Morgunblaðið - 10.10.2008, Blaðsíða 22

Eftir Önnu Sigríði Einarsdóttur
annaei@mbl.is
Matarblogg hafa verið vin-sæl lesning undanfarinár, enda úrvalið afsælkerahráefni aukist
verulega í góðærinu. Í ljósi breyttra
efnahagsaðstæðna búa matarblogg-
arar sig nú hins vegar undir að sýna
aukna hagkvæmni í eldhúsinu. Sig-
urrós Pálsdóttir matreiðslumaður á
Vox er einn þeirra, en hún hefur nú
tekið upp á því að gera matseðil fyrir
hverja viku fyrir fjölskylduna.
„Þar sem ég er matreiðslumaður
þá hætti mér til að eyða alltof mikl-
um peningi í mat. Núna höfum við
hins vegar þann háttinn á að viss
fjárhæð er sett í umslag í byrjun
hverrar viku og það er sú upphæð
sem eyða má í mat þá vikuna,“ segir
Sigurrós.
Þó tilboð matvöruverslana séu vel
flest tengd helgunum kýs Sigurrós
að nýta þriðjudagana til matarinn-
kaupa. „Það eru yfirleitt líka einhver
tilboð í gangi fyrri part vikunnar og
ég nota mér þau til að kaupa til
dæmis kjúkling og súpukjöt og setja
í frystinn.“ Hún bætir við að á næstu
vikum eigi súpur og ýmsir brasser-
aðir réttir því eftir að rata inn á mat-
arblogg sitt. „Mér finnst til dæmis
gott að taka súpukjöt og brassera og
það er einfaldur og góður matur sem
þarf ekki að vera dýr í framreiðslu.“
Sigurrós segir vel ganga að láta
matarpeningana endast með þessu
móti. „Ég byrja á að skrifa niður
matseðilinn, síðan fer ég í skápana
og sé hvað þar er til, áður en ég held
í búðina og kaupi nákvæmlega það
sem er á listanum og ekkert annað.
Reynist síðan afgangur af matar-
peningunum á sunnudögum þá má
nota þá viðbót til að vera góður við
sig, sem er góð hvatning til að halda
sig innan listans,“ segir Sigurrós og
gaf Daglegu lífi leyfi til að birta tvær
uppskriftir af bloggsíðu sinni.
Marbella-kjúklingurinn í
hversdagslegum búningi
Þessi réttur er úr bók sem heitir Sil-
ver Palate og hentar jafn vel í veislu
sem á venjulegum miðvikudegi.
Matseðillinn
skipulagður
Marbella-kjúklingur Góður hversdags og spari.
Spaghetti bolognese Sígildur réttur.
Morgunblaðið/Brynjar Gauti
Hagsýn Sigurrós Pálsdóttur gefst vel að áætla ákveðna
upphæð í matarinnkaup fyrir hverja viku.
Eftir Kristínu Heiðu Kristinsdóttur
khk@mbl.is
Mig langaði til að kynnastfólki hér á landi meðsvipuð áhugamál og égsjálfur og langaði líka
að leggja eitthvað af mörkum til sam-
félagsins. Þess vegna fór ég í hjálp-
arsveitina og mér var mjög vel tekið,
en ég er fyrstur útlendinga til að
ganga til liðs við hana,“ segir Nýsjá-
lendingurinn og erfðafræðingurinn
James McEwan sem gekk til liðs við
Hjálparsveit skáta í Kópavogi fyrir
mánuði. „Ég er á nýliðanámskeiði
þar sem ég læri fyrstuhjálp, ísklifur,
rötun, leitartækni og margt fleira
skemmtilegt.“
James er mikill útivistarmaður og
hann stundaði klettaklifur og göngur
af miklum móð á Nýja-Sjálandi og
var því alsæll þegar hann og aðrir
nýliðar gengu ásamt leiðbeinendum
sínum á Fimmvörðuháls um síðustu
helgi. „Laugardagurinn var ótrúlega
fagur, ekki ský á himni og náttúran
skartaði sínu fegursta þegar við
gengum frá Skógum yfir í Þórs-
mörk,“ segir James og bætir við að
nýliðaþjálfunin taki 18 mánuði og
standast þurfi próf til að verða virkur
meðlimur í björgunarsveitinni og fá
að taka þátt í björgunaraðgerðum.
Stefnir á doktor í erfðafræði
„Á Nýja-Sjálandi eru ekki björg-
unarsveitir í þeirri mynd sem þekkist
hér á landi. Þar sér lögreglan að
mestu um slíkt og innan hennar er
sérhæft fólk á þessu sviði, hvort sem
það snýr að björgun á sjó eða landi.
Auk þess skaffar herinn þyrlur þeg-
ar þess þarf.“
Ástæða Íslandsdvalar James er sú
að hann á íslenska kærustu sem hann
kynntist þegar hún var úti á Nýja-
Sjálandi sem skiptinemi fyrir nokkr-
um árum. „Hún bjó hjá mér á meðan
ég kláraði meistaranámið mitt og
núna ætla ég að búa hjá henni á með-
an hún klárar háskólanámið sitt, en
hún byrjaði í haust í þriggja ára
þroskaþjálfanámi. Að því loknu
stefni ég á doktorsnám í erfðafræði,“
segir James sem ætlar að sérhæfa
sig í þróunarerfðafræði, en hann hef-
ur lokið fjögurra ára námi í erfða-
fræði við University of Otago á Nýja-
Sjálandi. „Ég vann meðal annars við
erfðafræðilegar rannsóknir á dýrum.
Mér finnst erfðafræðin heillandi
heimur því þar er ótrúlega margt
ókannað.“
James á ekki langt að sækja áhuga
á erfðafræði því báðir foreldrar hans
Morgunblaðið/KristinnUndir stýri James mátar sig við risavaxinn björgunarsveitartrukkinn í höfuðstöðvum hjálparsveitarinnar, þar sem hann sækir nýliðanámskeið.
Bjargvættur frá Nýja-Sjálandi
Erfðafræðingurinn og fjallageitin James McEwan
var ekki fyrr fluttur til Íslands en hann munstraði sig
í Hjálparsveit skáta. Hann kann vel að meta lamba-
kjöt og hvalrengi en finnst hákarl ógeðslega vondur.
„Ég vann meðal annars
við erfðafræðilegar
rannsóknir á dýrum.“
Hjálparsveit skáta Kópavogi er skipt upp í níu flokka þar sem
félagar sérhæfa sig á afmörkuðum sviðum:
 Afturgöngur: Flokkur eldri félaga sem eru bakhjarl fyrir
yngri félaga og miðla af reynslu sinni.
 Bátaflokkur: Starfar mest á Faxaflóasvæði og sinnir sjó-
björgunum og öðrum útköllum á því svæði.
 Bílaflokkur: Hefur það hlutverk að annast og reka bíla sveit-
arinnar auk þess sem meðlimir bílaflokks sjá um akstur á veg-
um sveitarinnar.
 Nýliðaflokkur: Sér um þjálfun nýrra félaga sem tekur um
eitt og hálft ár.
 Leitarflokkur: Sérhæfir sig í leit að týndu fólki.
 Rústabjörgunarflokkur: Hópur með sérþekkingu sem teng-
ist lífleit að fólki í húsarústum í kjölfar jarðskjálfta eða ofan-
flóða.
 Sjúkraflokkur: Þessi flokkur sérhæfir sig í fyrstu hjálp og
sér um þjálfun félaga sveitarinnar í fyrstu hjálp. Einnig sér
hann um innkaup á sjúkragögnum og eftirlit með þeim.
 Sleðaflokkur: Hefur yfir að ráða fjórum björgunarvélsleðum
sem allir eru sérstaklega vel útbúnir fyrir leit og björgun.
 Undanfarar: Sérhæfa sig í fjallamennsku og fjallabjörgun.
Helstu verkefni hópsins eru leit á svæðum sem eru erfið yfir-
ferðar, björgun úr brattlendi og einnig sjá Undanfarar um
þjálfun nýliða í fjallamennsku, ísklifri og fjallabjörgun.
Afturgöngur og aðrir flokkar
|föstudagur|10. 10. 2008| mbl.is
daglegtlíf