Morgunblaðið - 04.05.2008, Page 2

2 SUNNUDAGUR 4. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Umsóknarfrestur er til 30. maí
Kynntu þér námið á www.hr.is
H
V
ÍT
A
H
Ú
S
IÐ
/S
ÍA
–
0
8
-0
6
0
8
Eftir Egil Ólafsson
egol@mbl.is
TOLLUR á ferskum kjúklinga-
bringum sem fluttar eru inn frá Evr-
ópusambandinu er mun lægri en
tollur af öðrum tegundum kjúklings.
Helga Lára Hólm, framkvæmda-
stjóri Ísfugls, segist sannfærð um að
innfluttar kjúklingabringur muni
flæða yfir markaðinn ef frumvarp
um innleiðingu matvælalöggjafar
Evrópusambandsins verður sam-
þykkt á Alþingi. Það muni hafa mikil
áhrif á stöðu kjúklingaframleiðenda
hér á landi.
Mun lægri tollur á bringum
Samkvæmt yfir 15 ára gömlum
samningi milli Íslands og Evrópu-
sambandsins er 540 kr/kg almennur
tollur á frosna kjúklinga sem fluttir
eru inn frá ESB, auk 18% verðtolls.
Hins vegar er 299 kr. tollur á inn-
fluttar ferskar kjúklingabringur,
auk 18% verðtolls.
Helga Lára er ekki vafa um hvað
gerist ef frumvarp landbúnaðarráð-
herra verða samþykkt. „Þá munu
innfluttar kjúklingabringur flæða
yfir markaðinn. Það mun gerast þó
að tollar haldist óbreyttir.“
Ólafur Friðriksson, skrifstofu-
stjóri í landbúnaðarráðuneytinu,
segist ekki geta svarað því hvers
vegna tollur á ferskum kjúklinga-
bringum sé miklu lægri en á frosn-
um kjúklingi. Hann segir hins vegar
ekki standa til að breyta þessu. Toll-
urinn sé bundinn í lög og um þetta
hafi verið gerður skuldbindandi
samningur við ESB. Ólafur bendir á
að innkaupsverð á ferskum bringum
sé um 30% hærra en á frosnum
kjúklingi og það vegi upp þennan
mun.
Ekki eru nema 10 ár síðan heim-
ilað var að selja ferskan kjúkling hér
á landi, en við það jókst sala á kjúk-
lingum mikið og langstærstur hluti
kjúklinga sem framleiddur er á Ís-
landi er seldur ferskur. Í dag neyta
landsmenn meira af kjúklingum en
lambakjöti. Líklegt má telja að ef
kaupmenn sjá sér hag í að flytja inn
kjúklingabringur frá ESB í veruleg-
um magni muni það leiða til lækk-
unar á verði innlendra kjúklinga og
jafnframt eru líkur á að það hafi
áhrif á verðlagningu á öðru kjöti.
Helga Lára telur nauðsynlegt að
Alþingi taki sér meiri tíma í að skoða
áhrif þess að taka upp matvælalög-
gjöf ESB hér á landi. Eðlilegt sé að
fresta málinu til hausts. Hún segir
að kjúklingaframleiðendur hafi
fengið mjög lítinn tíma til að veita
umsögn um frumvarpið og menn
hafi alls ekki áttað sig á áhrifum sem
þetta hafi í för með sér.
Tollur á ferskum kjúklingabringum mun lægri en af öðrum tegundum kjúklings
Spáir miklum innflutningi á
kjúklingabringum frá ESB
Morgunblaðið/Brynjar Gauti
Frumvarp Kjúklingaframleiðendur óttast áhrif á stöðu sína ef frumvarp
um innleiðingu matvælalöggjafar ESB verður samþykkt á Alþingi.
HOLTSGÖNG, sem áttu að liggja
undir Skólavörðuholtið og tengja
saman Hringbraut og Sæbraut verða
felld út af aðalskipulagi Reykjavíkur.
Jóhannes Kjarval hjá skipulagsráði
segir ástæðuna mega rekja til endur-
skoðunar á fyrirkomulagi á lóð Land-
spítalans. Göngin hafi, að mati
manna, hreinlega verið fyrir og komið
í veg fyrir að hægt væri að ná fram
heildstæðri niðurstöðu.
Kostnaður við göngin
lá ekki fyrir
Spurður hvort hár kostnaður hafi
haft áhrif á brotthvarf ganganna af
teikniborðinu segir Jóhannes svo ekki
hafa verið. „Þetta var ekki komið ná-
lægt því stigi að menn væru farnir að
velta kostnaði fyrir sér.“ Sjálfur seg-
ist Jóhannes ekki hafa haft mikla trú
á því að göngin yrðu að veruleika.
„Það hefði svo sem verið ágætt að
geta keyrt þarna inn í göngin og skilið
bílinn eftir í helli þarna undir og farið
svo í lyftu upp á Laugaveg eins og
einn verkfræðingur talaði um,“ segir
Jóhannes og telur að þetta hefði
vissulega getað leyst bílastæðavand-
ann við Laugaveg en það væri dýru
verði keypt. „Mér finnst það umhugs-
unarefni að fara þarna ca 1 km inn í
bergið bara til að spara einhverjar
mínútur.“
Holtsgöng felld
af aðalskipulagi
Gert vegna endurskoðunar á lóð LSH
Eftir Höllu Gunnarsdóttur
halla@mbl.is
„VIÐ framsóknarmenn höfum ekki
við núverandi aðstæður mestar
áhyggjur af bankakerfinu. Þrátt fyr-
ir ákveðið offar á síðustu árum þá er
það sterkt og
mun standast
álagið erlendis
frá. Við höfum
miklu meiri
áhyggjur af stöðu
heimilanna, stöðu
fólksins í landinu,
stöðu unga fólks-
ins, barnafólksins
og því að launa-
fólkið verði látið
bera þungann og áfallið af krepp-
unni.“ Þetta sagði Guðni Ágústsson,
formaður Framsóknarflokksins, í
ræðu á miðstjórnarfundi flokksins í
gær, laugardag.
Guðni hafði þungar áhyggjur af
stöðu efnahagsmála og sagðist óttast
að gengi ríkisstjórnin ekki, í fullu
samstarfi við Seðlabankann, strax í
það að lækka vexti og tryggja lánsfé
mundi núverandi ástand dauðrota ís-
lenskt atvinnulíf. „Ríkisstjórnin
virðist hins vegar stödd á einni plán-
etunni og Seðlabankinn á annarri.
Atvinnulífið froðufellir og er staðið
að viðbrögðum sem ekki standast
því þrátt fyrir glæfralega stýrivaxta-
stefnu Seðlabankans verður evra
ekki tekin upp einhliða,“ sagði Guðni
og bætti við að verkalýðshreyfingin
ein talaði af fullri festu og ábyrgð.
Ekki gaf hann ríkisstjórninni háa
einkunn. Sagði henni fylgja flott-
ræfilshátt og að ráðamenn væru
meira eða minna á ferðalögum er-
lendis meðan almenningur á Íslandi
stæði frammi fyrir mestu kjara-
skerðingu í 20 ár. „Ríkisstjórn Geirs
H. Haarde er ekki vandanum vaxin.
Hún er aumasta ríkisstjórn sem set-
ið hefur frá því að þjóðarsáttin náð-
ist fram árið 1990. Þessi ríkisstjórn
hefur haft eitt lífsmottó – að hlusta
ekki á varnaðarorð og gera lítið úr
ráðum annarra.“
Ljósið í myrkrinu
Guðni gagnrýndi einnig núverandi
stjórnvöld fyrir að hafa svikið sam-
komulag sem ríkisstjórn Sjálfstæð-
isflokks og Framsóknarflokks gerði
við aldraða og öryrkja. „Hvers
vegna fremur ríkisstjórnin svona
drottinsvik við þennan hóp að hafa af
þessu fólki, sem býr við lægstu bæt-
ur, 3,6 milljarða á ári? Það vantar tíu
þúsund krónur í launaumslagið hjá
öllu þessu fólki sem er á lágmarks-
tekjum við hver mánaðamót. Við
framsóknarmenn fordæmum þenn-
an gjörning og þessi svik. Mikil er
skömm ríkisstjórnarinnar. Þetta er
lágkúra.“
Íbúðalánasjóður er að sögn Guðna
ljósið í myrkrinu og hann þakkaði í
ræðu sinni guði fyrir að framsókn-
armönnum hefði tekist að verja
hann. „Hann hefur hafið vaxtalækk-
un á ný. Hann á svigrúm og mögu-
leika að standa vörð um hag þúsunda
heimila. Hönd Íbúðalánasjóðs er við
þessar aðstæður mjúk sem móður-
hönd, meðan bankakerfið undir
stjórn harðrar arðsemiskröfu starf-
ar öðruvísi,“ sagði Guðni og gagn-
rýndi sjálfstæðismenn fyrir að gera
Íbúðalánasjóð að sökudólgi fyrir
stöðunni á húsnæðismarkaði. Það
hafi verið bankarnir sem röskuðu
stöðunni þegar þeir buðu allt upp í
105% lán. „Sjálfstæðisflokkurinn
væri nú búinn að einkavæða eða
selja bankakerfinu sjóðinn ef við
hefðum ekki staðið gegn því,“ árétt-
aði Guðni.
Guðni kom einnig inn á Evrópu-
málin í ræðu sinn og minnti á að um-
ræðan um Evrópusambandsaðild
færi þessa dagana fram í skugga
efnahagslegra erfiðleika og verð-
bólgu. „Ein af afleiðingunum er sú
að menn tala um íslenska krónu
svona svipað og gert var um misind-
ismenn í minni æsku. Krónan er eins
og persóna sem veldur vandræðum.
Það er alvarlegur hlutur, hvort sem
utanríkisráðherra eða viðskiptaráð-
herra eiga í hlut, að tala um íslenska
gjaldmiðilinn sem óalandi og óferj-
andi mynt. Með slíku tali eru ís-
lenskir ráðherrar að verðfella ís-
lenska hagsmuni,“ sagði Guðni.
Þjóðin á lokasvarið um ESB
Guðni lagði áherslu á að Fram-
sóknarflokkurinn væri hvorki til
hægri né vinstri heldur stefndi beint
áfram. Þess vegna rúmuðust innan
hans ólíkar skoðanir. Líkti Guðni
ágreiningi um mögulega Evrópu-
sambandsaðild við veru bandaríska
hersins hér á landi en gegn henni
barðist hluti framsóknarmanna á
meðan hinn hlutinn vildi hafa herinn
hér sem lengst. „Ég bið flokksmenn
því að virða tilfinningar og skoðanir
hver annars. Það er engin skoðun
rétthærri annarri. Þjóðin á lokasvar-
ið í þessu máli, að loknum nauðsyn-
legum lagasetningum, breytingu á
stjórnarskrá og vandaðri umfjöllun
um kosti og galla aðildar,“ sagði
Guðni og lagði þunga áherslu á þjóð-
aratkvæðagreiðslu bæði um aðildar-
viðræður og síðan um aðild. Engin
lög væru til um slíka atkvæða-
greiðslu og því yrði fyrst að ná sam-
komulagi um það. Þá stakk Guðni
upp á því að Framsóknarflokkurinn
kannaði hug sinna 12 þúsund flokks-
félaga til Evrópumála með póstkosn-
ingu „Evrópusambandsumræðan í
okkar flokki speglar aðeins, að ég
tel, þverskurðinn af skoðunum þjóð-
arinnar“, sagði Guðni Ágústsson.
Áhyggjur af fólkinu
en ekki bönkunum
Ríkisstjórn Geirs H. Haarde aumasta stjórn frá 1990, segir Guðni
Guðni Ágústsson
LÖGREGLUMENN voru sendir
upp í Listaháskóla Íslands við Skip-
holt eldsnemma í gærmorgun til að
skrúfa niður í hljóðskúlptúr Þórarins
Jónssonar myndlistarnema vegna
kvartana frá fólki. Hljóðskúlptúrinn
er upptaka af bænakalli úr íslam sem
byrjaði að óma af svölum skólans síð-
degis á föstudag. Lögreglan fór síð-
an að fá kvartanir aðfaranótt laug-
ardags frá fólki sem þoldi ekki
hávaðann.
Að sögn varðstjóra hjá lögregl-
unni var húsvörður fenginn til að
skrúfa niður í verki Þórarins. Inn-
grip lögreglunnar byggðist á lög-
reglusamþykkt Reykjavíkur þess
efnis að ekki megi raska næturró
fólks.
Þórarinn Jónsson segir að bilun í
hugbúnaði hljóti að hafa valdið þess-
um mistökum, því upptakan eigi ekki
að hljóma á nóttunni, heldur ein-
göngu milli kl. 8 og 22. Hugðist Þór-
arinn laga hugbúnaðinn í gær.
Til stendur að leika upptökuna
fimm sinnum á dag í viku eina mín-
útu í senn.
Bæna-
kallið
vakti fólk
Lögreglan skrúfaði
fyrir verk Þórarins