Andvari - 01.01.1931, Page 9

Andvari
Síra Eiríltur Briem, prófessor.
5
og kynnast landslaginu. Á þeim árum gekk hann eitt
sinn einsamall upp á fjallið Kerlingu fyrir ofan EspihóL
Löngunin til að sjá sem víðast yfir og vita, hvað við
iæki bak við fjalisbrúnina, dró hann þangað. Taldi hann
þessa fjallgöngu meðal minnisstæðustu atburða æsku-
áranna. Hann naut ágæts útsýnis af fjallinu, bæði suður
1.1 jökla og austur um Mývatnssveit og Þingeyjar-
sýslu, og sá þá í fyrsta sinn mörg fjöll, er hann að
eins hafði heyrt nefnd áður eða séð nafngreind á ís-
landskorti Björns Gunnlaugssonar. — Frá 10 ára aldri
til fermingar sat hann yfir ám á sumrum í fjallinu upp
af Espihóli, Aðal-hjásetustöðvarnar voru í svo nefndum
Kvarnárdal. Vorið 1923 fór hann kynnisför til Eyja-
fjarðar. Brá hann sér þá upp í Kvarnárdal; voru þá liðin
rúm 60 ár, siðan hann var þar smali. Sá þá enn fyrir
rústunum af smalakofa, er hann hafði reist í melholti,
þar sem bezt var útsýni yfir hjásetusvæðið.
Eftir að Eirikur hafði lært að lesa, tók hann að lesa
bækur þær, sem hann átti völ á, af eiginhvöium, t. d.
fornsögurnar, Oddsens-Iandafræði, Ármann á alþingi,
gömlu og nýju félagsritin o. fl. Festist þá hugur hans
við ýmsar greinir í ritum þessum, sem eigi virtust við
barnahæfi. Einkum voru það ritgerðir, er byggðar voru
á reikningi og gáfu tilefni til frekara útreiknings. T. d.
festist mjög í huga hans grein eftir Ólaf Stephensen í
gömlu félagsritunum »Um gagnsemi sauðfjár«. Voru í
greininni margar töflur og útreikningar um arð af 6auðfé,
fóðurkostnað, hirðingarkostnað o. fl. og samanburður á
arði af sauðfjáreign og nautgripa, og sýnt, hversu fjár-
stofn gæti ávaxtast í kvikfjáreigninni. — Eftir leiðbein-
ingum í Oddsens landfræði tók hann að reikna út þver-
mál kúlu eftir gefnu hringmáli og rúmmál kringlóttra
iláta. Þegar hann var á 9. ári lærði hann fingrarím af