Morgunblaðið - 29.04.2007, Blaðsíða 26
|sunnudagur|29. 4. 2007| mbl.is
daglegtlíf
Eitt áhrifamesta mannvirki í
Berlín er minnisvarði um helför
gyðinga og er það eins og tveir
fótboltavellir að stærð. » 32
minnisvarði
Sumarið er komið og þá er ekki
langt í fyrstu löggiltu sum-
armyndina af nokkrum tugum,
aðallega framhaldsmynda. » 36
kvikmyndir
Allt frá stofnun íslenska lýð-
veldisins árið 1944 hafa utan-
ríkismál valdið deilum í íslensku
samfélagi. » 38
utanríkismál
Skautaþjálfararnir Jennifer
Molin og Guillaume Kermen
þjálfa hjá listhlaupsdeild
Skautafélags Reykjavíkur. » 46
skautar
Erlendína Kristjánsson aðjúnkt
í Háskólanum í Reykjavík ólst
upp sem hluti af hvíta minni-
hlutanum í Suður-Afríku. » 28
lífshlaup
Curves, líkamsræktar-stöðvar fyrir konur, eruorðnar tíu þúsund í umfimmtíu löndum, þar á
meðal eru þrjár á Íslandi; í Kópa-
vogi, Keflavík og á Akranesi. Stofn-
andi stöðvanna og forstjóri, Gary
Heavin, kveðst ungur hafa sett sér
það markmið að gegna jafn miklu
hlutverki í viðskiptalífi Bandaríkj-
anna og McDonald’s geri, og nú
segist hann hafa náð því takmarki.
Til marks um velgengnina má geta
þess að ráðgjafarfyrirtækið Ernst
og Young valdi hann frumkvöðul
ársins 2004.
Sár reynsla Heavins í æsku
kveikti áhuga hans að hjálpa kon-
um, sem svipað var ástatt fyrir og
móður hans, og biðu ef til vill sömu
örlög. Heavin var aðeins þrettán
ára þegar hún lést í svefni af völd-
um of hás blóðþrýstings og offitu.
„Ég stofnaði Curves fyrir konur
til að fyrirbyggja að börn upplifðu
sömu sorgina og ég gerði. Ég vil fá
systur okkar, mæður og ömmur í
ræktina, þeim til heilsubótar,“ segir
Heavin og upplýsir að fjórar millj-
ónir kvenna æfi nú hjá Curves og
margar þeirra hafi aldrei áður stig-
ið inn í leikfimisal.
Æfingakerfi fyrir konur
Eftir að hafa starfað sem þjónn
og stundað undirbúningsnám í
læknisfræði lagði hann grunninn að
Curves-viðskiptaveldinu. „Ég og
eiginkona mín, Diane, byrjuðum á
þessari starfsemi fyrir fimmtán ár-
um. Áður hafði ég opnað eigin stöð
þegar ég var tvítugur, en hún varð
gjaldþrota, enda hefðbundin og
ekkert óvenjuleg að nokkru leyti.
Eigi að síður fékk ég mikla reynslu
af þessu tiltæki og smátt og smátt
þróaði ég mjög gott æfingakerfi
fyrir konur, sem er Curves-kerfið.
Við komumst að þeirri niðurstöðu
að konur þurfa að stunda líkams-
rækt á stað þar sem þeim líður vel,
þar sem ekki eru karlmenn og eng-
ir speglar þannig að þær hefðu ekki
áhyggjur af hversu vel þær væru
farðaðar eða greiddar.“
Þau hjónin opnuðu fyrstu einka-
stöðina í Texas og síðan fleiri í
mörgum litlum borgum og bæjum í
námunda við stórborgir. „Í byrjun
fórum við þangað, sem enginn vildi
fara, og sóttum síðan inní stórborg-
irnar þegar við höfðum efni á að
auglýsa,“ segir Heavin.
Níunda stærsta
leikfimikeðja heims
Curves er nú níunda stærsta
leikfimikeðjan í heiminum. Heavin
segir næsta takmark sitt, eftir að
leikfimikeðjan varð jafn mikið við-
skiptaveldi og McDonald’s er í
Bandaríkjunum, vera að standa
skyndibitakeðjunni einnig á sporði
að því leytinu í öllum heiminum, en
augljóslega á allt öðru sviði, þ.e.
heilsueflingar.
Umskiptin í lífi Heavin minna á
að ameríski draumurinn getur orðið
að veruleika. Viðskiptajöfurinn,
sem er af fátæku fólki kominn, er
nú næsti nágranni Georges Bush í
Waco í Texas. Þar búa þau hjónin
ásamt fjórum börnum sínum, það
yngsta er þrettán ára og elst er
þrjátíu og eins árs dóttir, sem vinn-
ur með foreldrum sínum við Cur-
ves-veldið.
Ég spyr hvort Laura Bush æfi
hjá Curves, en hann svarar því að
forsetafrúin geti ekki farið þannig
út á meðal fólksins. „Konur af öll-
um stærðum, gerðum og litum
sækja Curves-stöðvarnar. Kon-
urnar grennast mjög mikið, ef þær
stunda þessa leikfimi og fylgja mat-
seðlinum sem við ráðleggjum.
Hvort tveggja er lykillinn að mátu-
legri líkamsþyngd og vellíðan,“ seg-
ir Heavin.
Grenning og heilsubót
Sú barátta gengur ekki þrauta-
laust fyrir sig eins og margar kon-
ur þekkja. Heavin er engu að síður
sannfærður um ágæti fyrirkomu-
lagsins að hætti Curvers. Honum
finnst líka athyglisvert að banda-
rískar konur sækja stöðvarnar að-
allega til að grennast, en í öðrum
löndum æfa konur oft bara af
heilsufarsástæðum.
„Í Bandaríkjunum eru konur oft
sýndar í afar óraunhæfu ljósi í
tímaritum og sjónvarpi,“ segir Hea-
vin, sem frá upphafi kappkostaði að
Curves höfðaði til kvenna á öllum
aldri og í mismunandi líkamlegu
ástandi. Hann segist hafa fengið
„alvöru“ konur til að leika í auglýs-
ingum fyrirtækisins og telur það
hafa skilað 34% meiri veltu.
Ekki minnkaði aðsóknin að
stöðvunum eftir að Heavin hóf að
skrifa bækur um leiðir til hollustu
og heilsu fyrir konur og ein þeirra,
Curves, var lengi á metsölulista
The New York Times. Nýlega hóf
svo Diana útgáfu sérstaks Curves-
tímarits, sem heitir í höfuðið á
henni og fæst eingöngu á sam-
nefndum líkamsræktarstöðvum. Og
síðla árs 2005 kynnti hún nýja Cur-
ves tískulínu, Curvaceous, The Cur-
ves Collection.
Á Íslandi stunda yfir eitt þúsund
konur æfingar hjá Curves og segir
Heavin að þeim fjölgi jafnt og þétt.
Leikfimi fyrir alvörukonur
Morgunblaðið/Ásdís
Sérhönnuð Líkamsræktartækin sem notuð eru í Curves-stöðvunum eru sérstaklega hönnuð fyrir konur.
Velgengni Gary Heavin og Diane kona hans opnuðu fyrstu Curves-stöðina
árið 1992 í Texas og síðan koll af kolli um öll Bandaríkin.
Alþingiskosningar 12. maí 2007
Kjörskrá í Reykjavíkurkjördæmum
norður og suður
Kjörskrá í Reykjavíkurkjördæmum norður og suður vegna
alþingiskosninga 12. maí nk. liggur frammi almenningi til
sýnis í Ráðhúsi Reykjavíkur frá 2. maí nk. fram á kjördag.
Vakin er athygli á að kjörskrána verður einnig að finna á
heimasíðu Reykjavíkurborgar, www.reykjavik.is.
Kjósendur eru hvattir til þess að kynna sér hvort nöfn þeirra
séu á kjörskrá. Athugasemdum vegna kjörskrár í
Reykjavíkurkjördæmum skal beint til skrifstofu
borgarstjórnar, Ráðhúsi Reykjavíkur, sími 411 4708,
netfang kosningar@reykjavik.is. Þar eru jafnframt veittar
nánari upplýsingar. Borgarráð úrskurðar um athugasemdir
vegna skráningar í kjörskrá.
Borgarstjórinn í Reykjavík
Stofnandi Curves-stöðv-
anna og forstjóri þeirra,
Gary Heavin, flaug
einkaþotu sinni hingað til
lands í vikunni og gerði
stuttan stans. Guðrún
Guðlaugsdóttir spurði
hann út í tilurð líkams-
ræktarveldis, sem nær til
50 landa og einkum er
ætlað fyrir konur.
Umskiptin í lífi Gary Hea-
vins minna á að ameríski
draumurinn getur orðið að
veruleika. Viðskiptajöf-
urinn, sem er af fátæku
fólki kominn, er nú næsti
nágranni Georges Bush í
Waco í Texas og lætur sig
ekki muna um að fljúga
sjálfur einkaþotu sinni
heimsálfanna á milli.
gudrung@mbl.is