Morgunblaðið - 03.10.2008, Blaðsíða 22
Eftir Kristínu Heiðu Kristinsdóttur
khk@mbl.is
M
ér fannst tilvalið að
sækja um vinnu á
mínum gamla leik-
skóla þar sem ég
hafði verið sem
krakki og ég á góðar minningar frá
árunum hér,“ segir Baldvin Már
Baldvinsson en hann hefur und-
anfarin þrjú ár unnið við umönnun
barna á leikskólanum Sólhlíð í
Reykjavík.
„Mér líkar mjög vel að vinna á leik-
skóla og það gefur ákveðið forskot að
vera eini karlkyns starfsmaðurinn á
deildinni. Reyndar erum við vel sett
með kynjaskiptingu starfsfólks hér í
Sólhlíð, því við erum þrír karlmenn í
fullu starfi hér og einn í hlutastarfi.“
Ekki allir í einu í sund
Baldvin er 23 ára og því eru um
tuttugu ár síðan hann var sjálfur
nemandi við skólann. „Þegar ég byrj-
aði að vinna hérna þekkti ég strax
nokkur andlit meðal starfsfólks sem
hefur unnið hér í öll þessi ár og það
var góð tilfinning. En hlutirnir hafa
breyst heilmikið frá því ég var sjálfur
í leikskóla. Nálgunin er önnur í dag.
Það hefur orðið vitundarvakning í
uppeldismálum og þá sérstaklega ör-
yggismálum. Það er búið að setja
mikið af reglum sem eru til góðs.
Fyrir tuttugu árum var kannski farið
með allan leikskólann í einu í sund í
Laugardalslauginni, nokkuð sem
kæmi ekki til greina í dag.“
Reynir á þolinmæðina
Baldvin vinnur á gulu deildinni þar
sem yngstu börnin eru, en þau eru
frá eins og hálfs árs til tveggja ára.
Honum finnst gaman að fá að taka
þátt í að kenna þeim á lífið og til-
veruna.
„Þau eru að læra svo margt á þess-
um árum og það er frábært að taka
við litlu barni að hausti sem hefur náð
tökum á því að borða hjálparlaust og
klæða sig í útifötin þegar vorið kem-
ur. Það er gaman að sjá þessa fram-
för og vita til þess að maður hafi lagt
eitthvað af mörkum,“ segir Baldvin
sem neitar því ekki að stundum taki
starfið í þolinmæðistaugina. „Þetta er
ekki líkamlega erfið vinna en hún get-
ur verið rosalega lýjandi andlega. En
á móti kemur hvað þetta er gefandi.
Það er ótrúlega gaman að koma til
vinnu þegar börnin koma hlaupandi á
móti mér og knúsa mig í bak og fyr-
ir.“
Peningakarlar skilja
ekki starfsvalið
Baldvin er óneitanlega frábær fyr-
irmynd og segist iðu-
lega fá jákvæð við-
brögð, hrós og
hvatningu þegar
hann segi fólki hvað
hann starfi
við.
„Ég finn samt þegar ég ræði við
eldra fólk og þá sérstaklega eldri
karla, að þeir hreinlega skilja ekki að
ég skuli vinna við þetta. Þeir líta á
þetta sem kvennastarf. Aftur á móti
finnst jafnöldrum mínum og ungu
fólki almennt alveg frábært að ég
vinni í leikskóla og foreldrar eru eðli-
lega ánægðir með að bæði kynin vinni
með börnin þeirra. En gamlir pen-
ingakarlar skilja ekkert í þessu
starfsvali mínu,“ segir Baldvin og
bætir við að einn karlkyns leikskóla-
kennari hafi starfað á Sólhlíð þegar
hann var sjálfur barn þar. „Hann hét
Óli og ég man mjög vel eftir honum,
kannski einmitt vegna þess að hann
var eini karlinn. Ég hitti hann meira
að segja stundum á förnum vegi nú-
orðið og við munum vel hvor eftir öðr-
um.“
Gettu betur-börn frá Sólhlíð
Framtíðarplönin eru óráðin hjá
Baldvini en hann gerir ekki ráð fyrir
að læra til leikskólakennara. „Ég lít
fyrst og fremst á þetta starf sem góða
reynslu fyrir sjálfan mig og und-
irbúning fyrir barneignir í framtíð-
inni, því hér hef ég kynnst öllum
mögulegum skapgerðareinkennum
barna. Og ég tek það fram að það
hafa komið alveg ótrúlega gáfuð börn
héðan frá Sólhlíð. Ég veit um þrjá
sem voru hér í leikskóla sem hafa
verið í sigurliði Gettu betur,“ segir
Baldvin og hlær en hann var sjálfur í
sigurliði Borgarholtsskóla árið 2005.
Aftur á
fornar slóðir
Morgunblaðið/Valdís Thor
Vinir Úlfi, Emblu Maríu og Tómasi finnst gott að vera í fangi Baldvins.
|föstudagur|3. 10. 2008| mbl.is
daglegtlíf
Leikskólinn Sólhlíð var stofnaður árið 1968 sem
úrræði fyrir starfsmenn og þá aðallega hjúkr-
unarfræðinga ríkisspítala. Nú eru að jafnaði 94
börn í leikskólanum á aldrinum 18 mánaða til 6
ára. Kenningar Johns Deweys og Lev Vy-
gotskys eru hafðar til viðmið-
unar í starfinu og áhersla
lögð á frjálsan leik
barnanna. Þá er haft að leið-
arljósi að efla sjálfstraust,
sjálfstæði og sjálfsmynd
einstaklingsins og einnig
að efla samskipti þeirra á
milli og fullorðinna.
Undanfarin ár hefur verið
skemmtilegt samstarf við hjúkr-
unarheimilið Draoplaugarstaði þar
sem elstu börn skólans hafa heimsótt
heimilisfólkið á Droplaugarstöðum á
3-4 vikna fresti yfir vetrartímann. Í
heimsóknunum er spilað, spjallað,
skreyttar piparkökur og jafnvel tekið
slátur.
Í dag klukkan þrjú verður afmæl-
ishátíð í tilefni af fertugsafmæli
Sólhlíðar. Þá verður foreldrum
boðið í köku en á morgun, laug-
ardag, verður opið hús frá kl.
11:00-14:00 fyrir gamla nemendur
og almenning. Gamlar myndir af
nemendum og starfsfólki verða
hengdar upp til sýnis, sem ætti að
rifja upp gamla góða tíma fyrir
einhverjum.
Morgunblaðið/Golli
Æskufjör Í Sólhlíð una börnin sér vel úti
við leik í góða veðrinu.
Í gamla daga Hér
er Baldvin lítill
drengur á Sólhlíð
fyrir 20 árum.
Sjálfstraust og samskipti
Davíð Hjálmar Haraldssonbregður á leik með limruna:
Jósafat Hreinn í Holti
var hnöttóttur eins og bolti.
Á endanum sprakk
er hann sig stakk
á augntönn í efri skolti.
Ármann Þorgrímsson segir að
stundum gangi allt á afturfótunum
hjá sér:
Að mér þrengja ótal höft
ellin komin til að vera.
Óteljandi axarsköft
alltaf tekst mér þó að gera.
Hann fær hugvekju frá Hreiðari
Karlssyni:
Týrir ennþá í gömlum glæðum,
gott er að mega sjá þess stað.
Hreint ekki dauður úr öllum æðum,
axarsköftin sanna það!
Bjarni Ásgeirsson, alþing-
ismaður og bóndi á Reykjum, orti
þegar Einar Olgeirsson fór mikinn í
ræðustól á Alþingi:
Hljótt úr sæti sérhvert vék
sóknarbarn í Hruna
meðan Einar mælsku lék
Moskvuhljómkviðuna.
Þessi vísa barst um netheima og
fylgdi sögunni að hún hefði verið
ort á mánudag:
Hlýði fólk á mína melding:
í morgun laust hér niður elding.
Okkar bíður ógn og gelding.
Undirritað: Lárus Welding.
VÍSNAHORN
pebl@mbl.is
Af axarsköftumÁ SAMA tíma og fjármálamarkaðirhins vestræna heims ganga í gegn
um eld og brennistein gengur lífið
sinn vanagang hjá móður jörð. Hér
er það glæsilegt skrautfiðrildi sem
tyllir sér á fingur ferðamanns í fiðr-
ildagarði sem opnaður var í Búlg-
aríu í gær. Garðurinn er staðsettur í
grasagarði háskólans í höfuðborg-
inni Sofiu.
Fiðrildagarðurinn er sá fyrsti
sinnar tegundar á Balkansskag-
anum en í honum er að finna lit-
skrúðugt og fjölbreytt úrval fiðrilda-
tegunda.
Hver veit annars nema að það hafi
verið fiðrildið á borð við þetta sem
hafi með sakleysislegu vængjablaki
sett af stað röð keðjuverkana sem
leiddu til þess ógnarskjálfta sem nú
skekur fjármálakerfi víða um heim?
Og mennirnir geta þá kannski
vonað að með hvíld þess komist ró á
lífið í henni veröld á ný?
Fiðrildaáhrifin að verki?
Reuters