en
venjuleg ganga. Í stafgöngu virkjast
vöðvar efri hluta líkamans meira en í
venjulegri göngu og það losnar um
spennu í hálsi og herðum. Passa þarf
að stafirnir séu í réttri hæð.
Með hækkandi sól fjölgar ástæð-
unum til að drífa sig út í gönguferð.
Kraftmikil ganga í Elliðaárdalnum
er endurnærandi og sömuleiðis
skemmtiganga í Heiðmörk. Gott
getur verið að taka þátt í skipulögð-
um göngum til að byrja með eða
jafnvel stofna sinn eigin hóp. Nú er
bara að leggja af stað.
Ganga á dag
kemur öllu í lag
Morgunblaðið/Golli
Krafur Daglegar gönguferðir eru eitthvað það allra besta sem fólk getur
gert fyrir heilsuna. Hér má sjá Láru Ingólfsdóttur í kraftgöngu.
HEILSA»
»Ef það væri til pilla
sem minnkaði hætt-
una á sjúkdómum jafn
mikið og ganga, væri
barist hart um hana.