Morgunblaðið - 22.06.2008, Side 60

60 SUNNUDAGUR 22. JÚNÍ 2008 MORGUNBLAÐIÐ
Eftir Gunnhildi Finnsdóttur
gunnhildur@mbl.is
ÍSLENDINGAR sem dvalið
hafa í Bandaríkjunum um
lengri eða skemmri tíma kann-
ast flestir við Whole Foods-
verslanakeðjuna og sakna
hennar margir mjög þegar
heim til Íslands er komið. Í
verslununum er lögð áhersla á
ferska gæðamatvöru, helst líf-
rænt ræktaða. Í hillur Whole
Foods kemst til dæmis ekkert
sem inniheldur bragðaukann
MSG eða sætuefnið aspartam
og almennt eru viðbótarefni og
mikið unnar matvörur ekki á
boðstólum þar. Það kitlar þjóð-
erniskenndina að í gegnum
nálarauga keðjunnar hafa kom-
ist tvær tegundir af skyri, önn-
ur er flutt út héðan en hin
framleidd ytra af framtaks-
sömum Íslendingi.
En hvað um það, þessar
matgæðingaverslanir er ekki
að finna hér á landi, en Íslend-
ingar geta þó notfært sér eitt
af því sem þær bjóða upp á. Á
heimasíðu verslananna er
nefnilega að finna frábært safn
uppskrifta, nógu margar til
þess að fylla nokkrar mat-
reiðslubækur. Rétt er að taka
fram að Whole Foods leggur
áherslu á hollan og ferskan
mat, en ekki meinlætafæði.
Þarna eru jafnt uppskriftir að
grænmetissúpum, súkku-
laðibrúnkum, grillkjöti og ýms-
um dýrindisréttum sem bragð-
ast vel og eru líka í
heilsusamlegri kantinum.
Uppskriftunum er skipt í
einfalda flokka, vel er hugað að
grænmetisætum og ódýrar
uppskriftir eru sérstaklega
merktar. Til að auðvelda skipu-
lagið er hægt að byggja upp
sitt eigið uppskriftabox á síð-
unni og halda þar utan um þær
uppskriftir sem gefist hafa vel
og aðrar sem áhugi er fyrir að
prófa.
Auk uppskriftanna hefur síð-
an að geyma fjölmargar grein-
ar um heilbrigt mataræði og
góða viðskiptahætti við rækt-
endur sem verslanirnar leggja
sig fram um að stunda.
Gómsætir réttir úr gæðahráefni
Lax Fjölmargar sumarlegar uppskriftir er
að finna á vefsíðu verslanakeðjunnar
bandarísku Whole Foods.
www.wholefoodsmarket.com
ÞEGAR Jay-Z stígur á svið á Gla-
stonbury-hátíðinni um næstu helgi
verður það í fyrsta skipti sem
rappari er aðalnúmerið á hátíð-
inni. Nokkur kurr hefur verið
vegna þessa í fastagestum sem
vilja meina að Glastonbury sé
hreinræktuð rokkhátíð og rapp
eigi þar ekki heima. Gamla Oasis-
kempan Noel Gallagher blandaði
sér í slaginn og sagði Jay-Z ekki
rétta manninn til þess að bera
uppi dagskrána.
Rapparinn lét sér fátt um finn-
ast og sagði í samtali við BBC:
„Þetta er út í hött, ef það á að
forðast nýjungar, hvernig á þá að
verða einhver framþróun? Ég hef
aldrei lent í neinu svona löguðu
fyrr.“
Miðar á hátíðina í ár hafa þó
ekki selst jafn vel og áður, en að-
standendur segja skýringuna
liggja í leiðinlegu veðri á síðustu
hátíðum frekar en djörfu tónlistar-
vali. En rapparar hafa í gegnum
tíðina fengið misjafnar viðtökur á
tónlistarhátíðum í Bretlandi.
Skemmst er þess að minnast þeg-
ar 50 Cent var púaður af sviðinu
af óánægðum gestum á Reading-
hátíðinni 2005 og Jay-Z afboðaði
komu sína á sömu hátíð 2003.
Hins vegar hefur sveitunum Pu-
blic Enemy, The Beastie Boys og
Cypress Hill verið vel fagnað.
Vilja ekki rapp
á Glastonbury
Óvelkominn Fastagestir á hátíðinni
vilja hafa rokkara en ekki rapp-
arann Jay-Z í aðalhlutverki.
VEFSÍÐA VIKUNNAR» WWW.WHOLEFOODSMARKET.COM