Andvari - 01.01.1942, Qupperneq 23

ANDVARI
Magnús Guðmundsson
19
sig þá ábyrgð, er hinni aðferðinni fylgdi, þótt það gæti orðið
til gyllingar, ef vel tækist.
Rúmið leyfir ekki, að farið sé út í afskipti Magnúsar Guð-
mundssonar af landbúnaðarmálum yfirleitt. Hér verður því
aðeins drepið á nokkur atriði.
Eins og kunnugt er, voru þeir Sigurður Sigurðsson, Valtýr
Stefánsson og Magnús Guðmundsson höfundar jarðræktarlag-
anna. Unnu þeir að samningu þeirra síðari hluta ársins 1922 og
höfðu lokið því fyrir jól. Frumvarpið var lagt fyrir þáverandi
atvinnumálaráðherra, Klemens Jónsson, en stjórnin vildi ekki
taka það til flutnings.
Frumvarpið var því flutt af landbúnaðarnefnd Nd. á þing-
inu 1923. Átti Magnús Guðmundsson ásamt nefndinni mestan
þátt í, að frumvarpið varð að lögum á því þingi.
Með frumvarpi þessu var lagður grundvöllurinn að hinum
miklu jarðræktarframkvæmdum síðari ára.
Á þinginu 1926 afhenti Magnús Guðmundsson, sem þá var
atvinnumálaráðh., landbúnaðarnefnd Nd. til flutnings frum-
varp til laga um framlag til kæliskips, þar sem ríkisstjórninni
var heimilað að leggja fram 350 þús. kr. til byggingar kæliskips
1 félagi við Eimskipafélag íslands. Frumvarpið var samþykkt
°g Brúarfoss byggður. Með byggingu hans var lagður grund-
völlurinn að útflutningi bænda ó frosnu kjöti til Englands og
annarra landa, sem enn er helzta bjargráðið, þegar innlendi
warkaðurinn þrýtur.
Þá átti Magnús Guðmundsson mestan þátt í því ásamt sam-
Mngismanni sínum og Árna G. Eylands, að fljótandi skurð-
grafa var keypt til landsins. Kostnaðaráætlun kom of seint, svo
ekki var hægt að taka fjárveitingu í þessu skyni upp í fjár-
lagafrv. stjórnarinnar á þinginu 1926. Fjárveitinganefnd Nd.
var því falið að taka upp fjárveitingu til kaupanna.
Skurðgrafa þessi vann fyrst nokkur ár norður í Skagafirði,
en var siðan flutt suður og endurbyggð þar. Hefur hún síðan
starfað á Suðurlandi. Störf hennar hafa markað timamót í
unaðarsögu heilla sveita.
Jannig mætti telja röð af landbúnaðarmálum, er Magnús