Morgunblaðið - 15.04.2007, Blaðsíða 24

Morgunblaðið - 15.04.2007, Blaðsíða 24
Eftir Valgerði Þ. Jónsdóttur vjon@mbl.is B jartsýni sögðu margir um þá hugmynd Guðrúnar Gerðar Guðrúnardóttur, eða Gögu Skorrdal eins og hún kallar sig, að opna GA GA, sér- verslun með handprjónaðar húfur, á Laugaveginum. Alveg ga ga, gætu sumir líka hafa hugsað með sér þeg- ar hún hrinti hugmyndinni í fram- kvæmd í júlí í fyrra. Enda virðist í fljótu bragði álíka vonlaust að selja húfur og til að mynda flugelda um hásumar. „Viðtökurnar voru samt ljómandi góðar og kannski merkilegast að heitasti dagur ársins var söluhæsti dagurinn hjá mér,“ segir Gaga, sem í byrjun hafði þó bara lopahúfur á boðstólum. Núna prjónar hún af fingrum fram úr ull, bómull, hör, silki og pólíester, eða blandar öllu saman. Hún veit fátt skemmtilegra og segist nánast vera orðin háð prjónaskapnum og alltaf jafn spennt að vita hvernig útkoman verður. Húfa verður kjóll – og öfugt „Ég bara byrja að prjóna án þess að hafa endilega fastmótaða hugmynd í koll- inum. Stundum tekur upphaflega hug- myndin stakkaskiptum í miðjum klíðum, húfa getur orðið að kjól og öfugt.“ Innblásturinn segir hún koma hvaðan- æva að, aðallega þó úr náttúrunni og landslaginu. Hún ferðast mikið innan- lands, elskar Skorradalinn, hálendið og veiðar. Veiðiferð í fyrrasumar segir hún hafa orðið sér mikil uppspretta hug- mynda. „Ég prjónaði í bílnum á milli áfangastaða og einnig eftir að ég kastaði útí og beið eftir að biti á. Heim sneri ég svo með bæði fiska og húfur í fartesk- inu,“ segir Gaga. Þar sem hún hefur nú hálfpartinn upp- lýst um tilurð seinna listamannsnafns síns er ekki úr vegi að spyrja um það fyrra. „Mig vantaði einfalt nafn á versl- unina og vörumerki. Meiningin var að nota upphafsstafi mína, GGG, en þeir voru þeg- ar til á skrá. Þá setti ég saman upphafs- stafi mína og beggja systra minna, Önnu og Ástu – þótt að vísu vanti kommuna yfir a-ið. Síðan lét ég hanna lógó, sem ég saum- aði á húfurnar, og notaði á nafnspjöld og umbúðir. Umgjörðin skiptir miklu máli, ekki síður en varan sjálf.“ Hendur, heili og húmor Gaga segist oft vera spurð hversu marga hún hafi í vinnu. Slíku sé þó ekki til að dreifa því hún handprjóni hverja ein- ustu húfu sjálf. „Ég hef tvær hendur, einn heila, margar hugmyndir og mikinn húm- or,“ segir hún. „Og svo hlæ ég þessi ósköp, því mér finnst húfurnar mínar alveg bráð- fyndnar,“ bætir hún við. Sem vissulega er orð sem lýsir GA GA-húfunum prýðilega. Furðulegar kannski líka, jafnvel stórund- arlegar með öllum sínum öngum, kögri, púffi, dúllum og dúskum hér og hvar. Þegar minnst er á að lögunin sé oft svo nýstárleg að ómögulegt sé að átta sig á hvernig húfurnar eigi að snúa, er Gaga fljót að leiðrétta misskilninginn. Hún seg- ir húfurnar ekki eiga að snúa eitt né neitt, heldur réttara sagt í allar áttir og eins og fólk kýs hverju sinni. Varla þarf að taka fram að engar tvær húfur eru eins. En eins og þær, kjólar og aðrar flíkur, sem hún er farin að prjóna í æ ríkari mæli samhliða húfunum, er vinnutími Gögu óhefðbundinn. „Ég fæ flestar hugmyndirnar rétt áður en ég sofna um níuleytið á kvöldin. Svo er ég vöknuð um þrjú eða fjögur og hefst þá handa við að útfæra þær,“ útskýrir hún. Afköstin eru misjöfn, en mest kveðst hún hafa prjónað þrettán húfur á dag. „En það var býsna langur vinnudagur,“ tekur hún fram. Startart Þegar Gaga hafði starfrækt sam- nefnda verslun í tæpt ár á aðeins 27 fermetrum var rekstri búðarinnar við hliðina hætt og henni boðið að leigja plássið auk efri hæðarinnar á Laugavegi 12b. „Ég hringdi í Önnu systur [Eyjólfsdóttur, myndhöggv- ara] og spurði hvort við ættum ekki að smella okkur á þetta. Hún var strax til í það og á endanum vorum við orðnar sjö, listakonurnar, sem ákváðum að stofna hér galleríð Startart.“ Þær stöllur opnuðu með pompi og prakt í mars og varð GA GA um leið part- ur af galleríinu, með vinnustofu á efri hæðinni. Þar eru húfurnar í tugavís, lit- glaðar og að því er virðist spriklandi af fjöri. Gaga er ekki frá því að þakka megi túristum að nokkru leyti fyrir að húfusala um hásumar gekk eftir, en þeir hafi frá fyrstu tíð verið stór hluti kúnnahópsins. „Ég hef fengið margar pantanir að utan og sent bæði húfur og kjóla eftir máli,“ segir hún. Og spurð svarar hún að við- skiptavinir sínir séu á öllum aldri, yfirleitt fólk sem sé orðið leitt á einhæfri fjölda- framleiðslu og vilji skera sig svolítið úr – líka á sumrin. Furðuverk af fingrum fram Morgunblaðið/Brynjar Gauti Engar tvær húfur eru eins, þær eiga ekki að snúa eitt né neitt, heldur í allar áttir eða eins og fólk kýs hverju sinni. Bráðfyndnar húfur Gaga Skorrdal er alltaf jafn spennt fyrir prjónaskapnum og útkomunni, sem henni finnst oft bráðfyndin. Morgunblaðið/Ásdís daglegtlíf Eliza Reid fór um Vestur- Afríku. Í síðasta hluta ferða- sögu hennar liggur leiðin til Tógó og Ghana. »40 ferðalög Samgöngur eru efst í forgangs- röð kjósenda. Hverjar eru áherslur flokkanna í samgöngu- málum? »34 samgöngur
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.