Morgunblaðið - 04.05.2007, Page 33

MORGUNBLAÐIÐ FÖSTUDAGUR 4. MAÍ 2007 33
Eftir Andra Karl
andri@mbl.is
GESTUR Jónsson, verjandi Jóns
Ásgeirs Jóhannessonar, segir mikil
vonbrigði fyrir mann sem telur sig
vera saklausan, að fá sakfellingu –
þó það sé aðeins í einum lið. Tekin
hafi verið ákvörðun um það að
reyna á hvort sakfellingin standist
fyrir Hæstarétti.
Jón Ásgeir var ákærður fyrir
meiriháttar bókhaldsbrot með því
að hafa látið rangfæra bókhald
Baugs, átt þátt í að búinn væri til
tilhæfulaus kreditreikningur og
hagað bókhaldi Baugs þannig að
það gæfi ranga mynd af viðskiptum
og notkun fjármuna. Dómurinn
komst að þeirri niðurstöðu að Jóni
Ásgeiri hafi verið kunnugt um að
reikningurinn hafi verið rangur og
tilhæfulaus og þar af leiðandi hafi
tilkynning félagsins til Verðbréfa-
þings Íslands verið röng.
„Það liggur fyrir að Jón Ásgeir
segist hafa gert samning við Jón
Gerald um það sem kreditreikning-
urinn vísar til. Dómurinn leggur
hins vegar trúnað á ásakanir Jóns
Geralds sem eru studdar af fram-
burði samstarfskonu hans og taldar
styðjast við gögn sem fundust á
starfsstöð Jóns í Bandaríkjunum.
Þetta er talið nægja til að sakfella
Jón Ásgeir og hann er ósáttur við
það og stendur fullkomlega við það
að ekkert refsivert hafi átt sér stað.
Af því leiðir að hann mun láta á það
reyna fyrir Hæstarétti hvort sak-
felling stenst varðandi þennan lið.“
Átti sér engan
réttargrundvöll
Spurður um hvort ekki megi
nefna það einskonar sigur að Jón
Ásgeir sé sýknaður af sjö ákærulið-
um og hljóti aðeins þriggja mánaða
skilorðsbundinn dóm ítrekar Gest-
ur að fyrir mann sem telur sig sak-
lausan, sé sakfelling vonbrigði. „En
ef menn eru að tala um það sem
hefur verið kallað stærsta efna-
hagsbrotamál Íslandssögunnar þá
blasir það við að eftirtekjan hjá
ákæruvaldinu er mjög rýr. Að und-
anskilinni þessari leiðu undantekn-
ingu staðfestir héraðsdómur það
sem ég hef haldið fram allan tím-
ann; að þetta mál á sér í raun engan
réttargrundvöll,“ segir Gestur og
áréttar að Jón Ásgeir hafi fengið á
sig ákæru í alls 58 liðum og þetta sé
í eina skiptið sem talinn hafi verið
grundvöllur fyrir sakfellingu.
Gestur bendir jafnframt á að tí-
undi hluti af málskostnaði varnar-
megin sé lagður á Jón Ásgeir og því
90% á ríkissjóð. „Og mér sýnist
sem enn stærri hluti sakarkostn-
aðar sé lagður á ríkissjóð þannig að
það fer ekkert á milli mála að dóm-
endur telja, að að yfirgnæfandi
hluta sé þetta mál höfðað án til-
efnis.“
„Eftirtekjan hjá ákæru-
valdinu er mjög rýr“
Verjandi Jóns Ásgeirs segir ekki fara á milli mála að dóm-
endur telji málið að yfirgnæfandi hluta höfðað án tilefnis
„ÞETTA er bara sú niðurstaða
sem ég bjóst við, rökstuddi það
meðal annars í málflutningi að
vísa ætti ákæruliðnum frá og það
varð raunin,“ segir Brynjar
Níelsson, lögmaður Jóns Geralds
Sullenbergers. „Þetta kom svo
sem ekki á óvart, og engin önnur
niðurstaða átti að koma til
greina.“
Jón Gerald segist sjálfur vera
afar ánægður með að ákærunni
skuli hafa verið vísað frá. „Það er
mjög alvarlegt að vera ákærður
en það segir sig sjálft að það er
ekki hægt að yfirheyra mann sem
vitni og síðan ákæra sama mann
fyrir það sem hann sagði. Það er
brot á mannréttindum,“ segir Jón
sem er jafnframt harðorður hvað
varðar dóm Baugsmanna sem
honum þykir mjög vægur. „Ég er
til að mynda mjög ósáttur við að
átjánda ákærulið skuli vera vísað
frá,“ segir hann og vísar þar í
ákæru vegna skemmtibátsins
Thee Viking.
Boðnar tvær milljónir fyrir
að hætta með málið
Jón Gerald vakti einnig athygli
á því að í upphafi Baugsmálsins,
þ.e. haustið 2002, hefðu honum
verið boðnar tvær milljónir doll-
ara af þáverandi forstjóra Kaup-
þings ef hann hætti við mála-
rekstur og segði málið vera
misskilning. Jón segist hafa verið
á leið úr landi þegar Sigurður
Einarsson hringdi og gerði hon-
um tilboð. Spurður út í hvort það
hafi hvarflað að honum að þiggja
tilboðið segir Jón: „Ég sagði við
hann að þó það væru tíu milljónir
dollara þá myndi ég ekki taka þá.
Þetta snerist ekki lengur um aur-
ana. Ég var kominn með alveg
upp í kok af Jóni Ásgeiri og Co,
þeirra vinnubrögðum og fram-
komu gagnvart mér og minni fjöl-
skyldu.“
Í viðtali við Kastljós Sjónvarps-
ins í gær nefndi Jón Gerald einn-
ig nafn Þorsteins Jónssonar, nýr-
áðins stjórnarformanns Glitnis,
sem hann sagði einnig hafa gert
sér sams konar tilboð.
Engin önnur niðurstaða
átti að koma til greina
Jón Gerald Sullenberger segist hafa fengið tilboð upp
á tvær milljónir dollara fyrir að hætta við Baugsmálið
skoðað, sérstaklega í þeim ákæruliðum þar sem hann er
sýknaður en Tryggvi sakfelldur. Það verður skoðað hvað
greinir þá svona á milli að mati dómsins,“ segir Sigurður
Tómas.
Tíu ákæruliðum var vísað frá dómi og þar af voru tveir
vegna galla í ákæru, þ.e. ákærulið tíu og nítján. „Þetta var
nýtt efni í nítjánda ákærulið og eitthvað sem ég hafði ekki
hugmyndaflug að láta mér detta í hag að dómurinn myndi
fetta fingur út í.“
sólarhringar hvað
ur sem þykir annars
a á endurskoðun
spurningar í þessu
n þessa.“
Ásgeir Jóhannesson
ákærulið segir Sig-
ann var jú ákærður í
thvað sem verður
mjög alvarlegt brot úr upphaflegri kæru
ar í forsendum
Morgunblaðið/RAX
on, sérlegir aðstoðarmenn setts saksóknara og saksóknarinn Sigurður Tómas.
TRYGGVI Jónsson, fyrrverandi
aðstoðarforstjóri Baugs, var sak-
felldur í fjórum ákæruliðum og þar
af einn í þremur þar sem bæði
hann og Jón Ásgeir Jóhannesson,
forstjóri Baugs, voru ákærðir.
Tryggvi var dæmdur til níu mán-
aða fangelsisvistar, en refsingunni
frestað. Jakob R. Möller, verjandi
Tryggva, segir sakfellinguna mikið
áfall.
„Það er auðvitað mikið áfall að
vera sakfelldur en miðað við það
sem upp var lagt, þá er þetta ekki
mikið. Það verður að hafa í huga að
refsingin er skilorðsbundin og
einnig er hægt að líta á að héraðs-
dómur leggur, í tilviki Tryggva,
80% af sakarkostnaði á ríkissjóð.
Það þýðir, að að langmestu leyti
telur héraðsdómur að ákæran hafi
ekki verið réttmæt,“ segir Jakob
sem kveðst bjartsýnn fyrir hönd
skjólstæðings síns með að réttlætið
nái fram að ganga fyrir Hæstarétti.
Spurður út í þá ákæruliði sem
Tryggvi var sakfelldur fyrir segir
Jakob að í ákæruliðum fjórtán og
sautján hafi verið um að ræða
tæknileg bókhaldsbrot. „Þau leiða
ekki til þess að niðurstöður bók-
halds, eða ársreikninga félagsins
hafi verið rangar. […] Það verður
að hafa það í huga að þetta gerist
fyrir sjö til átta árum og á þessum
tíma voru vörslureikningar nýtt
fyrirbrigði, að minnsta kosti í ís-
lensku viðskiptalífi.“
Kredityfirlýsing byggð
á misskilningi
Í ákæruliðum fjórtán og sautján
er um að ræða færslur á vörslu-
reikningi Baugs hjá Kaupþingi í
Lúxemborg og segir Jakob túlkun
dómsins hafi verið á þá leið að
færslurnar hafi ekki verið sala til
Kaupþings heldur hafi féð verið
fært inn á vörslureikning sem
Baugur átti. „Óháð því hvort að
þetta sé rétt eða rangt hjá dómnum
þá var uppi óvissa á þessum tíma
um hvernig ætti að fara með þetta.
Niðurstaða dómsins er að þetta
hafi verið rangt, og því hafi verið
um brot á bókhaldslögum að ræða.
Þetta er klárlega tæknilegt brot,
þetta leiðir ekki til rangrar niður-
stöðu og dómurinn segir sjálfur – í
fjórtánda ákærulið – að ekki sé
óeðlilegt að miða við að um skamm-
tímafjárfestingu hafi verið að ræða,
og að fenginni þeirri niðurstöðu, að
það hafi verið heimilt að færa geng-
ishækkun vegna Arcadia-bréfanna
til tekna hjá félaginu í árslok 2000.
Sambærileg niðurstaða er í ákæru-
lið sautján.“
Þá segir Jakob að Tryggvi sé
ekki sammála dómnum um að ekki
hafi verið viðskipti á bakvið kred-
itreikninginn frá Nordica en kred-
ityfirlýsingin frá Færeyjum hafi
verið byggð á misskilningi. „Það
var leiðrétt innan ársins þannig að
það leiddi ekki til neinna rang-
færslna í reikningsskilum félags-
ins.“
„Auðvitað mikið áfall
að vera sakfelldur“
Baugsmálið hefur verið gífurlega erfitt fyrir málsaðila og
niðurstaðan vissulega vonbrigði, segir verjandi Tryggva
Morgunblaðið/ÞÖK
egja að dómur yfir Jóni Ásgeiri Jóhannessyni forstjóra Baugs, og Tryggva Jónssyni
tjóra, hafi komið verjendum þeirra, Gesti Jónssyni og Jakobi Möller, á óvart.