Andvari - 01.05.1961, Side 78

BJÖRN SIGFLJSSON:
Vaxtaráætlun vegna mannfjölda
Fáir áratugir eru eftir af 20. öld. Þá
tugi lifir þjóðin svo bezt, að hún verji
þeim til að búa undir jiæstu öld barna
sinna og árþúsundið, sem kemur.
I þá átt verða hér rakin sjónarmið sögu-
manns, sem er enginn spámaður að iðn
og hneigðari að leita heldur fjarsýnar til
nútíðarlanda og til fortíðar. Ekki er grein-
in heldur sú þjóðhagslega greinargerð,
sem fyrirsögn gæti bent til; aðeins skal
það rætt, hvc nauðsynlegt sé að gera rann-
sókn og áætlun, og reifaðar nokkrar hliðar
mála án þess að fortaka, að öðrum megi
þykja jafnþung rök vera ósögð.
Komandi öld, hin 21., hlýtur að krefj-
ast þess í 5—8 milljarða mannþröng, sem
þá verður á hnettinum, að Island fram-
fleyti þeim 2—3 milljónum manna, sem
það mundi vera fært um að ala, full-
nytjað með nútímatækni. Það skal ekki
útskýrt náið, hví og hvernig þetta er
hægt, en kröfuna sjálfa þýðir ekkert að
efa. Aðeins þarf að verða karlmannlega
við henni, gera annað en rekast undan
straumi. Og hvernig eigum við þá að
sjá til þess, að þær milljónir vilji og geti
orðið íslendingar?
Það ættum við einkum að geta vegna
þess, að við erum eyþjóð með sterkar
rætur. Einnig vegna þess, að heilsufar,
lífskjör og fjölgunarhæfni eru hér nú
með því bezta móti, sem gerist í van-
þróuðum löndum, og aðlögunargeta, nám-
fýsi og ýmiskonar framtak samsvara mun
hærra tæknimenningarstigi en fram-
leiðsluafköst þjóðarbúsins bera vitni um
í dag. Þess vegna cr cngin fjarstæða að
treysta þjóðinni til þeirra sigra, sem henni
er öll nauðsyn að vinna fyrir aldamótin.
Hvötin til að vinna þá sprettur af þörf
til betri afkomu og fjölmörgu öðru en
þörfinni að búa í hag fyrir þær 2 millj-
ónir, sem kunna að erfa land að ein-
ungis 100 árum liðnum. Mörgum mun
virðast nóg að miða áhyggjur næsta ára-
tugs við það eitt, sem gerast þarf fyrir
aldamót, og skal ég nú takmarka um-
ræðuefnið við árið 2000 og leiðina
þangað. í fyrsta þætti skal því svarað,
hver þjóðarfjölgunin kunni að verða og
ætti að verða, nema gripið yrði til þess
að flytja út fólk í stað aukinnar fram-
leiðslu. í öðrum þætti skal getið erlendra
dæma um áhrif fjölgunar á lífskjör og
bent þangað til samanburðar. Sérþættir
eru um byggðarþróun Hálogalands og
vikið að iðnvæðingu þar. Þá er um
væntanleg fjöldahlutföll milli íslenzkra
landshluta og reynt að flokka kaupstað-
ina í tegundir. Brugðið er upp fleiri
erlendum myndum, hinum öftustu raun-
ar úr smiðju fornsagna.
Aukyiing í 400 þiísiind eða burt-
flutningur?
Tölfróðir menn hafa gengið úr skugga
um það, að þjóðin verði orðin 384—400
þúsund um aldamót að óbreyttum fæð-
ingatíðleik á hvert þúsund fullvaxinna
kvenna innan 45 ára. Auk þess væri
náttúrlegt að reikna með meiri innflutn-
ingi en útflutningi á fólki, þótt ekkert
yrði gert til að örva slíkt né banna, en
nægri atvinnu viðhaldið í landinu. Með