Morgunblaðið - 09.10.2008, Blaðsíða 31

Elsku amma Stína.
Þakka þér allar góðu
stundirnar sem við áttum
saman, núna líður þér vel hjá
afa Balla.
Þinn langömmustrákur
Baldur Þór.
Elsku Stína langamma.
Núna ertu engill uppi hjá
guði. Engill með krullað hár.
Takk fyrir að spila við mig.
Þinn langömmustrákur
Viktor Már.
HINSTA KVEÐJA
MORGUNBLAÐIÐ FIMMTUDAGUR 9. OKTÓBER 2008 31
MINNINGAR
✝ Kristín Páls-dóttir fæddist á
Akureyri 19. janúar
1931. Hún lést á
gjörgæsludeild
Landspítalans 28.
september síðastlið-
inn. Foreldrar
hennar voru Jós-
efína Þorleifsdóttir
frá Garðakoti í
Svarfaðardal, f. 18.
desember 1907, d.
11. nóvember 1991
og Páll Jónsson frá
Tjörnum í Eyjafirði,
f. 12. nóvember 1908, d. 14. júlí
1985. Systkini Kristínar eru Sig-
urhelga, f. 1934, d. 1992, og Er-
ling Tom, f. 1937, búsettur á Ak-
ureyri.
Kristín giftist 12. maí 1951
Baldri Karlssyni frá Nesi í
Saurbæjarhreppi, f. 3. janúar
1930, d. 31. ágúst 1986. Börn
þeirra eru: 1) Páll, f. 23. júní 1953,
maki Erla Hrund Friðfinnsdóttir,
f. 1. maí 1956. Börn þeirra a) Páll
Brynjar, f. 18. janúar 1975, sam-
býliskona Rósa Frið-
riksdóttir, sonur
þeirra Baldur Þór, f.
2001, b) Kristín, f. 5.
september 1977,
maki Árni Már
Ágústsson, börn
þeirra Elva Rún, f.
1998 og Viktor Már,
f. 2002. 2) Erla, f. 14.
febrúar 1960, sam-
býlismaður Steindór
Sigursteinsson, f. 3.
ágúst 1964, sonur
þeirra Gunnar
Helgi, f. 1998. Synir
Erlu a) Ómar Friðriksson, f. 29.
október 1976, sambýliskona Svava
Hrund Friðriksdóttir, dóttir
þeirra Sólveig Erla, f. 2007. b)
Kristján Baldur Valdimarsson, f.
18. febrúar 1982, sambýliskona
Guðlaug Ásta Gunnarsdóttir.
Kristín bjó alla tíð á Akureyri.
Ásamt því að sinna heimilinu vann
hún við afgreiðslustörf.
Kristín verður jarðsungin frá
Akureyrarkirkju í dag og hefst
athöfnin klukkan 13.30.
Mig langar í fáeinum orðum að
minnast elskulegrar tengdamóður
minnar.
Það eru nákvæmlega þrjátíu og
fimm ár síðan við kynntumst þegar ég
kom heim til þeirra hjóna með honum
Palla mínum í september 1973. Sá
dagur er mér afar minnisstæður. Ég
fann strax að þarna leið mér vel. Í
þessi þrjátíu og fimm ár höfum við átt
margar ánægjustundir.
Alltaf varstu boðin og búin að
hjálpa mér ef eitthvað stóð til á mínu
heimili, hvort heldur var við bakstur
eða eitthvað annað.
Margar voru stundirnar sem við
föndruðum saman. Mikið var gaman
þegar við vorum að gera jólaskreyt-
ingarnar. Þá mættu til þín vinkonur
þínar og ég, leiðin lá út í bílskúr. Þar
voruð þið Balli búin að undirbúa skúr-
inn, hann leit út eins og kennslustofa.
Þú gekkst um og leiðbeindir okkur af
þinni miklu smekkvísi. Þar urðu til
mörg listaverk sem ég nota um hver
einustu jól.
Oft fórum við saman í berjamó, þar
undir þú þér vel. Raulaðir fyrir munni
þér lagstúf og naust þess að vera úti í
náttúrunni. Slógum við á létta strengi
með að ég gæti ekki týnt þér, því ég
myndi ganga á hljóðið.
Í tuttugu og sjö ár höfum við verið
nágrannar. Þá fluttum við Palli í
Grenivellina, næstu götu við ykkur.
Það fannst ykkur góð tilfinning að fá
okkur og barnabörnin svona nálægt.
Alltaf gátu þau hlaupið til ykkar, það
var stutt að fara og alltaf voru þau
velkomin. Eftir að Balli lést fannst
okkur gott að vita af þér svona nálægt
okkur.
Það var hinn 17. september síðast-
liðinn, sem ég flaug með þér mikið
veikri til Reykjavíkur. Þar dvaldi ég
hjá þér þína síðustu daga. Á sjúkra-
húsinu áttir þú hug og hjarta lækna
og hjúkrunarfólks, eða eins og einn
læknir orðaði það; „þessi kona er
perla“. Þannig er þér best lýst.
Við flöktandi logana falla nú tár,
það flýr enginn sorgina lengi.
Hún braut allar vonir, hún braut allar þrár,
hún brýtur þá viðkvæmu strengi,
er blunda í hjarta og í brjósti hvers manns.
Nú birtir, og friður er yfir,
því ljósið á kertinu lifir.
(Kristján frá Gilhaga.)
Hvíl í friði, mín elskulega tengda-
móðir. Þín tengdadóttir,
Erla Hrund.
Elsku Stína amma.
Það kom að því sem ég óttaðist
mest. Það var að morgni sunnudags-
ins 28. september að pabbi og
mamma hringdu í mig og sögðu að þú
værir dáin. Heimurinn hrundi á auga-
bragði. Af hverju? Síðustu ár hefur þú
ekki verið nógu frísk. Hinn 17. sept-
ember þurfti að flytja þig til Reykja-
víkur, því þú varst orðin mjög veik.
Þar varst þú í góðum höndum. Síð-
ustu dagana sem þú varst á meðal
okkar, voru mér mjög erfiðir. Að geta
ekki komið til þín, haldið í hönd þína,
knúsað þig og kysst.
Við amma áttum margar góðar
stundir saman. Mér er það minnis-
stætt þegar ég fékk tækifæri að vinna
með þér. Við unnum saman í blóma-
búðinni í Sunnuhlíð. Ég reyndi eins
og ég gat að kalla þig „Stínu“ þegar
viðskiptavinir voru í búðinni. Okkur
fannst það báðum mjög kjánalegt. Þá
sagðir þú við mig „Kittý mín, kallaðu
mig bara ömmu,“ og þannig höfðum
við það.
Þú varst snillingur í höndunum. Ég
er glöð yfir því að eiga verk og hluti
eftir þig. Vænst þykir mér um mál-
verkin tvö sem þú færðir mér á þrí-
tugsafmælinu mínu í fyrra. Elsku
amma, þú kenndir mér ýmislegt í
sambandi við handavinnu, kortagerð
og föndur. Eins leitaði ég oft til þín til
að fá ráðleggingar og hugmyndir. Það
síðasta sem þú hvattir mig með var
jólapóstpokinn sem ég saumaði. Nú
fylgja pokanum ákveðnar tilfinningar
þegar ég hengi hann upp fyrir jólin.
Alltaf gat ég leitað til þín og fengið
svör og klapp á bakið. Ég man eftir
einu skipti sem ég gerði þig orðlausa.
Það var 5. september fyrir ári, þegar
ég kom til þín og sagði þér að við Árni
Már hefðum gift okkur fyrr um morg-
uninn. Mikið varðst þú glöð og stolt af
nöfnu þinni.
Elsku amma, ég er líka stolt af því
að hafa verið fyrst til að gera þig að
langömmu, þegar Elva Rún fæddist
árið 1998.
Börnin okkar hafa misst góða lang-
ömmu. Alltaf varst þú tilbúin að grípa
í spil þegar við komum til þín. Þú
varst heldur ekkert að setja fyrir þig
að breyta reglunum ef það yrði lang-
ömmubörnunum í hag. Hjá þeim eru
nú ótal margar spurningar og lofa ég
þér því, elsku amma, að svara þeim
eins vel og ég get. Þannig hefðir þú
gert það.
Við munum styðja hvert annað í
sorginni, og ég trúi því að þú passir
vel upp á okkur. Við söknum þín öll.
Þín eina ömmustelpa og alnafna,
Kristín Pálsdóttir.
Elsku Stína amma.
Það var hinn 28. september sem
pabbi hringdi í mig og sagði mér að þú
værir dáin. Þú varst svo veik síðustu
dagana og varst flutt suður. En alltaf
vonaði ég að þú næðir þér. En nú veit
ég að þér líður vel.
Rúmri viku áður en þú veiktist,
komstu í mat til okkar. Það var gam-
an hjá okkur það kvöld.
Mikið sem þú varðst glöð þegar
strákurinn minn var skírður Baldur
Þór í höfuðið á Baldri afa.
Þú varst mikið að mála í gegnum
tíðina, og er ég þakklátur fyrir að eiga
verk eftir þig. Þegar ég var smástrák-
ur langaði mig alltaf í eitt ákveðið
verk. Sá draumur rættist þegar þú
gafst mér málverkið í 25 ára afmæl-
isgjöf.
Elsku amma, með sorg og jafn-
framt söknuði í hjarta kveð ég þig. Nú
veit ég að þú ert komin á góðan stað.
Ég mun ávallt minnast þín fyrir þá
ást sem við skynjuðum svo vel er við
heimsóttum þig í Ægisgötuna og allar
þær stóru og smáu minningar í gegn-
um tíðina. Ég vildi bara að ég hefði
fengið að sjá þig einu sinni enn.
Bless amma mín, þín verður sárt
saknað.
Þinn ömmustrákur,
Páll Brynjar.
Elsku Stína langamma.
Núna ertu uppi hjá guði með Balla
langafa. Takk fyrir að kenna mér að
teikna. Ég mun alltaf muna þegar ég
og þú gerðum jólakort fyrir allan
bekkinn minn í fyrra. Líka handa
kennaranum mínum. Ég var mjög
montin og þetta voru flottustu kortin
og verða það alltaf. Ég ætla að vera
dugleg að æfa mig að teikna, til að
verða jafn góð og þú. Þú vildir líka
alltaf spila við mig og Viktor Má litla
bróður minn.
Þín langömmustelpa
Elva Rún.
Kristín Pálsdóttir ✝
Ástkær móðir okkar, tengdamóðir, amma og lang-
amma,
INGIBJÖRG ANTONÍUSDÓTTIR,
Borgarlandi 5,
Djúpavogi,
lést á hjúkrunarheimilinu Hornafirði laugardaginn
4. október.
Útförin fer fram frá Djúpavogskirkju laugardaginn
11. október kl. 14.00.
Jarðsett verður í Beruneskirkjugarði.
Hanna Antonía Guðmundsdóttir,
Hjálmar Guðmundsson,
Hreinn Guðmundsson,
Birgir Guðmundsson, Anna Sigrún Gunnlaugsdóttir,
Stefán Guðmundsson, Gústa Þórlaug Svavarsdóttir,
Jónína Guðmundsdóttir, Jón Karlsson,
Kristján S. Guðmundsson, Elva Sigurðardóttir,
Karl E. Guðmundsson, Þórlaug Másdóttir,
Guðmundur I. Guðmundsson, Oddný Dóra Stefánsdóttir,
barnabörn og barnabarnabörn.
✝
Ástkær móðir okkar, dóttir, barnabarn og systir,
ERLA JÓNÍNA JÓNSDÓTTIR,
Fossheiði 36,
Selfossi,
sem lést á líknardeild Landspítalans í Kópavogi
miðvikudaginn 1. október, verður jarðsungin frá
Selfosskirkju laugardaginn 11. október kl. 13.30.
Þeim sem vilja minnast hennar er bent á Bergmál,
líknar- og vinafélag, sími: 587-5566.
Jón Marel Magnússon,
Ída Bjarklind Magnúsdóttir,
Ída S. Sveinbjörnsdóttir,
Jón S. Hreinsson, Snjólaug Valdimarsdóttir,
Jónína Hallgrímsdóttir,
Erla Stefánsdóttir, Jón Guðmundsson
og systkini hinnar látnu.
✝
Móðir okkar, tengdamóðir og amma,
GUÐNÝ SVEINBJÖRG SIGURÐARDÓTTIR
frá Miðhúsum, Eiðaþinghá,
Kirkjustíg 8,
Eskifirði,
verður jarðsungin frá Eskifjarðarkirkju laugardaginn
11. október kl. 14.00.
Guðný Sigríður Hallgrímsdóttir, Sigmar Hjartarson,
Kristrún Hallgrímsdóttir, Hjörleifur Alfreðsson,
Soffía Hallgrímsdóttir,
Ólafur Hallgrímsson, Vilma Lillý Peña de Hallgrímsd.,
Brynjólfur Einar Sigmarsson og Sigríður Sigmarsdóttir,
Birna Þorbjörg Hjörleifsdóttir,
Lilja Íris Friðjónsdóttir og Perla Ósk Friðjónsdóttir,
Sara Ósk Ólafsdóttir og Ísabella Sif Ólafsdóttir.
✝
Ástkær eiginmaður minn, faðir, tengdafaðir og afi,
ÓSKAR P. ÓSKARSSON,
lést á Landspítalanum í Fossvogi föstudaginn
3. október.
Útför hans fer fram frá Kópavogskirkju föstudaginn
10. október kl. 13.00.
Lilja Guðbjörnsdóttir,
börn, tengdabörn og barnabörn.
✝
Ástkær eiginkona mín, móðir, tengdamóðir og
amma,
SIGRÚN EIRÍKSDÓTTIR,
Víkurbraut 30,
Höfn,
Hornafirði,
verður jarðsungin frá Hafnarkirkju laugardaginn
11. október kl. 14.00.
Þeim sem vildu minnast hennar er bent á Gjafa-
og minningarsjóð Skjólgarðs.
Guðmundur Jónsson,
Svava Kristbjörg Guðmundsdóttir,
Ásta Halldóra Guðmundsdóttir, Guðjón Pétur Jónsson,
Jón Guðmundsson, Elín Guðmundardóttir,
Eiríkur Guðmundsson, Auður Axelsdóttir,
Sigrún, Helga Rún, Guðlaug, Guðmundur Hrannar,
Höskuldur, Una, Dagrún og Guðmundur.
✝
Hjartans þakkir fyrir auðsýnda samúð við andlát
og útför elskulegrar móður okkar, tengdamóður,
ömmu og langömmu,
INDIÖNU BJARGAR ÚLFARSDÓTTUR,
Hraunbúðum,
áður Heiðarvegi 48,
Vestmanneyjum.
Sérstakar þakkir til alls starfsfólks Hraunbúða fyrir
mikla og góða umönnun og hlýhug.
Eygerður Anna Jónasdóttir, Þorsteinn Gísli Þorsteinsson,
Ingimar Jónasson, Fríða Sverrisdóttir
og aðrir aðstandendur.