Morgunblaðið - 09.10.2008, Blaðsíða 13

MORGUNBLAÐIÐ FIMMTUDAGUR 9. OKTÓBER 2008 13
SKULDAMÁLUM, svonefndum
útivistarmálum, hefur fjölgað um-
talsvert hjá Héraðsdómi Reykjavík-
ur í haust miðað við sama tíma í
fyrra en hins vegar merkir Sýslu-
maðurinn í Reykjavík ekki fjölgun í
árangurslausum fjárnámum eða
svipuðum málaflokkum.
Útivistarmál draga nafn sitt af
því að skuldari mætir ekki til
dómþings. Á tímabilinu 1. sept-
ember til 7. október 2008 hafa tæp
2.700 slík mál verið þingfest í hér-
aðsdómi en voru 1.382 á sama tíma-
bili árið 2007. Eðlilegur gangur í
málum af þessum toga er að kröfu-
hafi leiti til sýslumanns um að gert
verði fjárnám hjá skuldara en oft
fæst ekkert út úr slíkri aðför sem
þar með flokkast þá til árangurs-
lauss fjárnáms, sem er undanfari
gjaldþrotaskiptabeiðna hjá héraðs-
dómi.
5.800 árangurslaus fjárnám
Hjá Sýslumanninum í Reykjavík
fást þær upplýsingar að gerð hafa
verið 5.800 árangurslaus fjárnám
hjá einstaklingum það sem af er
árinu. Á tímabilinu janúar til októ-
ber 2007 voru þau hins vegar 6.300.
„Við höfum ekki ennþá séð fjölgun í
aðfarabeiðnum eða uppboðum á
eignum,“ segir Þuríður Árnadóttir,
staðgengill sýslumanns.
Útlit er þó fyrir að fleiri bílar en
vanalega lendi á uppboðum á næst-
unni. Það sem af er árinu hafa 339
bílar verið boðnir upp á fjórum upp-
boðum hjá embættinu.
orsi@mbl.is
Skuldamálum fjölgar mikið
Meira en tvöfalt
fleiri skuldamál
þingfest í héraðs-
dómi miðað við
sama tíma í fyrra
Morgunblaðið/ÞÖK
Skuldir Kröfur eru reifaðar í dómi.
Eftir Jóhönnu Maríu Vilhelmsdóttur
jmv@mbl.is
„SLÍKT lán er sterk og skýr yf-
irlýsing frá Rússum um að þeir
eigi peninga,“ var haft eftir Chris
Weafer, helsta viðskiptaráðgjafa
rússneska fjárfestingabankans
Uralsib á vefsíðu Financial Times
í gær.
„Lánið ýtir jafnframt undir
stjórnmálalegan velvilja sem gæti
komið að notum þegar farið verð-
ur út í erfiðar samningaviðræður
um yfirráðarétt á norðurheim-
skautssvæðinu,“ sagði Weafer.
Geta aukið áhrif sín
Fjölmiðlar víða um veröld hafa
velt því upp hvað kunni að búa að
baki hugsanlegu láni Rússa til Ís-
lendinga upp á fjóra milljarða
evra.
Á vefsíðu Bloomberg í Banda-
ríkjunum segir að lánið veiti Rúss-
um tækifæri til að auka áhrif sín,
þeir eigi þriðja stærsta gjaldeyris-
varaforða heims eða sem nemur
um 563 milljörðum bandaríkja-
dala.
„Nái Rússar að styðja við verð-
bréfamarkaðinn og viðhalda gróð-
anum þá veitir efnahagskreppan
þeim tækifæri til að sýna áhrif sín
á fjármálamarkaði heims og jafn-
framt minnkandi áhrif Banda-
ríkjamanna,“ hefur Bloomberg
eftir Sergei Markov, ráðgjafa
stjórnarinnar í Kreml. „Heim-
urinn er að breytast Rússum í
hag,“ bætir Markov við. Með því
að lána Íslendingum vilji Rússar
jafnframt mæta þeim hnekki sem
orðspor þeirra beið á Vest-
urlöndum í kjölfar átakanna í
Georgíu.
„Fréttin um að Ísland sé að
semja um 5,4 milljarða dollara lán
við Rússa kom illa við mig vegna
pólitísks undirtóns slíks láns,“
hafði Bloomberg jafnframt eftir
Larry Summers, fyrrverandi
fjármálaráðherra Bandaríkjanna.
„Þetta er hugvitssamlegt af Ís-
lendingum og Rússum. Þeir hefðu
átt að gera þetta fyrr,“ hefur kan-
adíski fréttavefurinn The Globe
and Mail eftir Richard Portes,
prófessor við London Business
School. „Þetta ætti að gera Evr-
ópubúum ljóst að það var ekki
klókt að láta Íslendingana róa,“
segir Portes.
Vekur illan grun
Á vefsíðu breska dagblaðsins
Telegraph kemur fram að lánið
frá Rússum gæti reynst þeim góð
fjárfesting þrátt fyrir efasemdir
landsmanna. Ljóst sé hinsvegar
að slík lánveiting myndi vekja ill-
an grun um ætlun Rússa. „Banda-
ríkin munu kvarta yfir hugs-
anlegri viðveru rússnesks hers í
Norður-Atlantshafi.“
„Noregur á ekki að standa til
hliðar og horfa upp á efnahags-
legar hamfarir lands sem er okkur
svo skylt,“ segir í grein á vef
norska dagblaðsins Aftenposten.
„Það er eðlilegra og öruggara að
Íslendingar þiggi aðstoð frá Nor-
egi og öðrum Norðurlöndum held-
ur en frá Rússum.“
Er lánveiting Rússa leið
þeirra til aukinna áhrifa?
Lán? Rússneski Seðlabankinn.
Erlendir fjölmiðlar velta því fyrir sér hvað liggi hugsanlega að baki lánsvilja Rússa
SUMARIÐ 2006 lýsti
Alexei Kúdrín, fjár-
málaráðherra Rúss-
lands, því yfir í rúss-
neska þinginu að allar
skuldir landsins við
Parísarklúbbinn svo-
kallaða, hóp lánveit-
enda frá 19 af ríkustu
þjóðum heims, yrðu
greiddar niður um sum-
arið. Yfirlýsingin sætti tíðindum, enda
Rússar þar með að gera upp um 1.600
milljarða króna skuld, sem var arfur frá
Sovétríkjunum sálugu.
„Níutíu og fimm prósent skulda Sov-
étríkjanna munu heyra sögunni til,“ lýsti
Kúdrín yfir sigri hrósandi í þinginu.
Þetta er rifjað upp hér þar sem skuldin
var greidd upp mun fyrr en ráðgert var og
réð þar langmestu að tekjur ríkisins af ol-
íuvinnslu í landinu höfðu þá stóraukist í
takt við hátt heimsmarkaðsverð á olíu.
Olíugróðinn hefur þannig gerbreytt
efnahags rússneska ríkisins og skapað
stjórnvöldum svigrúm til kaupa á miklu
magni hergagna. Öflugur hlutabréfa-
markaður hefur orðið til í Moskvu og
þangað streymt mikið magn erlends fjár í
formi fjárfestingar. Nú er hins vegar farið
að hægja á hjólum hins olíuknúna mark-
aðar og útlit fyrir að einhæfni olíuhag-
kerfisins komi nú landinu einkar illa and-
spænis fjármálahruninu. baldura@mbl.is
Komnir úr
skuldafeninu
Alexei Kúdrín
BJÖRN Bjarnason dómsmálaráðherra og Össur
Skarphéðinsson iðnaðarráðherra ræddu málin á
leið sinni út úr stjórnarráðinu í gærdag. Þar fór
fram ríkisstjórnarfundur, skömmu áður en Geir
H. Haarde forsætisráðherra og Björgvin G. Sig-
urðsson viðskiptaráðherra boðuðu til blaða-
mannafundar í Iðnó vegna bankakreppunnar í
landinu. Blaða- og fréttamenn voru í viðbragðs-
stöðu við stjórnarráðið að fundi loknum, en
vegna stöðunnar í efnahagsmálum kemur rík-
isstjórnin oftar saman en vant er um þessar
mundir.
Morgunblaðið/Kristinn
Ráðherrar stinga saman nefjum
Samningafundur
við Rússa vegna
mögulegs láns
fer fram á þriðju-
dag, að því er
fram kom í máli
Geirs H. Haarde
forsætisráðherra
á blaðamanna-
fundi í Iðnó í
gær. „Það má vel
vera að það takist að ljúka málinu
þá,“ sagði Geir.
Fregnir hafa borist af óánægju
meðal rússnesks almennings um að
til standi að lána fé til Íslands þegar
verkefnin séu næg heima fyrir. Að-
spurður hvort Rússar væru aflögu-
færir sagðist Geir telja að svo væri
enda með miklar tekjur af olíu. „En
það er ekki okkar mál að segja til
um það hvaðan þeir taka peningana
sína,“ sagði Geir og að ekki væri
hægt að upplýsa um viðræður við
aðrar þjóðir en að mikill velvilji
hafi komið fram hjá vinaþjóðunum
á Norðurlöndunum.
Geir var einnig spurður út í hvort
til standi að leita á náðir Alþjóða-
gjaldeyrissjóðsins og sagði hann
ekkert hafa verið útilokað í þeim
efnum. halla@mbl.is
Leitað
til Rússa
Sest að samninga-
borðinu á þriðjudag
Geir H. Haarde
Í allt voru 1.851 nauðungarsölubeiðnir skráðar hjá Sýslumanninum í
Reykjavík fyrstu níu mánuði ársins 2008.
Árið 2007 voru 137 fasteignir seldar nauðungarsölu. Fjöldi skráðra
nauðungarsölubeiðna það ár var 2.482.
Alls hafa verið seldar 339 bifreiðar á uppboði árið 2008. Skráðar
nauðungarsölubeiðnir vegna bifreiða voru í lok september 2008 1.575.
Hversu margar nauðungarsölur?