Morgunblaðið - 29.04.2007, Blaðsíða 90
Eftir Helga Snæ Sigurðsson
helgisnaer@mbl.is
NÝ HÚSGÖGN sem hönnuð voru
fyrir Alþingishúsið voru kynnt á
föstudag af fráfarandi forseta Al-
þingis, Sólveigu Pétursdóttur.
Hönnuður húsgagnanna er Leó Jó-
hannsson, húsgagnahönnuður og
lektor við Háskólann í Linköping.
Undirritaður brá sér á þessa kynn-
ingu og mátaði stóla og sófa, en allt
er þetta haganleg smíð og útlits-
fögur hönnun sem tónar vel við liti
veggja, teppa og gólfa í Alþingishús-
inu.
Sólveig sagði í ávarpi að hús-
gögnin sem voru í Alþingishúsinu
hefðu verið orðin „ærið ósamstæð“
og samtíningur frá ýmsum tímum
þar sem öllu ægði saman. Ég gat
ekki varist þeirri tilhugsun að það
endurspeglaði kannski þingið, þar
sætu menn frá ýmsum tímum og oft
ærið ósamstæðir. En hvað um það.
Öll húsgögnin eru úr eik og stól-
arnir leðurklæddir með fögrum
saumi. Leðurilminn lagði yfir sali og
herbergi Alþingis og greinilegt að
þar var ekkert leðurlíki á ferð. Leó
hannaði stóla og borð fyrir 1. og 2.
hæð Alþingishússins, að þingsalnum
undanskildum.
Goðar á glerplötum
Þá eru stór og smá borð með gler-
plötum og nöfn goða sem sátu í Lög-
réttu grafin í hana í hring, með vísan
í hvernig Lögrétta, æðsta stofnun
Alþingis á þjóðveldisöld, leit út. Eng-
in tvö glerborð eru eins og mismun-
andi ártöl grafin í. Glerborðin eru
ellefu. Eitt borðið er ferhyrnt og án
ártals og sýnir heiti allra goðorð-
anna. Tólfta glerplatan er svo á skáp
inni á skrifstofu forseta Alþingis, en
á henni er kort af Þingvöllum eins og
þeir líta út í dag og eins og þeir eru
taldir hafa litið út á tímum Lögréttu.
Fundarborð er hægt að stækka eða
minnka eftir þörfum.
Fyrst prófaði ég stól með háum en
grunnum örmum og er því ekki
hugsaður sem hægindastóll. Í baki
stólsins er stykki, eins konar brekka.
Ég er ekki húsgagnahönnuður og
kalla því hlutina sjálfsagt ekki sínum
réttu nöfnum. Rassinn kemst ekki
alveg upp að baki stólsins út af
brekkunni. Ég fékk þær upplýsingar
frá arkitekt á staðnum að þetta væri
til þess að réttur stuðningur fengist
við mjóbakið. Þó fannst mér eins og
ég rynni dálítið fram, en sjálfsagt
var það mínu vaxtarlagi að kenna
eða afkáralegri setstellingu, hver
veit. En setan var mjúk og þægileg.
Þó ekki of mjúk.
Jóhanna sátt í sínum stól
Í fundarsal forsætisnefndar hitti
ég fyrir Jóhönnu Sigurðardóttur,
þingmann. Við settumst þar í hæg-
indastóla sem bera nafnið Reykjavík
og bárum saman bækur okkar.
Hægindastólarnir eru óneitanlega
þægilegri en þeir fyrrnefndu, enda
til hæginda. Jóhönnu fannst stól-
arnir fínir, betri en þeir gömlu sem
voru áður, en þeir voru á hjólum. Við
ræddum brekkuna en hún truflaði
Jóhönnu lítið.
Sólveig Pétursdóttir var á sama
máli þegar við mátuðum Reykjavík-
ur-stólana í kringlunni. Stólarnir
væru þægilegir og fallegir. Aðspurð
sagði hún þingmenn ekkert hafa
kvartað yfir gömlu húsgögnunum.
„Menn tóku hins vegar alveg eftir
því að sum húsgögnin voru svolítið
úr takti við húsið og svolítið lúin,“
sagði Sólveig.
„2006“-stíllinn
Eftir spjall okkar Sólveigar hitti
ég hönnuðinn, Leó, og kom upp um
fáfræði mína þegar ég spurði hvort
húsgögnin væru ekki dálítið í stíl
hönnunar 7. áratugarins. Leó hló að
þessu og sagði hönnunina bara sí-
gilda og „2006“. Hægindastóllinn
væri til dæmis sígildur „klúbb-
hægindastóll“.
„Skeifan er dálítið eins og skjöld-
ur, þú situr dálítið innan í og um leið
er stóllinn miklu opnari en venjulega
því oftast eru svona stólar þrengri.
Hann er öðruvísi en aðrir „klúbb-
stólar“. Það eru miklar pælingar í
þessum stól, hvernig þú lítur út þeg-
ar þú situr í honum, að þú upplifir ör-
yggi, getir orðið fyrir árásum og
haldið þér í eitthvað,“ sagði Leó. Nú
er bara að vona að þingmenn verði
ekki fyrir árásum öðrum en munn-
legum í ræðustóli.
Sjón sögu ríkari
Húsgögnin eru hönnuð til að lyfta
upp því fólki sem starfar á Alþingi,
að sögn Leós. Fundarstóllinn heitir
til að mynda Valdi, því hlutverk hans
er að minna þann sem situr í honum
á þá ábyrgð sem á honum hvílir.
Leó sagði borðin afar flókna smíð
og á fárra færi. „Ég hef dálitlar
áhyggjur af því að fólk átti sig ekki á
því hvað þetta er flott,“ sagði Leó, og
benti í því sambandi á fyrrnefndan
skáp með myndum af Þingvöllum á
glerplötu á skrifstofu forseta Alþing-
is. Vonandi áttar fólk sig á því eftir
þessa umfjöllun hversu mikið hefur
verið lagt í verkið, en sjón er þó sögu
ríkari.
Ekki eru þó bara stólar til að sitja
í heldur einnig tveggja sæta sófar.
Ég mátaði einn slíkan, fagurlega
flöskugrænan í stíl við hliðarsal Al-
þingis. Hann er þægilegur setu en þó
enginn sjónvarpssófi, of stuttur til að
hægt sé að liggja í honum endilangur
eftir erfiðar eldhúsdagsumræður.
Menn geta þó setið þétt saman og
rætt nýjustu lagafrumvörpin og
þingsályktunartillögurnar, enda til
þess gerður. Til hamingju, Alþingi.
Hægindastóllinn Reykja-
vík og fundarstóllinn Valdi
Hönnuður nýrra húsgagna Alþingishússins vonast
til þess að fólk átti sig á því hvað þau eru flott
Himinlifandi Sólveig Pétursdóttir
er hæstánægð með húsgögnin.
Smíði þeirra kostaði 45 milljónir
króna, samkvæmt upplýsingum frá
skrifstofustjóra Alþingis.
Morgunblaðið/G.Rúnar
Hægindi Jóhanna var sammála því að hægindastólarnir stæðu undir nafni.
Brekkan „Rassinn kemst ekki al-
veg upp að baki stólsins út af
brekkunni.“
90 SUNNUDAGUR 29. APRÍL 2007 MORGUNBLAÐIÐ
Hve langt myndir þú ganga?
Sími - 564 0000Sími - 462 3500
Stranglega bönnuð innan 18 ára!
eee
EMIPIRE
Þeir heppnu
deyja hratt
Next kl. 6, 8 og 10 B.i. 14 ára
Shooter kl. 8 og 10:15 B.i. 16 ára
Perfect Stranger kl. 6 B.i. 16 ára
Úti er Ævintýri m/ísl. tali kl. 4 - 450 kr.
TMNT m/ísl. tali kl. 4 - 450 kr.
Next kl. 3.30, 5.45, 8, og 10.15 B.i. 14 ára
Next LÚXUS kl. 3.30, 5.45, 8, og 10.15
Pathfinder kl. 3.30, 5.45, 8, og 10.15 B.i. 16 ára
The Hills Have Eyes 2 kl. 8, og 10.10 B.i. 18 ára
Perfect Stranger kl. 8, og 10.30 B.i. 16 ára
Úti er Ævintýri m/ísl. tali kl. 2 og 4
Sunshine kl. 5.50 B.i. 16 ára
TMNT kl. 2, 4 og 6 B.i. 7 ára
Miðasala í Smárabíó og Regnbogann
Prentaðu sjálf(ur) út bíómiðann - Engar biðraðir
- Kauptu bíómiðann á netinu
HEIMSFRUMSÝNING
NICOLAS CAGE - JULIANNE MOORE - JESSICA BIEL
SÁ SEM SÉR FRAMTÍÐINA GETUR BJARGAÐ HENNI
EFTIR HÖFUND MINORITY REPORT OG BLADE RUNNER
GOÐSÖGNIN UM ÍSLENSKU VÍKINGANA LIFIR GÓÐU
LÍFI Í ÞESSARI KYNGIMÖGNUÐU HASARMYND!
Í KJÖLFAR 300 KEMUR PATHFINDER
TVEIR HEIMAR
LOKAORUSTAN
EITT STRÍÐ
ER HAFIN!