Sjómannablaðið Víkingur - 01.09.1980, Blaðsíða 40

Ég átti fullt í fangi með að hanga í
pólkompásnum, svo var straum-
urinn sterkur í gegn. Skipið var
lunningafult aftur úr og framúr og
ég veit ekki hvað hefði gerst ef
annað brot hefði skollið yfir það,
áður en það hefði losað sig við
þetta heljarfarg, sem á því hvildi.
Ég sendi annan hásetann niður til
að vita hvernig liði í káetunni, en
þar sváfu allir skipsmenn nema ég.
Rétt í því að maðurinn fór eftir
keisnum og þar niður, sá ég tvö
leiftur frá vitanum en syrti strax að
aftur. En það var nóg; ég gat
miðað vitann og áætlað fjarlægð-
ina. Síðan sneri ég skipinu norður
eftir og lensaði með hægri ferð,
ætlaði mér inn á ál, rétt eins og
hundur sem lent hefur í áflogum
og lætur undan síga til að geta
sleikt sár sín.
Maðurinn sem sendur hafði
verið aftur í, sagði sínar farir ekki
sléttar. Hann hafði alls ekki kom-
ist inn í káetuna. Þungt og viða-
mikið borðið, sem boltað var
niður á alla vegu, hafði rifnað upp,
slengst yfir sig og stóð nú upp á
endann fyrir dyrunum og komst
þar enginn út eða inn.
„Við skulum láta þá um þetta“,
sagði ég „þeir eru nógu margir til
að draga það í bandi til baka á sinn
stað.“
Þetta var nú hreint ekki góð
byrjun á Englandssiglingu. Átta-
vitinn brotinn og gjörónýtur og sá í
brúnni hafði ekki verið leiðréttur í
háa herrans tíð, enda aðeins not-
aður einstaka sinnum til að miða
með honum og þá vissi ég að
munurinn á honum og þeim sem
uppi var, hafði verið tólf gráður.
Jæja hvað um það, áfram skyldi
haldið hvað sem tautaði og raul-
aði. Einhverju mátti tjasla fyrir
gluggana. Það yrði nóg að hafa
einn opinn, ekki síst þegar brúar-
hurðina vantaði.
Þó stutt væri milli élja, sá ég
Eindrang og síðar Þrídranga, setti
síðan stefnuna austur fyrir, innan
við eyjar. Það dró úr djöfulgang-
inum meðan við vorum í hlé við
eyjarnar og að lensa þessu skipi
inn á álinn hafði verið yndislegt.
Það kom aldrei dropi á hann á
undanhaldi.
Þegar við komum austur fyrir
Heimaey, setti ég stefnuna á
Pentil.
Nú lá vindur framan til á
stjórnborðssíðu þá þurfti engar
áhyggjur að hafa. Þetta skip tók
aldrei sjó á sig á síðuna. Nú var
komið ágætis ferðaveður, sjö
vindstig af suðvestri. Ég tók stýrið
á meðan vaktin sótti lestarborð
0 HITACHI
Myndsegulbandstæki
VHS kerfid er framtídin
VT-5000 er fáanlegt
ATH 22% lækkun frá fyrri sendingu
Umboðið Vilberg og Þorsteinn
Laugavegi 80 sími 10259-12622 Reykjavík
40
VÍKINGUR