Morgunblaðið - 10.10.2008, Blaðsíða 40

40 FÖSTUDAGUR 10. OKTÓBER 2008 MORGUNBLAÐIÐ
MENNING
Saumaklúbbar
landsins fjölmenni
Fólk
Eftir Arnar Eggert Thoroddsen
arnart@mbl.is
NÝ plata Lay Low, Farewell Good Night’s Sleep, kemur út stafrænt
á tonlist.is fimmtudaginn 16. október. Sama kvöld heldur tónlist-
arkonan útgáfutónleika í Fríkirkjunni. Platan kemur svo út á
iTunes í Bretlandi, öðrum Evrópulöndum og í Asíu mánudag-
inn 20. október og daginn eftir á iTunes í Bandaríkjunum.
Þann dag kemur hún einnig út í efnislegu formi hér á landi.
Að sögn Kára Sturlusonar, umboðsmanns Lay Low,
stóð ekki til að gefa plötuna út strax hjá bandaríska
iTunes, en áhugi innanbúðarmanna þar hafi hins vegar
flýtt fyrir ferlinu.
„Það var Alex nokkur Luke sem tók af skarið. Hann
er háttsettur þarna, ef mig misminnir ekki er hann á
topp hundrað yfir áhrifamestu einstaklingana í tónlist-
arheiminum,“ segir Kári. „Ég kannast aðeins við kauða
og sendi honum hlekk með nokkrum lögum af nýju plötunni til
hlustunar. Hann hafði samband tuttugu mínútum síðar og bauð
okkur pláss í sérstöku singer/songwriter-kastljósi eða „spot-
light“ ef við vildum kýla á útgáfu hjá þeim strax. Við urðum
fúslega við þeirri beiðni.“
Ekkert hefur verið ákveðið með „hefðbundna“ útgáfu er-
lendis, en grannt verður fylgst með viðtökum við stafrænu út-
gáfunni áður en sú vinna fer í gang. Þá má geta þess að tit-
illag síðustu plötu Lay Low, Please Don’t Hate Me,
verður leikið í þriðja þætti nýrrar bandarískrar þátta-
raðar, Crash, sem byggist á samnefndri ósk-
arsverðlaunamynd frá 2006. Dennis Hopper fer þar
með aðalhlutverk.
iTunes vildi Lay Low
 Íslenska hljómsveitin Amiina er
ein þeirra sveita sem fram koma á
plötu með endurútgáfu á lögunum
úr söngva-teiknimyndinni A Night-
mare Before Christmas eftir Tim
Burton. Tónlistin í myndinni, sem
fagnar um þessar mundir 15 ára af-
mæli, er öll eftir undra-tónskáldið
Danny Elfman en þess má geta að
Elfman söng sjálfur hlutverk aðal-
persónunnar Jacks auk þess sem
Elfman á heiðurinn af söngljóðum
myndarinnar.
Að sögn Sólrúnar Sumarliðadótt-
ur hafði Disney-fyrirtækið, sem
gefur plötuna út, samband við
sveitina á meðan hún var á tón-
leikaferðalagi með Sigur Rós fyrr á
þessu ári. Þrátt fyrir lítinn tíma og
aðstöðu ákváðu stúlkurnar að slá til
og endurgerðu lagið „Doctor Fink-
elstein/In The Forest“. Platan er
þegar komin út.
Amiina endurgerir
lag Dannys Elfmans
 GusGus prufukeyrði nýtt efni á
einum besta klúbbi heims um síð-
ustu helgi. Að sögn sveitarinnar var
stemningin á Hive rafmögnuð og
engu líkara en svitinn perlaði af
veggjum staðarins sem var valinn
af tímaritinu Resident Advisor einn
af fimmtán bestu klúbbum heims í
dag. Næstu tónleikar GusGus eru á
Makuhari Messe í Tokyo á laug-
ardag og svo á Iceland Airwaves.
Nýtt GusGus-efni
prufukeyrt í Sviss
Eftir Jóhann Bjarna Kolbeinsson
jbk@mbl.is
„VIÐ gerum okkur grein fyrir að
landslagið er breytt þannig að okk-
ur datt í hug að það gæti verið snið-
ugt að leyfa fólki að hlusta á plöt-
una í heild sinni á netinu í eina eða
tvær vikur áður en hún kemur í
verslanir. Ég held að þetta sé bara
mjög skemmtileg kynning í breyttu
umhverfi og auðvitað viljum við að
sem flestir heyri tónlistina okkar,“
segir Jón Ólafsson, hljómborðsleik-
ari í Nýdönsk, en Turninn, áttunda
hljóðversplata sveitarinnar, kemur
út í dag. Hægt hefur verið að hlusta
á plötuna á tonlist.is að und-
anförnu, en Jón er ekki viss um
hvort aðrir tónlistarmenn hafi boð-
ið upp á slíkt hér á landi áður.
„Ég er búinn að fá töluvert af
tölvupósti frá fólki sem hefur farið
inn og hlustað á plötuna. Vitaskuld
veit maður svo ekkert hvort hinir
sömu kaupi plötuna síðar meir, en
ég held samt að þetta hjálpi til frek-
ar en hitt,“ segir hann.
Gamli línumaðurinn
Nafn plöturnnar, Turninn, vekur
óneitanlega athygli, en líkt og venj-
an er hjá Nýdönsk er platan nefnd í
höfuðið á einu laga hennar.
„Við vorum lengi að velkjast með
nafnið. Yfirleitt hefur þetta ekki
verið neitt vandamál því við höfum
alltaf verið með lag sem virkar vel
sem plötutitill líka, til dæmis De-
luxe, Himnasendingu og Hús-
mæðragarðinn. Að þessu sinni vor-
um við í svartaþoku með nafnið þar
til við sáum umslagið með myndinni
af karlinum. Þá sáum við að þarna
var bara kominn Turninn sjálfur –
gamli línumaðurinn úr Val,“ segir
Jón og hlær, en umslagið prýðir
mynd af „manni“ sem er samsettur
úr andlitum allra meðlima sveit-
arinnar.
En hvernig plata átti Turninn að
verða? Hvað var lagt upp með?
„Við vorum ákveðnir í því að hún
ætti að vera fersk hvað það varðar
að við ætluðum bara að kýla inn
bæði söng og spil á skömmum tíma.
Við tókum plötuna bara upp á fimm
dögum, svipað og við gerðum með
Deluxe í gamla daga. Við vildum
vinna þetta hratt til að forðast fág-
un og óþarfa dauðhreinsun sem
hefur skemmt margt lagið,“ segir
Jón, en til samanburðar má nefna
að þeir félagar voru mun lengur að
vinna síðustu plötu sveitarinnar –
Pólfarir.
„Við þurfum ekkert lengri tíma
en þetta, hópurinn er það sam-
stilltur. Eftir langt og gott samstarf
er kannski ekkert ótrúlegt hvað við
erum alltaf sammála þegar við er-
um að vinna í tónlist. Það er aldrei
neitt vesen.“
Sameina það besta
Það vakti mikla gleði hjá Ný-
dönsk-aðdáendum þegar Daníel
Ágúst gekk aftur til liðs við sveitina
fyrr á þessu ári. Aðspurður segir
Jón frábært að fá hann aftur, þótt
hann hafi vissulega breyst frá því
hann sagði skilið við sveitina fyrir
rúmum áratug. „Danni hefur
þroskast gríðarlega sem tónlist-
armaður. Hann er náttúrlega búinn
að fara út um allan heim að syngja,
og búinn að vera í danstónlist og
hinu og þessu. Þannig að hann kom
með mikinn kraft og margar hug-
myndir inn í þennan hóp. Honum
hefur líka farið mikið fram í söngn-
um, þótt hann hafi alltaf verið frá-
bær er hann bara orðinn ennþá
betri. Og það sama finnst mér
reyndar um Björn.“
Blaðamaður getur ekki stillt sig
um að spyrja einnar klisjukenndrar
spurningar að lokum: Er Turninn
besta Nýdönsk-platan hingað til?
„Ja – mér finnst þetta allavega fjári
góð plata. Þótt ég sé búinn að vera í
sveitinni mjög lengi þá byrjaði ég
sem pródúser hljómsveitarinnar og
fyrir vikið tel ég mig hafa átt nokk-
uð auðvelt með að horfa á hljóm-
sveitina dálítið hlutlaust, ef þannig
má að orði komast. Ég hef mínar
skoðanir á því hvað eldist vel og
hvað ekki. En á þessari plötu finnst
mér eins og við höfum náð að sam-
eina ýmislegt af því besta af okkar
vinsælustu plötum – þ.e.a.s. Himna-
sendingu og Deluxe,“ segir Jón, og
miðað við þau orð ættu aðdáendur
ekki að verða fyrir vonbrigðum,
enda frábærar plötur þar á ferð.
Þess má loks geta að fyrstu út-
gáfutónleikar plötunnar verða á
Græna hattinum á Akureyri hinn
18. október. Tónleikar í Reykjavík
verða svo haldnir í lok mánaðarins,
en þeir verða auglýstir síðar.
Hrátt og ferskt rokk
 Nýdönsk sendir frá sér sína áttundu plötu í dag  Sameinar það besta af
Deluxe og Himnasendingu  „Aldrei neitt vesen,“ segir Jón Ólafs um samstarfið
Ljósmynd/Bjarni Grímsson
Samstiga Jón segir Nýdanska alltaf sammála þegar kemur að tónlistinni.
Lýstu eigin útliti. Svona dæmigerð-
ur Íslendingur með áhyggjusvip.
Hvaðan ertu? Íslandi. Stórasta landi
í heimi. En kannski verð ég bráðum
kominn með norskt vegabréf!
Ef þú fengir 700 milljarða, hvað
myndirðu gera við þá? (spyr síðasti
aðalsmaður, Lilja Nótt Þórarins-
dóttir) Hringja í Geir og segja: „Bú-
inn að redda þessu kallinn minn.“
Styðurðu ríkisstjórnina? Verða ekki
allir að standa saman og styðja hver
annan? En ég er ekkert að deyja úr
hamingju með hana.
En stjórn Seðlabankans? Enginn
sérstakur stuðningsmaður þessa
dagana.
Hver ber ábyrgð á kreppunni? Herra
Græðgi, Herra Bjartsýnn og Herra
Heimskur.
Hvenær náði útrásarveislan há-
marki? Ég hélt alltaf að útrás þýddi
bara að vera fullur á balli og lenda í
slag eða eitthvað svoleiðis. Svo varð
þetta allt í einu voða fínt orð.
En lágmarki? Þegar litli, feiti, sköll-
ótti kallinn hann Elton John var orð-
inn dinnerpíanóleikari hjá aurgoð-
unum.
Hvaða þrjú orð ná yfir núverandi
ástand? Mun þetta reddast?
Hvað rímar við „kreppa“? Á Íslandi
er komin kreppa / Kaupmarkaðir
saman skreppa / Hver mun núna
hnossið hreppa? / Allt í hnút og ein-
tóm teppa
Hvenær varstu hamingjusamastur?
Á laugardaginn þegar KR varð bik-
armeistari. Er enn uppfullur af ham-
ingjuhormónum. Takk fyrir mig!
Hvenær varstu reiðastur? Ég var
mjög reiður ungur maður en alltaf
reiður út í fáránlega hluti. Það eina
sem reitir mig nú til reiði er mann-
vonska. En passið ykkur á reiðinni.
Hún er lífshættuleg.
Hver yrði titillinn á kvikmynd um
ævi þína? Nokkur ógleymanleg
blakkát. Ævisaga gleðimanns.
Hvað leggurðu til að fólk geri í
kreppunni til að létta lundina?
Þetta er bara peningakreppa.
Peningar eru bara hjóm. Það
sem er best er ókeypis. Ást,
fjölskylda og vinátta. „Make
Love Not War.“ „Ríða en ekki
stríða!“
Hvers viltu spyrja næsta við-
mælanda? Trúir þú öllu sem
þú lest í Morgunblaðinu?
FREYR EYJÓLFSSON
AÐALSMAÐUR VIKUNNAR ER ÞJÓÐKUNNUR ÚTVARPSMAÐUR OG MEÐ-
LIMUR Í HLJÓMSVEITINNI GEIRFUGLUNUM. Í KVÖLD FRUMSÝNIR HANN Á
STÓRA SVIÐI BORGARLEIKHÚSSINS SÖNGLEIKINN FÓLKIÐ Í BLOKKINNI
EFTIR ÓLAF HAUK SÍMONARSON.
Aðalsmað-
urinn Freyr
kann nokk-
ur rímorð
við kreppu.
 Það verður sannkölluð sixt-
íshátíð á Players nú á laugardaginn
þegar Specials, með Óttari Felix í
broddi fylkingar, fær til sín sér-
staka heiðursgesti. Gömlu Tempó-
stjörnurnar Halldór Kristinsson og
Þorgeir Ástvaldsson. Dóri og Toggi
taka aftur Peter & Gordon smellinn
True Love Ways sem fékk æskulýð
sjöunda áratugarins til að skjálfa í
hnjánum af hrifningu. Allar konur
þessa lands fá frítt inn til miðnættis
svo saumaklúbbarnir geta sann-
arlega notað tækifærið.
Ítarlegt viðtal við Lay Low vegna plötunnar nýju
verður að finna í sunnudagsblaðinu.
Lay Low iTunes í Bandaríkjunum sóttist
sérstaklega eftir nýrri plötu sveitarinnar.