Náttúrufræðingurinn

Árgangur

Náttúrufræðingurinn - 01.04.1949, Blaðsíða 47

Náttúrufræðingurinn - 01.04.1949, Blaðsíða 47
Spurningar og svör í ráði er að taka upp til reynslu þá nýlundu í Náttúrufræðingnum að birta kafla með þessari fyrirsögn í sumum eða öllum heftum hans. Lesandanum mun þegar ljóst, af fyrirsögninni einni saman, hvert efnið muni eLa að vera, því að allir kannast við liina ágætu þætti Ríkisútvarpsins, spurningar og svör, bæði um íslenzkt mál og um náttúrufræði. Þetta verður sams konar að öðru leyti en því, að hér fær spyrjandinn skrifleg svör, en ekki munnleg. Vitaskuld verður hér einungis svarað spurningum um náttúru- fræði, fyrst og fremst dýrafræði, grasafræði og jarðfræði. Ég hef sérstaklega beðið þá Finn Guðmundsson, dýrafræðing", og Ingólf Davíðsson, grasafræðing, um aðstoð við að svara spurningum úr sínum fræðigreinum og fengið ágætar undirtektir. Og ekki er að efa, að fleiri náttúrufræðingar, í víðustu merkingu orðsins, muni l)regðast vel við, ef til þeirra verður leitað. Lesendur eru livattir til að senda Náttúrufræðingnum spúrning- ar um áhugamál sín. Með því gera þeir ekki aðeins sjálfum sér gagrt, heldur einnig öðrum þeim lesendum ritsins, er Iiafa svipuð áhuga- mál. Svör verða birt eins fljótt og kostur er, væntanlega oftast í því hefti, sem er í undirbúningi, er spurningarnar berast. Það skal tekið skýrt fram, að engu er lofað um að svara öllum spurningum, sem kunna að berast.. Náttúrufræðingurinn er engin alvitur véfrétt, og tími okkar og rúm það, sem þessum þætti er ætlað í ritinu, er hvort tveggja takmarkað. Spyrjið því einfaldra hluta, sem liægt er að svara í stuttu máli eða einni setningu. Þá spyrjið þér fyrir munn flestra, og þá megið þér Iielzt vænta svars. Leyfið börn- unura að spyrja. Barnalegustu spurningarnar eru verðastar svars. Fullt nafn og heimilisfang spyrjanda verður að fylgja spurning- unum. En að sjálfsögðu verða þær birtar undir dulnefni eða nafn- lausar, ef þess er óskað. Spurningar skulu sendar ritstjóranum: Guðmundi Kjartanssyni, Strandgötu 37, Hafnarfirði. Ritslj.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.