Morgunblaðið - 19.10.2008, Blaðsíða 25

flett,“ segir Jóhann. Það eru orð að
sönnu. Þarna er margur bíllinn í
glæstum búningi, en líka flök á ýms-
um stigum og greinilegt að bílflök í
túnfætinum hafa vakið athygli Ár-
sæls á ferðum hans um landið. „Já,
já. Ég glennti upp augun ef ég sá
bílflak einhvers staðar. Ég varð að
skoða það og mynda og kannski at-
huga hvort það væri falt. En svona er
ég ekki lengur. Nú skotra ég aug-
unum svona rétt til hliðar, en stoppa
ekki nema eitthvað alveg sérstakt
beri fyrir augun.“
– Hvað hafa margir bílar farið um
hendur bræðranna?
„Hann Jóhann hefur átt einhverja
þúsund bíla,“ segir Árni Páll. „Nei,
nei,“ mótmælir Jóhann. „Ég er löngu
hættur að safna fyrir mig. Þetta var
náttúrlega bara bíladella.“ Ársæll
segist ekki hafa haldið utan um sína
bílaeign. „Nú er ég bara – og hann
telur á fingrum sér – nú á ég bara tíu
bíla. Fyrir utan þessa tvo sem við
höfum talað um á ég Hillman ’37,
Ford ’49, ’53 og ’55, tvo Pontiac-
blæjubíla, og tvo Chevroletta, ’50 og
’51. Þetta er nú ekki meira en það!“
segir hann og virðist hissa yfir út-
komunni. „Það tekur því ekki að
minnast á þetta.
Enda á ég bara mína bíla og geri
þá upp á tíu, fimmtán ára fresti. Ég
hef gert Hudsoninn upp þrisvar
sinnum og einhverja tvisvar sinnum.
Þannig held ég lífinu í þeim.“
„Það er enginn flinkari en hann við
að gera upp bíla,“ segir Jóhann.
„Margir eru bara tótt, þegar hann
tekur við þeim og svo lifnar bíll í
höndunum á honum. Sjálfur nenni ég
þessu ekki. Ég skipti bara um.“
Fékk bíl í happdrætti
Bílar hafa borizt Ársæli með ýmsu
móti. Suma hefur hann keypt, aðra
fengið gefins, þar sem þeir biðu eftir
brotajárnsskipum, og einn vann
hann í happdrætti. „ Það var happ-
Uppáhaldið Oldsmobilinn hefur Ársæll átt lengst og gert upp fimm sinnum.
‘‘HÉR ÁÐUR FYRRVORKENNDI FÓLKMANNI ALVEG
ÓSKAPLEGA AÐ
VERA Á ÞESSU EN
SVO BREYTTIST
ÞETTA OG ÞAÐ
VARÐ FÍNT
drætti Fornbílaklúbbsins. Þá átti ég
Oldsmobile ’56 og Ford ’49 og Hud-
son ’47 og ætlaði að kaupa þau núm-
er. En þau voru þá öll farin svo ég
varð að sætta mig við að setja 1 fyrir
framan. Og svo vann ég á 156, fékk
Chevrolet Impala ’59 frá Bandaríkj-
unum.“
Bílarnir hans Sæla hafa reynzt
vinsælar kvikmyndastjörnur. Þeir
hafa komið víða við; m.a. í kvikmynd-
unum Djöflaeyjunni og Mávahlátri.
Og út í Flatey fóru þeir til kvik-
myndaleiks. „Það var ekki hægt að
gera bíómynd án þess að fá Sæla og
bílana hans,“ segir Ársæll. „Það
tímdi enginn að lána bílinn sinn, en
ég gat alveg séð af mínum. Mínir
bílar eru nefnilega útibílar en engir
bómullarbílar. Ég hafði einu sinni
einn bílinn inni yfir veturinn og þá í
snjóskafli. Öðru vísi var það nú
ekki.“
– Hafa yngri bílar aldrei höfðað til
Ársæls?
„Á þeim tuttugu árum sem ég var í
að ryðverja, langaði mig bara í einn
bíl af öllum þeim nýju bílum sem ég
ryðvarði. Þetta var Rambler Marlin.
Mér fannst hann flottur, svo öðru vísi
en allir aðrir.“
– Hvað er allt þetta bílastúss eig-
inlega?
„Þetta er bara bilun. Og ekkert til
við henni nema einn bíll í viðbót.“
freysteinn@mbl.is
25
MORGUNBLAÐIÐ SUNNUDAGUR 19. OKTÓBER 2008
Á flot Skrúfurnar á sínum stað og lagt á vatnið.
Furðuverk Bátarnir í höfninni reka upp stór augu, þegar þeir sjá lagarbílinn fara hjá.
Einn bíll er í slíku uppáhaldi hjá Jóhanni að hann hefur aldrei
viljað selja hann. „Og ætla ekki,“ segir hann fastmæltur. Þetta
er reyndar hvorki bíll né bátur, en gerir þó hvort tveggja að
aka á vegi og vatni, þetta er láðs- og lagarbíll; Amphicar.
„Þetta er eini bíllinn sem er með lausar skrúfur eins og við,“
segir Jóhann og hlær.
Amphicar var framleiddur í Þýzkalandi 1959-64. Það voru
framleiddir fjögur þúsund átta hundruð og eitthvað bílar sem
flestir fóru til Bandaríkjanna. Einn kom hingað í sýningarferð
og Hjalti í Vöku eignaðist hann, en síðan gekk bíllinn milli
manna þar til Jóhann keypti hann.
Jóhann segir fólk oft reka í rogastanz þegar það sér bílinn
aka á vatni eins og ekkert sé. „Þessi bíll er bara sniðugur,“
segir hann. „Hann er ekki skemmtilegur á vegi en fínn á
vatni.“
Jóhann á annan öðling; svartan Packard 54, sem er vinsæll
að rúnta í á merkisdögum, t.d. brúðkaupsdögum. Stundum
standa þeir tveir; Packardinn og Hudsoninn borðaskreyttir
fyrir utan Hraunteig og setja svo sannarlega svip á staðinn.
LÁÐS- OG LAGARBÍLL
Flottir Hudson og Packard
SÓLNING
Kópavogur, Smiðjuvegi 68–7 0, sími 544 5000 • Njarðvík, Fitjabraut 12, sími 421 1399
Selfoss, Gagnheiði 2, sími 482 2722
Skiptu á
vetrardekkin
í dag
Virka daga
8.00–18.00
Laugardaga
9.00–13.00
Opnunartímar
Vaxtalaus greiðslukjör
í allt að 12 mánuði
(visa/euro) Engin útborgun
Sjóntækjafræðingar með
réttindi til sjónmælinga
og linsumælinga
Fáðu úrslitin
send í símann þinn