Skinfaxi - 01.12.1989, Qupperneq 5

Skinfaxi 80 ára
Á þessu ári eru liðin 80 ár frá því Skinfaxi hóf
göngu sína. Það má teljast ganga kraftaverki næst
að aðeins tveimur árum eftir stofnun UMFÍ skuli
samtökunum hafa tekist að koma út tímariti.
Frumkvöðlar ungmennafélagshreyfingarinnar
unnu af miklum þrótti og hugsjónaeldurinn breiddist
um landið eins og eldur í sinu. Það þurfti málgagn
til að veita upplýsingar og til að örva til dáða. 11.
tölublaði Skinfaxa skrifar Helgi V altýsson sem ásamt
Guðmundi Hjaltasyni myndaði fyrstu ritstjórn:
„Skinfaxi heitir hann, og sól og sumaryl vill hann
breiða yfir land allt. Bera kveðju milli
ungmennafélaganna. Og færa þeim fréttir af starfi
voru víðsvegar um land.”
Áhrif Skinfaxa urðu ótrúleg, enda rituðu í blaðið
margir hugsjónamenn sem síðar áttu eftir að verða
þjóðskörungar og stjórna landinu á erfiðum tímum.
En 80 saga Skinfaxa er ekki eintóm sigurganga,
þar hafa skipst á skin og skúrir og útgáfan hefur oft
átíðum veriðerfið. Ungmennafélögumheurfjölgað
verulega á undanförnum árum og eru nú um 40
þúsund talsins.
Sty rkleiki ungmennafélagshreyfingarinnar hefur
sjálfsagt aldrei verið meiri, nema ef vera skyldi í
byrjun, þótt erfitt sé að bera slíka hluti saman.
Áskrifendasöfnun hefur gengið hægt og ekkert í
samræmi við félagafjölgun.
Hvað er til ráða? Þessari spurningu höfum við
velt fyrir okkur frá því ég man eftir úr starfinu eða
Pálmi Gíslason,
formaður UMFI
síðastliðin 20 ár. Það hefur stöðugt verið reynt að
bæta blaðið, breyta því og höfða til sem flestra.
Margar frábærar greinar hafa birst á undanförnum
árum ásamt miklu af gagnlegum upplýsingum.
Blaðið hefur verið kynnt eftir bestu getu. En þrátt
fyrir mikinn áhuga og mikla starfsemi félaga vítt
um land, verður Skinfaxi útundan.
Á afmælisárinu hefur því verið rætt um að draga
úr útgáfu blaðsins. Það verður að teljast undarlegt
á þeim tíma þegar ungmennafélagshreyfingin er í
sókn á flestum sviðum æskulýðs- og íþróttastarfs.
En mikill útgáfukostnaður blaðsins sem nær til
svo fárra hefur valdið þessari umræðu. Það erekki
sársaukalaust að leggja niður eða draga úr útgáfu
Skinfaxa. Saga blaðsins höfðar til tilfinninga
margra og vonandi finnum við nýjar leiðir. Leiðir
til að ná til félaga okkar og gera blaðið að því sem
það var og ætti að vera.
Pálmi Gíslason.
Útgefandi: Ungmennafélag íslands. - Ritstjóri:Ingólfur Hjörleifsson. -
Ábyrgöarmaöur: Pálmi Gíslason. - Stjórn UMFÍ: Pálmi Gíslason, formaður, Þórir
Haraldsson, varaformaöur, Þórir Jónsson, gjaldkeri, Guömundur H. Sigurösson,
ritari. Meöstjórnendur:Dóra Gunnarsdóttir, Kristján Yngvason, Sigurbjörn
Gunnarsson. Varastjórn: Magndís Alexandersdóttir, Hafsteinn Pálssson, Matthías
Lýösson, Sæmundur Runólfsson. - Afgreiðsla Skinfaxa: Öldugata 14, Reykjavík,
S:91 -12546 - Setning og umbrot: Skrifstofa UMFÍ. - Prentun: Prentstofa G. Ben -
Pökkun: Vinnustofan Ás.
Allar aösendar greinar er birtast undir nafni eru á ábyrgö höfunda sjálfra og túlka ekki
stefnu né skoðanir blaðsins eöa stjórnar UMFÍ.
Skinfaxi
5