Sjómannablaðið Víkingur - 01.09.1999, Page 101

Frostmark ehf. er ungt og framsækið fyrirtæki sem leggur áherslu á að þróa nýja tækni
Ný aðferð við rækjufrystingu
getur valdið gjörbyltingu
Fyrirtækið Frostmark ehf býður
fram allt sem þarf til kælingu og
frystingu matvæla þar á meðal
sjávarfangs. Frostmark hannar og
smíðar búnað eins og hverjum og
einum viðskiptavini hentar auk
þess að veita varahlutaþjónustu.
Fyrirtækið var stofnað 1996 en
eigendur þess hafa langa reynslu
að baki á þessu sviði. Þar starfa
nú 12 manns. Frostmark hefur
þróað nýja frystiaðferð sem reynd
verður við rækjufrystingu í haust.
Með þessari nýju aðferð sparast
umtalsverð orka og nýtingin eykst
að miklum mun. Ekki er annað að
sjá en þessi aðferð þýði gjörbylt-
ingu í rækjufrystingu og síðar ann-
ari frystingu. Sjómannablaðið Vík-
ingur ræddi við Guðlaug Pálsson
vélfræðing og einn eiganda Frost-
marks. Hann var fyrst spurður
hvernig fyrirtækinu gengi að
tryggja sig i sessi á markaðinum.
„Með því að hanna og smíða
búnaðinn sjálfir en flytja inn alla í-
hluti sem þarf frá erlendum fram-
leiðendum náum við að bjóða
framleiðsluna á mjög hagstæðu
verði enda stöndum við vel í þeirri
hörðu samkeppni sem ríkir á
þessu sviði. Við stærri verkefni
fáum við samstarfsaðila til liðs við
okkur og ég get þar til dæmis
nefnt Formax. Nú síðast vorum
við að Ijúka við smíði og uppsetn-
ingu á bandfrysti í Sandgerði sem
var mikið verkefni. Þessi band-
frystir frystir 500 kíló af flökum á
klukkustund. Lausfrystir sem
þessi er nýjung og verkið var boð-
ið út víða í Evrópu en það er er-
lendur aðili sem er kaupandi.
Okkar tilboð var mjög hagstætt
og maður frá Belgíu sem kom
hingað vegna þessa sagðist ekki
hafa séð jafn góða smíði á svona
búnaði í öðrum löndum. Við leggj-
um áherslu á það við hönnun á
öllum okkar kerfum að raforku-
notkun verði í lágmarki sem og að
nýting afurðanna sé sem best.
Það er stór þáttur í okkar hönnun-
arvinnu og smíði að búnaðurinn
sé rekstrarlega hagkvæmur. Auk
sjávarútvegsfyrirtækja eru það
matvælafyrirtæki almennt og iðn-
fyrirtæki sem kaupa okkar fram-
leiðslu."
-Er ör þróun í framleiðslunni?
„Við erum með nokkrar nýjung-
ar og ég var búinn að nefna verk-
efnið í Sandgerði. Ég get líka
nefnt að við höfum smíðað kæli-
kerfi sem kælir niður sjó eða vatn
með hitastigi innan við hálfa
gráðu frá frostmarki. Þessi búnað-
ur er notaður í skipum sem og í
landi til þess að kæla hráefni fyrir
vinnsluna. Þetta höfum við þróað
þannig að unnt er að halda hita-
stiginu stöðugu miðað við mis-
munandi flæði og svo framvegis.
Sömuleiðis bjóðum við heildar-
lausn í stjórnbúnaði kæli- og
frystikerfa. Um er að ræða tölvu-
búnað sem stýrir öllu ferlinu á-
samt upplýsinga- og skráningar-
kerfum með viðvörunarbúnaði.
Þetta gerum við í samvinnu við
þekkt breskt fyrirtæki sem heitir
ELM. Einnig bjóðum við viðvörun-
arkerfi vegna kælimiðilsleka og sá
búnaður getur í sjálfu sér mælt
hvaða lofttegund sem er. Þennan
búnað bjóðum við á hagstæðara
verði en áður hefur þekkst á
markaði hér á landi.“
-Þið í Frostmark eru þá að
stunda uppfinningar meðfram
framleiðslunni?
„Þetta byggist auðvitað á þeirri
reynslu sem er til staðar innan fyr-
irtækisins og samstarfi við aðila
eins og Formax. Ég hef líka séð
það gengum árin að við þurfum
siður en svo að skammast okkar
gagnvart útlendingum. Við höfum
yfir að ráða tækniþekkingu ekki
síður en þeir. Á sjávarútvegssýn-
ingunni kynnum við vatnskæli-
kerfið og sýnishorn af stjórnbún-
aðinum ásamt viðvörunarkerfinu.
Einnig plötuvarmaskipti frá þýsk-
um aðila sem við erum í samstarfi
við. Síðast en ekki síst vil ég nefna
að undanfarin tvö ár höfum við
verið að þróa hugmynd að nýrri
frystiaðferð sem Rannsóknarstofa
fiskiðnaðarins hefur gert þrófanir
á. Þessi frystiaðferð er fyrst og
fremst hugsuð fyrir rækjufrystingu
en nýtist fyrir aðrar afurðir síðar.
Niðurstöður prófana sýna að
þessi frystiaðferð notar helmingi
minni orku heldur en hefðbundnir
frystar og nýting afurða er miklu
meiri en kemur úr hefðbundinni
frystingu. Búnaðurinn er ódýrari
en sá sem nú er á markaði. Þessi
aðferð hefur ekki verið reynd áður
en hún verður sett upp og reynd á
Hólmavik nú í haust,“ sagði Guð-
laugur Pálsson. ■
SjÓMANNABLAÐIÐ VfKINGUR
101