Tímarit kaupfjelaga og samvinnufjelaga - 01.06.1907, Qupperneq 5

62
vöruleyfum söludeildar. Sjeu nú eignir fjelagsheildarinnar,
sem jeg hef skýrt frá, lagðar hjer við, nema allar þessar
eignir 54 — 55 þús. kr. Þarna fyrir utan eru í sparisjóði
fjelagsins miklar eignir, og tilheyra þær að miklu leyti
fjelagsmönnum, eða vandamönnum þeirra. *
Nú mun eðlilega spurt verða: Skulda nú eigi fjelags-
menn fjelagsheildinni talsvert upp í þetta?
Eins og kunnugt er, þá skulda sumar deildir um hver
áramót, að kalla, meira og minna, og sömuleiðis nokkrir
fjelagsmenn utan deilda. En svo eru aptur deildir og
einstakir fjelagsmenn, utan þeirra, sem átt hafa inni.
Og þetta jafnaðist vel upp í árslok 1905. Nú er þetta
ekki fullsjeð enn, en jeg vona, að það standi ekki mið-
ur en í fyrra. — Fyrir 14 árum var þessu mjög ólíkt
háttað, skuldir þá miklar en eignir engar teljandi. En
þá sýndist fjelagsmönnum nauðsýn á, að kippa þessu í
liðinn og gjörðu þegar rögg á sig. Þá fengust þrjú ár
góð, og þau voru vel notuð. Og árangurinn hefur orðið
þessi, sem jeg hef nú skýrt frá.«
»6. Viðskiptasambönd fjelagsins. Fyrstu árin gekk ekki
vel að fá tryggileg eða heppileg viðskiptasambönd er-
lendis, og þá er fjelagið hafði fengið öruggan umboðs-
mann, sem jafnframt hefur verið erindsreki þess erlendis,
varð allt til hans að sækja: stofnfjeð að mestu að láni,
veltufje að öllu leyti, í stuttu máli allt Iánstraust. Enn
fremur allt, sem laut að vöruvali og kaupum, vörusölu
og svo flutningi vörunnar. Nálega allt varð að sjá með
hans augum, því þekking á þeim hlutum var engin í
fyrstu, og útvegir fáir. Jeg álít að 'vjer höfum verið
heppnir í vali á umboðsmönnum, en í þessu var þó
fólgið mikið ósjálfstæði. þetta er nú að flestu leyti mjög
breytt til hins betra. Lánstraust er nú fengið loks innan-
lands, svo sem nægir, og er það að þakka hinum miklu
umbótum á peningastofnunum landsins; eigin efni fje-
* Innstæður í sparisjóði K. F*. nú um áraniótin kr. 11,657.92, mest
af þeim eign fjelagsmanna, barna þeirra eða hjúa.