Skinfaxi - 01.11.1956, Blaðsíða 12
108
SKINFAXI
slarksamkomum þeim er mjög hafa tíðkazt til fjáröfl-
unar fyrir félagsheimili.
Það er mikil nauðsyn fyrir dreifbýlið að eignast sam-
komuhús fyrir fólk sitt. En hús þessi eru dýr í bygg-
ingu og rekstri og til að afla þeim fjár hefur verið
gripið til þess ráðs að halda þar skemmtanir sem naum-
ast er hægt að kenna við menningu eða nokkurn sóma.
Aftur á móti hafa fagrar listir og annar menningar-
auki átt þar lítið athvarf yfirleitt. Þania er úr vöndu
að ráða en samt ekkert undanfæri að koma þessu í
lag.
Það er álitamál hvort félagsheimilin eru ekki of mörg,
því með bættum samgöngum verður mögulegt að sækja
um lengri veg þangað sem eitthvað er um að vera og
má þá hlynna bstur að húsunum og starfsemi þeirra.
Það væri t. d. nægilegt að hafa tvö félagsheimili í Borg-
arfiarðarsýslu, eitt ofan Skarðsheiðar og annað sunnan
heiðar. En þarna eru nú fjögur vegleg hús og það
fimmta í smíðum, en ráðgert er að reisa tvö eða þrjú
í viðbót. Ennfremur eru góðir samkomusalir í skólun-
um á Hvanneyri og Reykholti. Svo er athugandi hvort
ekki má sameina kirkjur og fundahús í eina byggingu,
þannig að enginn ósómi hljótist af. Þetta hefur verið
gert á þessu landi og í öðrum og gefst vel, segja menn.
En fjöldi fólks má ekki heyra slíkt nefnt og telur þess
kpnar samvinnu til hinnar mestu hneisu. Þarna held
ég að við séum allmikið á eftir tímanum og mun það
verða Ijósara þegar fram kemur hvað kostar að starf-
rækja öll þessi félagsheimili og þessar stóru kirkjur.
Þá er hætt við að menningarmálin sjálf sitji á hakanum
því það verður fullerfitt verkefni að halda í horfinu
með þessar dýru byggingar og allt það heimsglys sem
þar er saman komið. Um allt þetta má deila og komast
að ýmsum niðurstöðum, en hitt er augljóst mál að félags-
heimili sveitanna veita möguleika til mikils menningar-
lífs, ef sæmilega tekst að koma þessum málum í gott