Náttúrufræðingurinn - 1968, Síða 25

NÁTTÚRUFRÆÐINGURINN
71
skipulagningu jarðfræðirannsókna fer því að verða aðkallandi,
ekki beinlínis til að skapa öllum þessum hópi atvinnu í greininni
— það er þeirra sjálfra að skapa sér verksviðið og sýna fram á þörf-
ina fyrir sig — heldur til þess að fá þessa starfskrafta nýtta á sem
beztan hátt. Það kom raunar fram í umræðunum, að verulegur
hluti þessa hóps muni geta fengið atvinnu við jarðfræðirannsóknir
innan tíðar, svo framarlega sem einltverjir finnast, sem vilja leggja
fyrir sig kennslu, en hafa rannsóknirnar að sumarstarfi.
Loks þökkum við höfundum erindanna fyrir framlag sitt og rit-
stjóra Náttúrufræðingsins góðar undirtektir við beiðni okkar um
að fá greinarnar ljirtar í tímaritinu.
Kristján Sœmundsson Stefán Arnórsson.
Jarðelclarannsóknastöð á íslandi
Sigurður Þórarinsson
Náttúrufrœðistofnun íslands
ísland er óvéfengjanlega eitt af merkustu eldfjallalöndum jarð-
arinnar. Landið er allt hlaðið upp í eldsumbrotum. Enn er þriðj-
ungur þess virkt jarðeldasvæði og ekki aðeins eitt af þeim stór-
virkustu á gjörvallri jarðkringlunni heldur einnig liið fjölbreyti-
legasta um eldvirkni. Það er löngu klassískt í sögu jarðeldarann-
sókna sem land mikilla flæðigosa úr gossprungum og dyngjum.
Það voru lýsingar af íslenzkum flæðigosum, sem áttu drjúgan þátt
í sigri plútönista yfir neptúnistum. Hér er einnig að finna virkar
flestar þær gerðir eldstöðva, sem fyrirfinnast. Jafn margar gerðir
virkra eldstöðva er hvergi annars staðar að finna. Og þær fáu
gerðir, sem ekki eru meðal virkra eldstöðva, er að finna meðal
þeirra sem kulnaðar eru. Bergfræðilegar rannsóknir síðari ára svo
sem rannsóknir G. P. L. Walkers og aðstoðarmanna hans á Austur-
landi og rannsóknir Haraldar Sigurðssonar og fleiri á Snæfellsnesi
hafa leitt í ljós, að berggrunnur Islands er raunverulega miklu fjöl-
breytilegri og forvitnilegri en fræðimenn hafði órað fyrir. í tertíera
og pleistósena berggrunninum er að finna leifar eða rústir fjöl-