Skinfaxi - 01.11.1940, Blaðsíða 41

SKINFAXI
121
U. M. F. I. í nefndinni, aö vita greinilega um alla íþrótta-
a'ðstööu um allt land. Hún þarf að vita um allar sundlaug-
ar landsins, alla íþróttavelli, öll fimleikahús. Hún þarf að
vita, hvað gert hefir verið á hverjum stað á liðnum árum,
hvort sem er í félögum, skólum eða á öðrum vettvangi. Og
hún þarf að fá að vita um fyrirætlanir, hugsjónir og fram-
kvæmdadrauma félaga og einstakra áhugamanna í íþrótta-
málum. Þess vegna vill nú fulltrúi U. M. F. í. •— sem lítur
um leið á sig sem fulltrúa dreifbýlisins í nefndinni — hiðja
Umf. og einstaka áhugamenn að senda sér sem gleggstar
upplýsingar um allt, sem viðkemur iþróttamálum i heima-
högum þeirra. Góð sambönd út um land og góð samvinna
við Umf. er mikið skilyrði þess, að hann geti unnið verk
sitt vel.
Aukning U. M. F. í.
Aldrei frá upphafi vega hafa verið jafnmörg félög og
jafnmargir félagsmenn í U. M. F. í. Félögin eru nú um
90 og félagsmenn i þeim um 4000. Ný félög eru af og til
að bætast við, og víða er rnikil fjölgun í félögum þeirn,
sem fyrir eru. Þessu fylgir aukinn áhugi og aukin störf.
Mynd sú, er formaður Umf. Samhygðar bregður uþp af
félagi sínu, í smágrein i þessu hefti, á víða sinn lika. —
Þau félög, sem síðast hafa genglð i sambandið, eru Umf.
Afturelding í Reykhólasveit, Umf. Morgunn í Dalahreppi
i Arnarfirði, Umf. Reynir í Mýrdal, Umf. Fjalldrapi á
Vatnsnesi og Umf. Varmi í Haganeshreppi.
Einn maður hefir bætzt við í styrktar- og aukafélaga-
deild U. M. F. í.: Jónas Lárusson bryti. Gamlir ungmenna-
félagar, sem hættir eru að vera virkir félagsmenn, ættu að
ganga í deild þessa, til þess að halda tryggð og sambandi
við félagsskapinn og styrkja hann. Lágmarksársgjald er
kr. 5,00, en æfigjald kr. 50,00. Aukafélagar fá Skinfaxa
og hafa öll félagsréttindi.
Gjafir til U. M. F. f.
Það kemur merkilega sjaldan fyrir, að U. M. F. I. séu
gefnar gjafir, jafnsterk ítök og það á þó i miklum fjölda
manna. Þrastaskógur má heita eina stórgjöfin, sem sam-
bandið hefir hlotið að þessu. Nú í haust hafa U. M. F. t.
borizt tvær ágætar gjafir, sem skylt er að geta og þakka
vel.
Sigurður Jónasson forstjóri, er keypti Þrastalund s.l. ár